العفو على إيه
ومبروك تغيير الإسم
عرض للطباعة
كل عام وحضراتكم بخير
معلش انا عارفة اني هاتقل عليكم دلوقتي انا ركزت كويس اوي مع اللمبة بتاعة الزيت ولاقيتها بترعش في اللحظة اللي بشيل رجلي من علي الدبرياج مش لما بدوس فرامل وتطفي بسرعة جدا
العربية الحمدلله كويسة ومش حاسة انها هاتبطل مثلا ولا حاجة وكله تمام والحمدلله بس هي حكاية اللمبة دي جديدة عليا علشان كده مجنناني
يبقي انا كده مشكلتي مختلفة عن مشكلة الاخ m_sharaf_2005 صح؟ لأن هو عربيته اوتوماتيك
طيب ممكن يكون زيت الفرامل عاوز يتزود مثلا وهو اللي عامل كده؟ هو ناقص حاجة بسيطة اوي لاتذكر
معلش يا جماعة انا اسفة بتقل عليكو احنا داخلين علي عيد وعاوزة اخرج ان شاء الله وانا مطمنة
وحضرتك بخير
اعتقد الدبرياج ملهوش علاقه ان اللمبه تنور
ولو ساعات اللمبه بتنور من غير ما تدوسى دبرياج يبقى كلامى سليم
ولو ناقصه زيت فرامل المفروض لمبه الهاند اللى تنور مش الزيت
فى حاجتين تانيين ممكن يكونو السبب بس انا ارجحهم بعد الاسباب اللى انا قولتها فى الاول
فلتر الزيت
مشكله فيوز
حظك وحش المشكله جيه فى عيد والناس مش فاضيه --_--
بس ان شاء الله بسيطه
حصلت معايا في عربية افيو وكنت لسة عامل صيانة ومغير زيت من 300 كم وكنت جايب زيت بلجيكى غالى
غيرت زيت وفلتر وبرضة العيب موجود لمبة الزيت ترعش اول ما تشيل رجلك من عاى البنزين او وانت طالع مطب
والعيب كان في ساعة الزيت غيرتها وكلة بقى تمام بس غرمت زيت وفلتر
الحمد لله انها جت سليمة ونفس الموقف حصل مع واحد صاحبى معاة نوبيرا وطلعت ساعة الزيت
لا حلوه -_- -_-
هو ملهوش اى علاقه نهائى
بس مجرد ما تدوس فرامل ويكون فى تسريب من السيرفو بيحصل حمل زياده على الماتور ولمبه الزيت بتنور
بكل بساطه ممكن اوضحهالك اكتر من ناحيه تانيه
لما تكون طالع بالعربيه الصبح وهيا بارده او طالع بيها على مطلع العربيه بتبقى محتاجه تدوس بنزين زياده
علشان متبطلش وتقدر تطلع ولو مدوستش بنزين زياده هتلاقى العربيه عاوزه تبطل ولو لاحظت فى العداد هتلاقى لمبه الزيت بتنور