| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 14

  1. #1

    الصورة الرمزية Ahmed_Gallant

    رقم العضوية : 14187

    تاريخ التسجيل : 05Jul2008

    المشاركات : 463

    النوع : ذكر

    الاقامة : الهرم

    السيارة: Seat Leon 2001

    السيارة[2]: Ibiza,Jeep,Accord

    دراجة بخارية: hawjuang7

    الحالة : Ahmed_Gallant غير متواجد حالياً

    افتراضي نبذه تفصيليه عن الثلاثى المرح الفولت - الامبير - الواط - Facebook Twitter whatsapp انشر الموضوع فى :

    hasad">

    السلام عليكم
    كان فى اخ عارض مشكله مع شحن البطاريه وحاولت ارد عليه رد بسيط بس الموضوع فتح منى ونسيت نفسى ولقيت ان الرد بقى تقريبا موضوع قلت انقله لحبيايبى قسم سيات لتعم الفائده
    مبدئيا فى حبه حاجات لازم نعرفها عن الشحن والتفريغ للبطاريات (معظم المعلومات عن تجارب شخصيه ونصائح الاصدقاءخصوصا المهندس ايهاب منصور )
    1- وحده قياس البطاريه الفولت + الامبير
    -الفولت هو فرق الجهد بين قطبى البطاريه الموجب والسالب بمعنى هو فرق جهد تنافر الالكنرونات بين القطبين
    - الامبير هو شده التيار الكهربائى المار بالسلك ويجب مراعاته جيدا فى حساب الاحمال
    2- معظم البطاريات المعروفه للسيارات تتراوح بين 12 الى 24 فولت ولكن خارج البطاريه الحقيقى يزيد عن 12 فولت بمقدار ربع الى نصف فولت اى 12.25 الى 12.50 وهذه القيمه البسيطه لا تؤثر اطلاقا
    3- البطاريات المفترض كونها 70 امبير هى فى الاصل 62 ولكن ال70 هو اسم دعائى فقط
    4- البطاريه ال73 امبير هى فعلا 73 وتتواجد فى السيارات التى تعتمد بشكل كلى على الكهرباء حتى فى حاله كون المحرك متوقف مثل الرينو ميجان والبى ام بفائتها ويكون سعرها من 700 جنيه فيما فوق
    5- يجب ان يكون هناك فرق بين دائره الشحن والبطاريه مقدار 1.5 الى 2 فولت ويجب ان يكون الامبير مساوى او اعلى
    6- طريقه قياس الامبير صعبه جدا ويلزمها بنسه قياس الامبير ويجب تحميل الدينامو او البطاريه حتى تخرج اعلى امبير لها بعكس الفولت يمكن قياسه ولو لم يكن هناك احمال تماما
    7- يوجد ثلاث انواع للبطاريات المتداوله ال55 امبير وال70 امبير وال73 امبير وكما سلف ذكره الثلاث بطاريات يكون خرجهم 12.25 فولت تقريبا لذلك يكون الدينامو من 13.75 الى 14.25 وتستطيع البطاريه الشحن على 13.25 فى حالات قليله ولكن ليس ذلك هو الاهم لان الامبير هو العامل الفعال فى عمليه الشحن ويكون الامبير مكتوب بشكل واضح على البطاريه وعلى الدينامو لصعوبه قياس فى حين يمكن عدم كتابه الفولت على الدينامو فى بعض الحالات
    8- اذا قمت بالضغط على دواسه البنزين اثناء القياس واعطى الدينامو قراءه اعلى فهناك خلل فى دايره توحيد التيار داخل الدينامو وتؤدى على المدى البعيد الى تلف البطاريه على الرغم بان هذا العطل يساعد فى شحن البطاريه فى وقت قصير مقارنه اذا كانت دايره توحيد التيار تعمل فياخذ الدينامو الوقت العادى فى شحن البطاريه باعتبار ان البطاريه فارغه تماما فى الحالتين
    9- يمكن حل مشكله دايره التوحيد بتغيير الدايره الموجوده داخل الدينامو او تركيب الدايره على مدخل البطاريه الموجب ايهما اسهل ويعطون نفس النتيجه ويمكن التاكد من عملها برفع عدد لفات المحرك اثناء القياس كما وضحت سلفا
    10- (معلش الوصف ده بلدى شويه) الامبير زى الصندوق اللى هتشيل فيه حاجتك يعنى لو انت عندك صندوق سعته 10 لتر يبقى انت هتقدر تحط جوه الصندوق اللى يناسب ال10 لتر دول والزياده عن كده ياما هيضغط اللى فى الصندوق ويزاحمه فى المكان لحد ما هيجى وقت مش هينفع تزود فيه وممكن كل المكونات اللى جوه الصندوق تبوظ نيجى بقى للعربيه معاك مثلا بطاريه 62 امبير يبقى انت هتحمل عليها ال62 امبير دول بس ممكن اقل بس مش اكتر وهتلاقى كل حاجه شغاله معاك تمام جدا مراعاه ان الدينامو امبيره مناسب لشحن البطاريه
    -واحد هيقولى هعرق اقيس الامبير ازاى وانا كل ما اشترى حاجه كهرباء فى العربيه الاقى مكتوب عليها القدره بالواط هقوله بسيطه طبق القانون ده وانت تعرف الامبير بتاعها وهو ان الواط=الفولت*الامبير او ممكن تحول قدره دايره تغذيه الكهربا عندك الى واط وتتعامل يعنى تضرب الفولت بتاع البطاريه فى امبيره يطلعلك الواط بتاعها يعنى 12*62=744 يعنى احمال عربيتك لا تزيد عن الرقم ده وهى متوقفه طب لو الدينامو اعلى من البطاريه يبقى ممكن تركب اضافات تتناسب مع قدره الدينامو بس خد بالك البطاريه مش هتشحن طول مانت شاغل الامبير كله للحاجات دى لان الامبير يا هيشحن البطاريه بالامبير بتاعه او هيشغلك الحاجه بتاعتك فالبطاريات دايما بتشحن كويس وانت طافى الانوار والكاسيت والجى ام ومش مستخدم الولاعه كمان
    11- زياده الامبير لا يؤثر ابدا ابدا ابدا على عمر البطاريه بالعكس بيساهم فى شحن البطاريه بصوره سليمه حتى مع استخدام الاضاءه وما شابهها ولا يؤثر نقص الامبير الا فى عدم عمل الجزاء الكهربائيه بشكل سليم ولو البطاريه امبيرها اعلى من الدينامو يبقى هتشحن بس بصعوبه جدا وتدريجيا البطاريه هتبدأ تضعف لعدم تعويضها ما يتم استهلاكها منها بسبب المارش والانتظار وكل ما يتم تشغيله اثناء توقف المحرك
    12- زياده الفولت يسبب مشاكل كبيره جدا منها احتراق اللمبات وتلف المكونات الاخرى كالكاسيت وخلافه
    13 الفيوزات بتتحرق مع زياده الامبير مش الفولت لان كده كده اى سلك فى العربيه بيستحمل ال12 فولت مهما كان لكن يجب تناسب سمك السلك مع الامبير المار به يعنى اسلاك المارش والدينامو والارضى الواخدين من بطاريه السياره بيمشى فيهم امبير عالى جدا فلو وصلت المارش مثلا على سلك رفيع هيتحرق فورا وهتلاقى دايما الامبير الاساسى للعربيه بيكون 40 او 50 امبير لان كل مكونات العربيه مش هتستهلك كل الامبير ده ولو حصل الفيوز هيتحرق فورا عشان ينبهك ان فى عندك مشكله واللى بيركب لمبات اضاءه ويجيب جى ام وكاسيت حيوان وبعدين ميشتغلشى معاه او يحرق الفيوز الرئيسى بيكون هو مراعاش قدره الكاسيت وهل تتناسب مع امبير عربيته ولا لا
    14- لو فى يوم فكرت تستبدل سلك بسبب انه بايظ فى العربيه يجب مراعاه ان السلك المستبدل كله يكون نفس السمك ويتناسب بشكل جيد مع الامبير السارى بداخله يعنى هتوصل لمبه 30 واط هتجيبلها مثلا سلك نص مللى ومتخليش فى سلك ارفع او اتخن سواء قبل او بعد الكتاوت لان الكهرباء دايما لما بيحصل شورت بتدور على اضعف مكان وتحرقه وغالبا بيكون الفيوز يبقى الفيوز مهم جدا جدا جدا ويجب تركيبه لو انت بتعمل اى اضافه او تعديل خاص بالكهربا فى عربيتك
    15- السلك الرفيع موصل جيد جدا للكهرباء وبيقلل المقاومه فبيستخدم بصوره كبيره لاى حاجه امبيرها واطى وتركيب سلك سميك مش شطاره ولا حاجه بالعكس ده هدر فى الفلوس وفى الجهد المبذول لتشغيل المكون الكهربائى وكذلك للسلك السميك استخدامته طيب لو عايز تعرف انسب سلك يبقى بص على الفيوز فى غطا علبه الفيوزات يعنى الكلاكس بيكون 30 امبير يبقى لو هوصل سلك خاجى عشان الاصلى باظ مينفعشى سلك نص مللى تعبان ويكون واصل على الزرار على طول لازم يكون فيه كتاوت يقفل الدايره بين مصدرين كهربا امبيرهم عالى عشان مفيش حاجه تسيح او تتحرق
    16- فى العربيه مجموعه اسلاك شغاله على اقل اقل امبير ويجب الحذر فى التعامل معاها لان الاسلاك دى بتكون رفيعه جدا ودى بتكون مغذيه للازرار ودراعات النور والتحكم فى التكييف واى زرار جوه العربيه ويدوب يكون بينور لمبه ماعدا زرار الانتظار او سخان الزجاج الكهربائى وطبعا مفتاح الكونتاكت وضفيرته كامله وحاجات تانيه زيهم متوصله مباشره على فيوز وبعديه البطاريه على طول المهم الزراير دى والدراعات لو حاولت تمشى فيهم امبير عالى شويه الزرار يسيح ويولع فتيجى هنا لعبه الفيوزات والكتاوت خد بالك والكهربائى شغال عشان فى ناس عكاكين
    17- الزينون هو الحاجه الوحيده تقريبا فى العربيه اللى بتحتاج موديول عشان يحول الكهربا من 12 الى فولت اعلى لان لمبات الزينون لا تستطيع اخراج قدرتها على فولت قليل فدى ليها معامله خاصه ويجب تركيبها من متخصص لمراعاه الامبير لانها ممكن تسيحلك ضفيره النور بمنتهى السهوله
    18- عايز تشترى بطاريه 73 وتريح دماغك من وجع الاحمال والكلام ده راعى فقط حاجتين ان البطاريه ال73 حجمها اكبر وتانى حاجه لازم تغير الدينامو بواحد مناسب للبطاريه الجديده
    19- معظم العربيات الهاتش باك او السيدان الصغيره بيكون بطاريتها 55 لان مش المشكله فى الانوار والكلام ده هى المشكله الاكبر فى المارش فيفضل لو حد سقط مكنه 1600 او اكبر فى عربيه زى الابيزا مثلا انه يجيب بطاريه اعلى او يشوف البطاريه المثلى اللى كانت راكبه على العربيه اللى خد منها المكنه
    20- مكن الزجاج الكهربا بيسحب امبير عالى فخد بالك وانت بتركبه على عربيه غير مجهزه او نازله مانيوال لانهم مبيكونوش عاملين حسابهم فى الامبير والحمل الاضافى فممكن تركب 2 بس قدام كفايه وبلاش تركب وحده رفع فى عربيتك لو بطاريتك اقل من 70 امبير لانهم هيبهدلو البطاريه
    22- وانت بتشترى عربيه خد بالك من موضوع الكهربا كويس وخلى سبب ان الضفيره فيها عك من الاسباب اللى تخليك تراجع نفسك فىها واصرف نظر كمان على عكس السمكره مثلا لان العربيه لو فيها مشاكل فى الضفيره ممكن تعقدك من نفسك وتزاولك وحاجات تشتغل وتفصل لوحديها وانت ولا فاهم اى حاجه
    23- على قد ما تقدر ما تغسلشى موتور العربيه الا لو كان ديزل وتحت اى ظرف من الظروف متغسلشى عرييتك من جوه بالميه والصابون ممكن كيماوى لكن ميه لا هتندم كتير
    انا عارف انى خرجت عن الموضوع اللى بدانا فيه وهى اساسيات الشحن والتفريغ بس اظن انا غطيته فوق
    ارجو انى اكون افدتك :)
    احمد عبد السلام







    تم تثبيت الموضوع
    17/3/2016
    م ع 7

    Seat Leon 2001 MK1 AKL 1.6cc 8v
    hp101 (75 kW@ 5600 Rpm) SOHC


  2. #2

    الصورة الرمزية sala7

    رقم العضوية : 73157

    تاريخ التسجيل : 16Jun2010

    المشاركات : 909

    النوع : ذكر

    الاقامة : ismailia

    السيارة: Kia Sportage GT

    السيارة[2]: LEON cupra 1.8-20v

    دراجة بخارية: no

    الحالة : sala7 غير متواجد حالياً

    افتراضي -

    مجهود رائع و معلومات مفيده
    جزاك الله الف خير

    SEAT SERVICES
    [shfaf2]http://nileup.com/up/uploads/nilemotors_13794850301.jpg[/shfaf2]


  3. #3

    الصورة الرمزية hossamalsadik

    رقم العضوية : 130446

    تاريخ التسجيل : 20Oct2012

    المشاركات : 3,423

    النوع : ذكر

    الاقامة : cairo

    السيارة: Ibiza Or Golf

    السيارة[2]: Ibiza 2000

    الحالة : hossamalsadik غير متواجد حالياً

    افتراضي -

    مجهود رائع أحمد بك
    جعله لله فى ميزان حسناتك

    ماشاء الله كان وما لم يشأ لم يكن
    SEAT IBIZA 2000 MK3 (6k2)ALD Engine 1.0 8v MPI


  4. #4

    الصورة الرمزية Karim Ibiza

    رقم العضوية : 125812

    تاريخ التسجيل : 07Jun2012

    المشاركات : 2,519

    النوع : ذكر

    الاقامة : Dammam-KSA

    السيارة: Lada 2105 1984 Sold

    السيارة[2]: Ibiza 6K 101 HP

    دراجة بخارية: لا يوجد

    الحالة : Karim Ibiza غير متواجد حالياً

    افتراضي -

    انا بجد بحييك على الموضوع العالمى ده ولو ان مش اى حد يقدر يستوعبه بسبب كمية المعلومات اللى فيه إلا لو عنده خلفية ولو بسيطة عن الكهرباء
    لكن طريقة تنظيمك للمعلومات وتحويلها لنقط متسلسلة وتنسيقك للموضوع بقى الموضوع اسهل

    بجد ياأحمد مجهود رائع جدا وجزاك الله خير عليه والموضوع يستاهل يتثبت

    أصيل ياأبو حميد

    Karim Samy - Business Development


    Fiat 128 Model 1983 1100cc
    Lada 2105 Model 1984 1200cc & 1300cc
    Nissan Tiida Model 2007 1600cc
    SEAT ibiza 6k Model 1998 1000cc AER , 1400cc AEX & 1600cc AFT
    Toyota Corolla Model 2013 1600cc


  5. #5

    الصورة الرمزية Ahmed_Gallant

    رقم العضوية : 14187

    تاريخ التسجيل : 05Jul2008

    المشاركات : 463

    النوع : ذكر

    الاقامة : الهرم

    السيارة: Seat Leon 2001

    السيارة[2]: Ibiza,Jeep,Accord

    دراجة بخارية: hawjuang7

    الحالة : Ahmed_Gallant غير متواجد حالياً

    افتراضي -

    اقتباس المشاركة الأصلية كتبت بواسطة sala7 مشاهدة المشاركة
    مجهود رائع و معلومات مفيده
    جزاك الله الف خير
    وانا بسعى ورا الافاده ربنا يتقبل منا ومنكم
    اقتباس المشاركة الأصلية كتبت بواسطة hossamalsadik مشاهدة المشاركة
    مجهود رائع أحمد بك
    جعله لله فى ميزان حسناتك
    تسلم على الدعوه الجميله ربنا يتقبل ان شاء الله

    Seat Leon 2001 MK1 AKL 1.6cc 8v
    hp101 (75 kW@ 5600 Rpm) SOHC


  6. #6

    الصورة الرمزية Ahmed_Gallant

    رقم العضوية : 14187

    تاريخ التسجيل : 05Jul2008

    المشاركات : 463

    النوع : ذكر

    الاقامة : الهرم

    السيارة: Seat Leon 2001

    السيارة[2]: Ibiza,Jeep,Accord

    دراجة بخارية: hawjuang7

    الحالة : Ahmed_Gallant غير متواجد حالياً

    افتراضي -

    اقتباس المشاركة الأصلية كتبت بواسطة karim ibiza مشاهدة المشاركة
    انا بجد بحييك على الموضوع العالمى ده ولو ان مش اى حد يقدر يستوعبه بسبب كمية المعلومات اللى فيه إلا لو عنده خلفية ولو بسيطة عن الكهرباء
    لكن طريقة تنظيمك للمعلومات وتحويلها لنقط متسلسلة وتنسيقك للموضوع بقى الموضوع اسهل

    بجد ياأحمد مجهود رائع جدا وجزاك الله خير عليه والموضوع يستاهل يتثبت

    أصيل ياأبو حميد
    ياباشا والله ده كتير عليا مع ان والله مكنشى فى نيه لكتابه موضوع والرد ده هتلاقيه فى مشاركه لواحد بيشتكى من شحن البطاريه :) بس ربك كريم والهمنى كل اللى اعرفه وانا بكتب قلت مفيش غيره قسمنا العزيز وانا بخص بالشكر المهندس ايهاب لما كنت بسأله اسئله فى منتدى الغباء وهو كان بيفهمنى بصدر رحب
    نفسى موضوع ليا يتثبت بقى :]
    شفت بقى ان الابيزا فى القلب ده حتى المثال الوحيد فى الموضوع عن الابيزا ال1600 حبيبتك ويمكن ربنا يوفق وارجعلها تانى بس موديل احدث ان شاء الله

    Seat Leon 2001 MK1 AKL 1.6cc 8v
    hp101 (75 kW@ 5600 Rpm) SOHC


  7. #7

    الصورة الرمزية rotanamasoud

    رقم العضوية : 66795

    تاريخ التسجيل : 01Apr2010

    المشاركات : 2,713

    النوع : ذكر

    الاقامة : EGYPT-ALEX

    السيارة: LAST Tempra&CITROEN ZX

    السيارة[2]: Skoda favorit

    دراجة بخارية: لا

    الحالة : rotanamasoud غير متواجد حالياً

    افتراضي -

    انا كل ما حد يكلم فى الكهربا الاقيه بيعك كتير واعد اصلح فى المعلومات وميستوعبش وتبقى خناقه لاكن حضرتك انا متفق معاك 99% فى كل اللى قولته اختلافى معاك ان فولت البطاريه 14.4 تقريبا

    مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر


  8. #8

    الصورة الرمزية Ahmed_Gallant

    رقم العضوية : 14187

    تاريخ التسجيل : 05Jul2008

    المشاركات : 463

    النوع : ذكر

    الاقامة : الهرم

    السيارة: Seat Leon 2001

    السيارة[2]: Ibiza,Jeep,Accord

    دراجة بخارية: hawjuang7

    الحالة : Ahmed_Gallant غير متواجد حالياً

    افتراضي -

    اقتباس المشاركة الأصلية كتبت بواسطة rotanamasoud مشاهدة المشاركة
    انا كل ما حد يكلم فى الكهربا الاقيه بيعك كتير واعد اصلح فى المعلومات وميستوعبش وتبقى خناقه لاكن حضرتك انا متفق معاك 99% فى كل اللى قولته اختلافى معاك ان فولت البطاريه 14.4 تقريبا
    دى شهاده اعتز بيها ووسام اضعه على صدرى
    بس انا فعلا مقولتش ان فى اى بطاريه 14.4 بس قلت ان شحن الدينامو ممكن يوصل ل14.25 ودى عن تجربه شخصيه بس البطاريات عمرها ما عدت معايا فى الفولت عن 12.50

    Seat Leon 2001 MK1 AKL 1.6cc 8v
    hp101 (75 kW@ 5600 Rpm) SOHC


  9. #9

    الصورة الرمزية smartech

    رقم العضوية : 128217

    تاريخ التسجيل : 29Jul2012

    المشاركات : 81

    النوع : ذكر

    الاقامة : القاهرة

    السيارة: لا

    السيارة[2]: Siat Ibiza 94

    دراجة بخارية: لا

    الحالة : smartech غير متواجد حالياً

    افتراضي -

    ماشاء الله ، موضوع مهم جداً وطريقة عرضك تحفه


    seat Ibiza 94 - 1.3 Carb aav


  10. #10

    الصورة الرمزية hossamalsadik

    رقم العضوية : 130446

    تاريخ التسجيل : 20Oct2012

    المشاركات : 3,423

    النوع : ذكر

    الاقامة : cairo

    السيارة: Ibiza Or Golf

    السيارة[2]: Ibiza 2000

    الحالة : hossamalsadik غير متواجد حالياً

    افتراضي -

    hasad">

    الى أعرفه عن تجربه أن شحن البطاريه أقصى حاجه 12.7 فولت

    ماشاء الله كان وما لم يشأ لم يكن
    SEAT IBIZA 2000 MK3 (6k2)ALD Engine 1.0 8v MPI



 
صفحة 1 من 2 1 2 الأخيرةالأخيرة

المواضيع المتشابهه

  1. كيف أقيس الفولت بين طرفين؟
    بواسطة Egyzizo في المنتدى المنتــــــدى الاجتمــاعى
    مشاركات: 7
    آخر مشاركة: 22-03-2012, 12:55 PM
  2. الامبير
    بواسطة KHALED2010 في المنتدى مختــلف أنواع الدراجات النارية
    مشاركات: 70
    آخر مشاركة: 20-03-2010, 02:04 PM
  3. مشاركات: 12
    آخر مشاركة: 01-12-2008, 05:56 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2