عرض للطباعة
السلام عليكم
نويت اجيب ان شاء الله النترا 2015 ودا بعد لف السنين في المعارض والسؤال عن المستعمل واللي ديما بسمع منهم اسعار وهميه وحالات مش اد كدا
الفئه اللي هاجيبها هي او فئه فتحه سقف و سعرها 153 وطبعا بيكون عليها اوفر حوالي الفين
كان ليا استفسارين اولا اللون انا محتار جدا بين النبيتي والفيراني
ثانيا هل فرامل العربيه مرضيه بدون abs
واخيرا مستني نصيحتكم ودعوتكم ان ربنا يتمها علي خير ان شاء الله
هي الفرامل مرضيه لكن مع التراب اوالمطر مش مرضيه
اللونين حلوين اوى عليها
بس انا يعجبنى الفيرانى
يا باشا بما انك هتركب جديد و هتدفع مبلغ مش قليل زود و جيب حاجة فيا abs
يا جماعه والله انا كنت بشترى اكسنت rb وبعد كدا لما شوفت الانترا والفرق بينهم 20 الف عصرت نفسى تماما لغايه ما جمعتهم بالعافية ومش هاعرف ازود 11 الف جنيه اللى هى الفئة اللى بعدها
السؤال على الفئة دى والوضع دا العربية تمام ولا ايه ؟؟؟
انا عاشق للألنترا ومعايا النترا 2010
ولكن من غير abs يبقى بلاش
ال abs والايموبلايزر بقوا اساسيات
هى فيها امبولايزر ولو حضرتك جربتها من غير abs وبabs هل فيه فرق فى الفرامل العادية غير المفاجأة ؟اقتباس:
المشاركة الأصلية كتبت بواسطة msobhy
متبص على الكروز بما انك عايز abs و سعر فى حدود ال 153
الكروز ماكينة ضعيفه على البادى بتاعها وطلعتها سيئة جدا بالاضافه ان مفهاش اوبشن الالنترا وسوقها سئ جدا فى اعادة البيع
ممكن انا ارد مكانه وانا ع فكره قعدت اشرحلك وحضرتك برضو محسسني ان انا بكتب في هوا D:اقتباس:
المشاركة الأصلية كتبت بواسطة soltanfriend
بابا عنده جيتا طبعا فيها abs والتانيه الالنترا 2010 بتاعتي مفهاش absوفيه فرق بينهم اوي في الفرامل بعض الاوقات في الالنترا بحس ان انا خلاص هلبس بس الفرامل بتحلقني بس في اخر ثانيه بس ممكن مره من المرات ارشق و ع فكره انا بحس كده عشان انا دايما اجري حتي لو زحمه فبجري بسرعه بعد كده اضرب فرامل لان انا اتعودت في الجيتا بامان الفرامل فدايما بجري في الزحمه وانا قلبي مرتاح و الجيتا عمرها ما زحفت ابدا ابدا مهما كانت الظروف سواء مطر او في رمله
الالنترا لو فيه شويه رمله في الارض وضربت فرامل جامد تقوم تزحف
تحياتي ليك
استاذ محمداقتباس:
المشاركة الأصلية كتبت بواسطة Mohamedjetta
اولا احب اشكرك جدا على التواصل
ثانيا الالنترا من 2012 الفرامل الخلفيه ليها سواء بabs او بدون على تنابير مش سكاكين
ودا عكس الجيتا طبعا اللى الارع فرد على سكاكين وطبعا معروف السكاكين بتفرق ازاى عن التنابير
علشان كدا الالنترا وضع مختلف شوية
لا شكر علي واجباقتباس:
المشاركة الأصلية كتبت بواسطة soltanfriend
طب احب اقولك حاجه و ع فكره انا معلوماتي في الفرامل مش حلوه
انا عربيتي الالنترا الاربع فرد سكاكين و ع فكره عربيتي النترا hd خليجي وممكن ابعتلك الصور ع الواتساب وبرضو حاسس عندي الفرامل جيده بس مش بالدرجه الحلوه
لو حضرتك تشوف الصور يبقي احسن لان معلوماتي ضعيفه جدا عن موضوع الطنابير والسكاكين
فعلا فرامل الhd سكاكين ودي غير الmd
طب كويس اني مغلطشاقتباس:
المشاركة الأصلية كتبت بواسطة soltanfriend
بس ع فكره الفرامل مش حلوه اوي بالذات مع الناس اللي بتحب تجري في الزحمه وتاخد غرز
عمتا مبروك مقدما حضرتك وانشاء الله هترتاح اوي مع الالنترا ... عربيه جميله حلوه اوي واحسن من عربيات يابانيي كتير واناا ع فكره مرتاح جدا مع النترا مع اني نازل من الماني بس برضو مرتاح عشان لو عارف لا قدر الله حاجه باظت هتكون تكلفتها قليله عكس الالماني و برضو قوه موتور الالنترا احسن من الالماني وبيسعفك من المواقف الخطره
عمتا هي و السيراتو احسن عربيتين في السعر ده ومفهمش عيوب
والله مستني اسمع الكلام دا من زمان علشان اتطمن بس ماحدش راضي يقوله :)اقتباس:
المشاركة الأصلية كتبت بواسطة mohamedjetta
طيب ايه رايك في اللون نبيتي ولا فيراني
النبيتي حلو جدا و الفيراني حلو برضو و الاسود تحفه... بس في الغوامق الخدوش بتبان اوي وبتضايق اما في الفواتح الخدوش مش بتبان الا اذا دققت اوياقتباس:
المشاركة الأصلية كتبت بواسطة soltanfriend
انا عربيتي لونها بتنجاني والخدوش فيها بتبان وببقي مضايق
عربيتى HD مفيهاش abs وطبعا عملت معاها افلام علشان احسن اداء الفراملاقتباس:
المشاركة الأصلية كتبت بواسطة soltanfriend
معايا عربيه تانيه MD 2013 فراملها بالظبط زى ال 2010 باختلاف انى دايما حاسس ان ظهرها مش ثابت وديه شكوى عامه
مجربتش النترا سواء MD or HD with ABS لكن جربت عربيات تانيه كتيييييير وبصراحه الفارق ملموس بفظاعه
معلومه على الماشى
ال ABS رائع على السرعات العاليه - لكن على السرعات الواطيه بيكون مزعج جدااااااااااااااااا
انا حجزتها خلاص وربنا يستر بقي
وسمعت معلومه ان الجنط بيثبت العربيه اكتر هل دا فعلا ؟؟؟
يا راجل سايب الكروز ورايح تجيب النترا فاضية ....
الف مبروكاقتباس:
المشاركة الأصلية كتبت بواسطة soltanfriend
هو بيزود الثبات شويه .. انا كنت شايف موضوع لعضو هنا مركب جنوط لنيو اكسنت 2010 مقاس 16 انش وزوده معاه الثبات
حضرتك الالنترا تقدر تشتريلها اربع جنوط اصليين هيونداي مقاس 17 انش من بتوع الاستيراد لو خايف من 17 عشان البلالين يبقي جبلها الجنوط 16 ( الشكل الجديد)
ومش شرط تعملهم دلوقت ممكن تعملهم في الصيف لان الواحد في الصيف بيسافر كتير
حضرتك حجزت اي فئة؟
انا فعلا مش ها ازود على الجنوط ال16 علشان احافظ على العفشة و نعومتها ان شاء الله ودا مش هايكون قبل سنه على الاقل
وبالنسبة للفئة فهى اول فئة فتحه سقف واسمها gl sr وحجزتها نبيتى ان شاء الله
بسم الله ماشاء الله ربنا يبارلك فيها ولون رائعاقتباس:
المشاركة الأصلية كتبت بواسطة soltanfriend
ع فكره الالنترا بتنزل 17انش في فئه الهاي لاين في الخليج يعني متخفش بس 16 حلو ومريح ومش بيعمل بلالين كتير عكس 17 ونصيحه مني متخليش حد يلعب في دماغك طالما استقريت وحجزت يبقي خلاص توكل ع الله واهم حاجه تكون صليت استخاره و دعيت دعاء السوق
بالنسبة للكروز فهى ماشاء الله فى عومل الامان عدا ذلك متور ضعيف جدا ( تم تجربة ال2010 و2013) فتيس بطئ الاستجابة وعفشة محتاجة تربيط كل شهر على الاكثر بالاضافة لسعر اعادة بيع واقع جدااقتباس:
المشاركة الأصلية كتبت بواسطة ashouhdy
وبالنسبة للالنترا فهى تزيد عن الكروز في الماكينه 130 حصان وتسارع اعلى واستهلاك اقل للبنزين
فتحة سقف بلوتوث usb مرايات ضم و سعر افضل فى اعادة البيع
الحمد لله وربنا يتم الموضوع على خير ويستر ان شاء اللهاقتباس:
المشاركة الأصلية كتبت بواسطة mohamedjetta
والله القصه اصلا بدأت ان كان نفسي فى الافيو الجديدة وبعدين قولت ازود واجيب صنى وبعدين قولت اجيب اكسنت وبعدين ريو وبعدين النترا وطبعا كل زياده بتغط اكتر عليا فى قيمه القسط
وفى الاخر الحمد لله وربنا يستر عليا وعلى ابنى وزوجتى
يارباقتباس:
المشاركة الأصلية كتبت بواسطة soltanfriend
هتضغط ع نفسك بس مقابل انك هتاخد عربيه مقتنع بيها وحاببها والالنترا هي اعلي حاجه في العربيات دي واحسنهم و ع فكره الاكسنت مش وحشه بس ثابتها مش حلو
متنساش تقولي انطباعك عن العربيه
الabs مهم جدا وده اقل اوبشن للامان في العربيه
لو حضرتك تقدر تستغني عن فتحه السقف في مقابل الabs يبقي كويس
لا المشكله ان في حاجات متنفعش تزودها في العربيه لو مش موجوده
ومن ضمنها الabs
لاكن بلوتوث .فوجات.كاميرا خلفيه
دي حجات سهله تركب
لاكن ايموبليزر .abs.ايرباج
مينفعش
وحضرتك مش حتشتري عربيه كل شهر
فكر بس علشان متقلش بعد كده ياريت كنت جبتها
وعلي فكره المقارنه بتاعت الجيتا والالنترا غلط
الabs بالعكس بيطول مسافه التوقف
يعني الالنترا الي مفيهاش abs لو حتقف علي سرعه 100في 40متر
الالنترا الي فيها abs حتقف في 43متر
بس وقوف بدون زحف ولا انحراف
ياريت تفكر في النقطه دي..مهمه جدا
وربنا يوفقك
انا اقصد قوه الفرامل في الجيتا عندي غير الالنترا اللي هي برضو عندي واعتقد abs هو اللي عامل الفرق دهاقتباس:
المشاركة الأصلية كتبت بواسطة aymn6666
وزي ما قولت خليت واحد صحبي سويق ركب عربيتي الالنترا وفرمل ع سرعه عاليه ولا انحرفت ولا زحفت .. مشكلتها العربيه دي في الرمله و المطر فقط
احنا كان عندنا لانسر بومه مفهاش abs ولو ضربت نص فرامل هتلاقي العربيه زحفت وعامت حتي لو ماشي ع طريق مسفلت وماشي ع سرعه 100 كم/س يعني فرامل عن فرامل تختلف
برضو فرامل الالنترا قويه عن عربيات كتير زي لانسر والصني وغيره وغيره
عادى يا جماعة في ناس لسة بتدور عالشكل و الاوبشنز و الجرى قصاد الامان والتحكم والثبات
ثبات الالنترا حضرتك مش في الضياع يعني نقدر نقول ثبات شبه كويس واحسن من عربيات ياباني كتير وفيه ناس بتعرف تتحكم في العربيه لو راكبين لانوس ولا فيرنا ... المشكله دايما بتكون في اللي سايق و مش هتصدق لو قولتلك ان مره بابا عامت منه اوكتافيا a4 وخبط بيهااقتباس:
المشاركة الأصلية كتبت بواسطة ashouhdy
انا نصحت صاحب الموضوع بأنه يجيب الفئه اللي فيها abs بس هي ظروفه لا تحكم
طيب وايه المشكله لما استغني عن فتحه سقف
في مقابل وسيله امان ..زي الabs وايرباج زياده للراكب الامامي..الي هو ممكن يبقي الزوجه او الام
او الاب والصديق
ولا فتحه السقف افضل ؟
يا باشا فتحه السقف دي في اول فئه والفرق بين اللي بفتحه واللي من غير 3الاف جنيه وهي فيها امبولايزر و واحد اير باج
بالنسبه للفئه اللي فيها abs ب164 ومن غير فتحه
انا مش المهم الفتحه بس هي معادله كدا حسب احتيجاتي واللي ظبط معايا الانترا وانا عموما كنت ماشي بميراج موديل 98 وكنت بسافر واروح واجي وهي ولا abs ولا ثبات ولا حتي فرامل كويسه فاللي انا فيه الحمد لله نقله كبيره وبالقسط وبطلوع الجلد
انا كان نفسي في اللي فيها abs واللي فيها كل حاجه بس الحمد لله فاللي ربنا كرمني بيه و وان شاء الله ربنا يستر طريقنا جميعا
الالنترا فتحه السقف الفئه التانيه مش الاولي وب155.500
الفئه التالته بabs ودبل ايرباج بدون فاتحه سقف ب 162.55
يعني فرق 7000 جنيه مع القسط مش حيعملو اي حاجه
elantra md facelift 1.6 gl at 152,500
elantra md facelift 1.6 gl at sr 155,500
elantra md facelift 1.6 gl at hl sab abs sr my 2015 166,500
elantra md facelift 1.6 gl at dab abs 162,500
elantra md facelift 1.6 gl at highline plus my 2015
170,400
دي اسعار فئات الالنترا
اول فئه 152.500
تاني فئه -فتحه سقف 155.500
تالت فئه 2ايرباج وabs ب162.500
رابع فئه 2 ايرباج و abs وفتحه سقف 166.500
والهاي لاين ب170.400
وكل الفئات بايموبليزر
فيه عرض من شهر 7 2600 جنيه يعني اول فئه ب149,900
وتاني فئه اللي انا حاجزها ب152,900 بتزيد فتحه سقف فقط
تالت فئه ب163,900 من غير فتحه وفيها زياده ايرباج للمرافق وجنط 16 وabs
ود اسعار وكيل غبور الرسمي
وانا كنت حاجز معاهم بس هايأخرو التسليم لشهر 11 فحجزت مع معرض برا بزياده 1000 جنيه والتسليم خلال اسبوع ان شاء الله
تستلم علي خير
راي الفيراني اللون الافضل عالعربية