حد يقولى الموقف دة يعصب ولا لا ؟؟؟؟؟؟

**merosss** · 26-10-2008 01:38 AM

النهاردة وانا سايق وراجع من مدينة نصر على الاتوستراد انا ماشى شمال على سرعة يمكن 80 مثلا وقدامى عربية على الشمال وجنبى عربية على اليمين ومستنى يما الدنيا توسع كدا وعدى وفجأة ليت واحد بعربية سوزكى النقل الصغيرة دى وحشر نفسة بينى وبين الى على يمينى واحنا تقريبا على 80 و عايز يعدى(اروح فين يعنى عشان يعدى) المهم انا مش عرف عمل كدة رحت اتعفرت معرفش لية وقفلت معايا مهوش معدى ورحت قارص على الرابع جبت 100 وكل مايجى يعدى اقوم قافل علية عملت حبة حاجات ذى الافلام الاجنبى شوية كدة لو لا ابن خالتى معايا وقال فية اية يا عم وراح مشاورة يعدى وانا سبتة المهم بعد الى حصل انا زعلان من نفسى عشان بتنؤفز وانا سايق ودة اكبر غلط ومش عارف اعمل اية ؟؟؟؟؟

**KoDaK_Gti** · 26-10-2008 02:17 AM

بص هو القانونى ان اللى عاوز يعدى منك يعدى من الشمال المفروض ييجى من وراك ويقلبلك نور وانت تاخد يمينك وهو يعدى
انا بعمل زيك بردو وبتخنق من اللى بيستنصح كده وبالذات من بتوع موتسيكلات الدليفرى مبخلهوش يعدى بين عربيتى واى عربية تانى
لأنه كده كده الصندوق بتاعه هيجرحلك العربية فبغتت عليه علشان ميعديش من جمبى خالص

**Abdo_Eldesokey** · 26-10-2008 04:39 AM

بتحصل عادي معانا كلنا يا باشا ... وبنرجع بردوا نلوم نفسنا

صدقني انت ممكن تكون اتنرفزت المرة دي ، لكن طالما انت مدايق انك عملت كده يبقى المرة الجاية صبرك هيكون أكثر ومش هتتنرفز بسرعة

**Samir Elshahawy** · 26-10-2008 10:20 AM

انا برضه كتير بأتعرض للموقف ده , وكنت ساعات بعمل زيك كده لا و بتقفل معايا ان ماحدش هايعدي مني بقي النهاردة و اللي بيحاول يبقي يوم اسود عليه و عليا و يالا بقي

لكن لاقيت ان ده مش صح فأصبحت اعدي اللي عايز يعدي المهم يغور و يبعد عني , ماهو كلنا في الاخر هانقف في نفس الاشارة و نتنيل نتأخر

هدي نفسك الموضوع مش مستاهل و مش فارقة

**Amrrr** · 26-10-2008 02:19 PM

كلنا فعلاً بتنرفز بس الفكرة اننا مش بنستفيد حاجة غير القرص على العربية والحرق عليها وفي الآخر لو حسبتها صح هتلاقي انه مش فارقة معاة لأنها بنسبة تسعة وتسعين في المائة سواق عالعربية ومش هتفرق كمان انه يحكها لو طلبت عشان يعدي منك وفي الآخر كدة بحس اني عملت عقلي بواحد اهبل وفاهمها غلط وبقيت اعدي اللي باحس انه بيتغاشم واشاورله بايدي عدي او هعديك ولو الطريق فتح ممكن جرياية صغيرة وانساه مش هتشوفه تاني وتخيل احساسة هيبقى ايه ساعتها - هو اللي وصل نفسه لكدة عشان واخد الموضوع نفسنة والحكاية مش كدة خالص - وفعلا مالهاش لزمة حرقة الدم والأعصاب عشان الصحة مش ناقصة وكمان العربية
وكان في موضوع تاني عن النرفذة وانت سايق وفي آية قرآنية بس انا مش حافظها كلها ( والكاظمين الغيظ والعافين عن الناس ) حاول كل ماتلاقي نفسك هتتعصب وتبدأ حالة التحول افتكر الآية وافتكر الفلوس اللي دافعها في عربيتك واللي هتدفعها لو قرر انه يعدي بالعافية & واستعيذ بالله
انا من امبارح بحاول اعمل كدة عشان من يومين قعدت اشتم واهزق في سواق اتوبيس وبعدين ندمت اوي بعديها عشان شتمته بأهله والموضوع كلة انه كان هيكسر علي وهيغور في ستين داهية ويخلص الموقف

**Amrrr** · 26-10-2008 02:22 PM

اه صحيح الموقف اللي حصلك يعصب فعلاً

**Mystique** · 26-10-2008 08:39 PM

فعلا المواقف دي كنت بتنرفز منها ف الأول بس بعدين لما لقيت اللي بيعمل كدة سواقين تاكسيات او باصات او ديليفري او حتى واحد حابب يستعرض ف الشارع..يعني مستبيعين ومش هاممهم عربياتهم..بسيبهم يعدوا ويختفوا من قدامي..انا تهمني عربيتي والخدش ولا الكسر عندي بكتير ده غير اني هتضايق اكتر بكتير عليها..
مبدئ اني مهما حد استفزني..مش هدخل في street race معاه خصوصا لو شوارع زحمة مش مستحملة..وهنقف ف الاشارة ف الاخر

**M.Mokhtar** · 26-10-2008 09:25 PM

الواحد ياما بيتنرفز من الحركات دى وبيعمل حاجات يندم عليها بعد كده
انا كتير ناس بتستغبى جامد معايا وانا مش بعرف اعدى :(

مره تاكسى رمى عليا جامد فى حته ماتنفعش وكنا فى نفق الهرم وما ادراك ما نفق الهرم
اتنرفز جدا وزنقت عليه بعد النفق فطلع قدامى وفضل يحجز عليا وراه
انا طبعا مش يحصل معايا كده خالص :)
هو طبعا بيزنق عليا عن طريق المرايه
فرميت يمين جامد وروحت كاسر شمال على الاخر وكيك داون بسبورت مود فى اقل من ثانيه كان هو محدوف يمين وانا فى اقصى الشمال
وما سبتوش الا بعد ما كان هيلبس فى عربيه ميكروباص بتركن عشان تنزل ركاب وانا كنت هشيل ولد وبنت بيعدوا الطريق بس ربنا ستر
بعدها اضايقت من نفسى جدا وقولت انا ليه عملت كده وكمان فى شارع زحمه زى الهرم

بس ساعتها الشيطان بيبقى مسيطر عليك وبيقولك لازم تاخد حقك وماتسبش حد يعيش عليك خصوصا انك بتعرف تسوق وواد جامد ومعرفش ايه
بس والله مفيش حد كبير فى السواقه
ياما محترفين عملوا حوادث هايفه
ربنا يهدينا جميعا

بس احلى حاجة فى الموضوع الولد والبنت اللى بيعدوا الشارع وهو ماسك اديها قال ايه بيعدييييهااا:)
لما لاقانى داخل فيهم ساب ايديها ورجع لورا وسابلى البنت انا بقى اتصرف معاها :)
هو ده الحب الحقيقى

**shanodaa** · 26-10-2008 10:43 PM

اكيد طبعا يتعصب بس لو ريحت دماغك وسيبته يغور بعيد عنك يكون احسن

**mody_halawa** · 26-10-2008 11:12 PM

المشاركة الأصلية كتبت بواسطة M.Mokhtar

بس احلى حاجة فى الموضوع الولد والبنت اللى بيعدوا الشارع وهو ماسك اديها قال ايه بيعدييييهااا:)
لما لاقانى داخل فيهم ساب ايديها ورجع لورا وسابلى البنت انا بقى اتصرف معاها :)
هو ده الحب الحقيقى

جامد اوى الموقف دة

الموضوع: حد يقولى الموقف دة يعصب ولا لا ؟؟؟؟؟؟

LinkBack

أدوات الموضوع

عرض

حد يقولى الموقف دة يعصب ولا لا ؟؟؟؟؟؟ - انشر الموضوع فى :

-

-

-

-

المواضيع المتشابهه

تعمل ايه في الموقف ده؟؟!!

حد حصل له الموقف ده قبل كده؟؟؟!!!

ممكن حد يقولى اتصرف ازاى فى الموقف دة قبل ما اعمل مصيبة

حد يقولى اعمل اية فى السقف او يقولى اعمل اية فى الكلاب

الكلمات الدلالية لهذا الموضوع

المفضلات

المفضلات

ضوابط المشاركة