ايه رأيكم فى هيونداى فيرنا اوتوماتيك فول اوبشن وايه مميزاتها وعيوبها ؟
عرض للطباعة
ايه رأيكم فى هيونداى فيرنا اوتوماتيك فول اوبشن وايه مميزاتها وعيوبها ؟
أنا كنت مع أخويا و هو بيحجزها من أسبوعين ...ركبتها و شايفها عربية كويسة في فئتها السعرية و تعتبر أرخص عربية أوتو
مميزات الفيرنا عامة معروفة
- سهولة صيانة
- إعادة بيع
- أسعار قطع غيار و توافرها
- موتور قوي
- صالون أكبر من الغريمة اللانوس و أصغر من اللوجان
و عيوبها أيضا معروفة
- تقفيل متوسط
- خامات صالون سيئة
- صاج ضعيف
- فرامل لا تناسب قوة الموتور
- عوامل أمان معدومة
- ثبات تعبان
- و العيب القاتل بالنسبة لي عدم وجود إيموبيلايزر
مميزات الأوتو الفل أبشن
- جنط 14 بيزود الثبات
- مرايات كهرباء
- تحكم في أرتفاع كرسي السائق
- سنتر
- زجاج كهرباء أمامي و خلفي
- تحكم في أرتفاع الطارة
- فوجات
الفتيس الأوتو بالنسبة لي صندوق أسود
مش عارف نظامه ايه و إعتماديته ايه و نقلاته ناعمة و لا لأ
صالون الفيرنا اضيق من اللانوس وخصوصا من الخلف
والشنطه اكبر من اللانوس
ك اتوماتيك تمام و مشاكلها شبه معدومه
انا معايا اتوماتيك و بدات مشاكل الفتيس من 140 الف كيلو يعنى فتيس تمام
و العربيه ادائها كويس جدا
و الثبات مشكلته ان العربيه وزنها 1100 كيلو و ده بالنسبه للموتور قليل و خصوصا ان مفيش توزيع مركز ثقل جيد
بس جوه البلد 10/10
بالنسبه للفرامل العربيه بالنسبه ليا تمام علشان فى عامل مساعد انا بعامله كويس اللى هو الكاوتش , انا مركب تورانزا ف العربيه الحمد لله الفرامل تماااام و قت ما بحب بفرمل
متابع لأ،ى هسئل نفس السؤال
انسب مقاس جنط لعربية فيرنا مانويل
يحسن اللاتزان والفرامل
واحسن نوع كاتوش ومقاسة والأهم سعره والموديل بالضبط
لأنى ببساطة لما سألت على بردج ستون لقيت اسعار كتير اوى من 345 الى 600
تقريبا
طبعا حسب المقاس وبلد المنشا
البريدج من افضل انواع الكاوتش و ده بيحسن اداء الفرامل لآنه بيمسك فى الأرض بقوه و ده بيزود الثبات و الفرامل و لكن مش الأداء المتناهى لكن تحسين بشكل كبير
المقاس السليم زى الكاتالوج 13/175/70 او 14/185/60 و التانى هو اللى انا مركبه
الماركات ف الجنوط غاليه لكن ممكن تعمل زى و تجيب تايوانى و هو افضل من الصينى و وزنه اخف و ده معناه تحميل اقل على العفشه و اطول فى عمرها
على فكرة الثبات مش وزن اتقل فى الجنط لكن المقاس الأ كبر الكاوتش اكبر و دى بيدى اداء احسن و ثبات اكتر لآنه غالبا مقاس اعرض من الأصغر
اولا شكرا لردك
ثانيا
ممكن تدينى موديل الكاوتش بالضبط ايه
لأن الأسعار مش مظبوطة خالص
سألت بتاع الكاوتش الأسبوع اللى فات قالى 350 جنيه
استغربت سألته قلتله ب 550 قالى بيضحكو عليك
مردتش اديلو كلمتين علشان راجل كبير
المهم
لو تدينى تليفون الوكيل اسأل هناك
صحيح هو البريدج اللى انت جبته تايوانى ولا يابانى
بخصوص لدنوط الأصلى غاليه بكام
والتايوانى اللى انت جبته بكام
وشكرا ليك مرة تانية
انا اسف على التاخير بسبب ظروف الشغل
الكاوتش بتاعى 14/185/60 تورانزا يابانى ب 700 جنيه
الجنط الأصلى جديد مش اقل من 5000 و استعمال من 2500 - 3000
التايوانى كنت جايبه ب 1550