المحترمين مالكي الكروز ... معلومة جديدة يمكن تفيدك !!!

الاخوة الافاضل مالكي الكروز

ياتري في حد يعرف ان الكروز الشقية فيها امكانية يمكن محدش يعرف عنها حاجة .... ايوه فعلا

ولا حتي مذكورة مواصفات العربية ... ممكن تكون معلومة جديده للبعض ويكمن قديمة للبعض الاخر

الكروز طلع فيها خاصية "Follow me home " وهي انك ممكن تسيب الانوار الخارجية شغالة بعد ماتقفل

العربية علشان تنورك الطريق اللي انت ماشي فيه او تنورلك في جراج مثلا وبعد كده تطفي الانوار لوحدها

مش كده وبس دا انت ممكن تتحكم في وقت الاضاءه من 30 ثانية لغاية 2 دقيقه

من تعليقاتكم هعرف مين اللي عارف ومين اللي مش عارف وبعدين هقولكو بتشتغل ازاي

والسلام عليكم

متابع بشغف هههههه

كذا حد اتكلم فيها قبل كده بس ده ميمنعش إن أكيد في ناس كتير مش عرفاها

متابع

متابع

الموضوع دهموجود في الكروز من 2010 ومكتوب في الكتالوج
ممكن تولع النور العالى عن طريق انك تفتح باب العربية وترعش بذراع النور
حتلاقي النور استمر في الانارة
وتقفل الباب ثم مثلا تعمل اللى انت عايزه بالنور ثم تقفل السنتر من مفتاح الريموت تلاقي النور انطفئ

او ممكن تفتح النور عادي من زرار النور بما فيها لو سايب نور الصالون وتقفل بالريموت والانوار كلها تنطفئ لوحدها بعد المدة اللى انت ظبتها عن طريق كاسيت السيارة :36_7_7[1]:

مكتوب فى الكتالوج فعلا بس ناس كتير متعرفهوش

طيب خد عندك


العربيه فيها خاصية توقف تلقائى فى المنحدرات وانظمة ba و ebd كانظمة امان وتوكيل مابيجبش عنهم سيره فى اى ترويج اعلانى عنها يبقى ايه غير توكيل كفتجيه مابيفهموش حاجه

اقتباس:

---

المشاركة الأصلية كتبت بواسطة hossam_elwani

مكتوب فى الكتالوج فعلا بس ناس كتير متعرفهوش

طيب خد عندك


العربيه فيها خاصية توقف تلقائى فى المنحدرات وانظمة ba و ebd كانظمة امان وتوكيل مابيجبش عنهم سيره فى اى ترويج اعلانى عنها يبقى ايه غير توكيل كفتجيه مابيفهموش حاجه

---

هو اية نظام ال ba واية وظيفتة

اقتباس:

---

المشاركة الأصلية كتبت بواسطة Mahmoud_Yassin

هو اية نظام ال ba واية وظيفتة

---

BA يعنى brake assist و هى نفسها ال EBA وال BAS

بمنتهى البساطة ,, النظام دا بيقدر يتعرف على حالات الطوارئ اللى انت بتحتاج فيها
اقصى قدرة للفرامل و بيديلك فعلا اقصى قدرة للفرامل حتى لو ماكانش دايس فرامل للاخر

اقتباس:

---

المشاركة الأصلية كتبت بواسطة monamize4

ba يعنى brake assist و هى نفسها ال eba وال bas

بمنتهى البساطة ,, النظام دا بيقدر يتعرف على حالات الطوارئ اللى انت بتحتاج فيها
اقصى قدرة للفرامل و بيديلك فعلا اقصى قدرة للفرامل حتى لو ماكانش دايس فرامل للاخر

---

فعلا العربية معايا فيها حاجه غريبة وكنت فاكر انه عيب لولا ان حضرتك فهمتني النقطة دي
لو انا بفرمل وانا مثلا علي 40 بحس ان العربية بتفرمل فرملة هادية او بمعني ادق
الفرامل بتكون مش قوية
لكن لو انا علي 60 او 100 او 120
وضغط ضغطة جامدة(مش لاخر الفرامل) العربية بتكلبش في الارض بشكل مخيف

تحس انها ذكية جدا وبتتعرف علي مقدار الخطورة اللي بتلتمسه من ضغطة رجلك وعلي اساسها تلاقي مقدار قوة الفرملة

الكلام بتاع الفرامل ده في انهي فئة ؟ هل موجود في اول فئة اوتوماتك ال 2010 ؟