تقييم سيراتو sx 2015 بعد سفر 75 كيلو
في الاول دي اول مره اسوق عربيه اتوماتيك وكنت شاريها وراكنها في المصريه في جرين بلازا رحت الصبح بدري خت العربيه و مونتها ورحت علي المرور رخصت العربيه وطلعت بيها الف في اسكندريه شويه وبعدهاسافرت مسافه 75 كيلو معظمها طرق مطبات مقرفه وانا كنت مرعوب من ان العربيه تحك في المطبات و ان العفشه ناشفه . المهم اليكم ملاحظاتي في اول 70 كيلوا
1- العربيه صوتها واطي جدا لما تدور وشكل العدادات رائع
2- نظام الصوت ممتاز بالنسبه لي ومش محتاج اي تغيير
3- مكان طفايه السجائر غير مريح تمام يعني لو انت سايق وعاوز تطفي سيجاره لازم تبص بعنيك علي المكان وتسيب الطريق
4- الخامات الداخليه مش بطاله وان كنت اتمني تكون احسن من كده العربيه سعرها مش قليل
5- السحب و استجابه الفتيس اكتر من رائع
6- العفشه ليست لينه ولكن افضل من عفشه الاوبترا (عربيتي السابقه) الاثنين يعتبروا ناشفين بس في السيراتو مش متعبه
7- المفاجئه ان العربيه محكتش مني في ولا مطب كنت سايق وفيه واحد صحبي جنبي بس مش عارف لو فيه حد راكب ورا ايه الي حيحصل
8- الصوت عن طريق البلوتوث نقي وواضح جدا
9- مش لاقي حاجه في العداد يقول العربيه علي النقله الكام