الموضوع: مشكلة مع لمبة الزيت

جرب تاني في تغير الزيت تاني المره الجايه غير معاه فلتر لو لسه نفس الموضوع يبقي طلمبة الزيت بس خلي بالك الفلتر لازم يكون الكبير انا الموضوع ده حصل معاي غيرت الفلتر لانه كان صغير واتعدل واللمبه طفت

هى غالبا الطلمبة يا ريس
و تقريبا فى اللادا ممكن تغيرها بفك كارتير الزيت من تحت من غير ما تطلع المكنة
بس لما تفكها جربها برة فى طبق فيه زيت و شوف ضغطها لو حلو ممكن جدا يكون فعلا الموتور خفيف و هو السبب
بس عامة بتكون هى السبب و موضوع خفية الموتور دى بعيدة اوى
و ممكن تجرب تغير ساعة الزيت الاول قبل ما تفتح و تعمل فيلم هى تمنها حوالى 7 جنيه او 10 جنيه

متشكر علي اهتمامكم بالرد .
معنا كلامكم ان لمبة الزيت تنور طول ما انا مش مزود بنزين دة مش عادي في الادا صح ؟
و ان كدة اكيد في مشكلة ممكن تكون في الفلتر مع اني مغيرة بس احتمال يكون اتغير بواحد مس مناسب ل الادا .
او تكون المشكلة في ساعة الزيتالي انا مش عارف هية عبار عن اية من الاساس
او تكون المشكلة في طلمبة الزيت .
بس كدة لبة الزيت دمها مفرق بين القبائل
مفيش حد مممكن يفدني اكتر

طبعا أنا قريت اللي انته كتبته و جميع الردود شوف سواء كان الموتور خفيف أو تقيل دا مالوش علاقة بتاتا ان اللمبة تفضل شغالة و لو فرضنا جدلا أن طلمبة الزيت فيها حاجة زي ما الأفندي الميكانيكي قالك مش هتخللي اللمبة تنور باستمرار و بتطفي أحيانا تانية يعني الأخ كان بينصب عليك .
و اللي عايز أقوله لك لو كان فيه حاجة غلط في الماكينة أو طلمبة الزيت العربية كان زمانها جابت آخرها من أول مشوار لأن لو زيت الماكينة فيه حاجة يعني على العربية السلام .
يبقى مفيش امامنا غير احتمال واحد و اعتقادي الشخصي ان هوه الصواب و هوه أن لمبة الزيت بتاعتك فيها مشكلة يعني محتاجة كهربائي يكشف عليها و أنا مش شايف سبب تاني غير كده .
أما بالنسبة لموضوع ان ده عادي في اللادا بصراحة مش عارف ممكن حضرتك تسأل أي أخ عنده لادا يفيدك أكتر بالرغم أني معتقدش ان ده بيحصل كتير .
و بانتظار رأي الخبراء و يا ريت الأستاذ محمد ممدوح يشارك برأيه فهو ماشاء الله عليه خبير و ثقة .
ربنا يبارك لك .

يا استاذ رامى اللادا بنت عم الفيات
السبب ده لحاجه من تلاته
يا اما فى كونفليكت كهربا بعمل كده وده حل يشوفهولك الكهربائى اما يكشف على سلك لمبة الزيت من اوله لاخره
ثانيا ممكن اوى تكون ساعة الزيت والساعه دى عباره عن حاجه زى صاموله كبيره كده طالع منها مكان لدخول ترمله زى بتاعت السماعه بتركب فى الموتور وبتتفك وتتركب الاووظ
ثالثا ودى اكبر حاجه اللى هى طلمبة الزيت والعربيه مش هاتقفش بعد مشوار ولا اتنين بس لازم تعرف ان المكنه كده بدات تاكل فى بعضها ومش هاتقعد معاك كتير وانا بتكلم فى مسأله اسابيه
ويبقى حظك حلو لو كانت اللادا بتغير الطلمبه من تح اما تفك الكرتيره وده معناه انك لا هاتنزل مكنه ولا عمره ولا دياولو

اكشف على ال 3 حاجات دول وربنا يجعلها اخفهم يارب
بس اوعى تتاخر طلمبة الزيت اخرها معاك 150 جنيه احسن ماتتلكع وتدفع ميه وخمسينات كتير ده غير بهدلة الميكانيكيه والعمرات ربنا وايوريهالك