السلام عليكم و رحمة الله
زى ما انا كاتب فى العنوان لقيت مرة واحده لمبة ال esp منوره فى التابلوه .. اللى هى فوق بتاة الحزام
حد حصلت معاه المشكلة دى قبل كدا؟
حد يعرف ايه ممكن يكون السبب و اللى حصلت معاه حلها ازاى؟
عرض للطباعة
السلام عليكم و رحمة الله
زى ما انا كاتب فى العنوان لقيت مرة واحده لمبة ال esp منوره فى التابلوه .. اللى هى فوق بتاة الحزام
حد حصلت معاه المشكلة دى قبل كدا؟
حد يعرف ايه ممكن يكون السبب و اللى حصلت معاه حلها ازاى؟
لازم تكشف كمبيوتر يشخصلك العيب فين بالتحديد لأن الesp فى اكتر من حساس
راجع ظبط الزوايا واكشف على العفشة
معلش متأخر شوية الرد بس لسه شايف السؤال حالا
وياريت تبقى تقولنا عملت ايه
شكرا يا هندسة على الرد
انا فعلا كشفت عليها كمبيوتر و ما خدتش عقاد نافع فى الحوار
لكن فيه حاجة حصلت معايا قبلها ممكن تكون سبب الحوار دا
كانت العربية مع اخويا و جه يدورها ما دارتش معاه .. و البطارية سليمة ... و كانت العربية تقريبا مش متحضنه و واكله الطريق فاضطر يزقها و يحركها على جنب هو و معاه كام نفر كدا
جه كهربائى لقى صباع الكونتاكت فيه كته فيبر كدا مكسوره ... ما عرفش يلحمه خرط واحد نفس المقاس بالضبط و ركبه و دور العربية و دارت ... و من وقتها بتدور عادى مفيشس مشاكل لكن لمبة ال ESP نورت بعدها
لما بصيت على منتديات اجنبية فى الحوار دا لقيت الناس بتتكلم عن سنسور اسمه
Steering angle sensor
و دا بيكون فى ال steering column
و عرفت منهم تقريبا ان سعره 160 دولار فى التوكيل عندهم :(
مع انه حسب وصفهم مجرد ياي - زنبرك - بيحس باتجاه الدريكسيون بيشتغل مع حوالى 7 سينسورز كمان فى اماكن مختلفه فى العربية .. حسب فهمى يعنى.
الف شكر يا ريس على الرد
انا بالفعل بصيت على العفشة و غيرت شوية حاجات كدا و ظبطت زوايا لكن انا حاسس ان المشكلة مرتبطه اكتر بالكلام اللى انا كاتبه فى المشاركه اللى فاتت
حجزت عند ابو غالى عشان اشوف الحوار دا .. لكن ما رحتش للأسف .. لانى سافرت من وقتها لسه ما رجعتش .. بس شكلها كدا مفيهاش غير ابو غالى و ربنا يستر
من ضمن اللى قريته فى منتديات اجنبيه انه ممكن تفصل البطارية 15 دقيقة بيحصل فيها ريسيت لل error code لوحده .. بس مش عارف دى حد بيفتى عندهم زيينا و لا لا بس انا ما جربتهاش الصراحة ....
ممكن تعمل ريسيت بالطريقة اللى انت قلتها وأنا مجربها فى عربيتى كذا مرة ومافيش حاجه بتحصل غير ضبط توقيت الساعة فى الكاسيت وساعات كتير بتعمل ريسيت للإيرور خصوصاً للأيرور اللى بيحصل و لمبة check engine مش منورة
بس فيه ريسيت تانى ممكن تعمله قبل فصل البطارية جربه وشوف :
١- دور العربية
٢- هات الدركسيون يمين لاخر المشوار
٣- هات الدركسيون شمال لاخر المشوار
٤- رجع الدركسيون للنص
٥- بطل العربية
٦- هات الكونتاكت على وضع on بس من غير ماتدور
٧- رجع الكونتاكت للـ off وبعدين دور العربية
وابقى طمنا نفعت ولا لأ
الف شكر يا ريس على النصيحه و المعلومات المفيده
انا سافرت فتره و رجعت و كان اخويا ما بيطلعش بالعربيه فالبطاريه نامت
لما جيت بقى ادور العربيه بعد كدا لقيت الايرور راح
فعلى ما يبدو انه موضوع فصل البطارية دا صح
بالنسبة للحل اللى حضرتك قلت عليه انا هحتفظ بيه للظروف بقى و ربنا يسلمها ان شاء الله
شكرا مرة تانيه :))