مساعدة في شراء موبايل جديد.....بعد تحديد الاولويات

السلام عليكم
بقالي اسبوع بدور في الموبايلت علشان اشتري موبايل جديد لان القديم تعب
المهم انا حددت اولوياتي وعايز رأي الاعضاء خصوصا اللي جرب موبايل
انا عايز موبايل يكون عملي+بطاريتة تكون كويسة تكفيني يوم علي الاقل +اهم حاجه يكون الgps كويس جدا جدا فيه لاني هستخدمة علي طول نظرا لاني بنسي الطرق بسرعه مش مهم اوي السرعه بالنسبالي بس برضو ميكونش ميت يشتغل بالعقل عادي هتقبل-يكون ليه قطع غيار واكسسوارات وصيانة بسهولة -ويكون بشريحتين عشان ماضيعش وقت كتير
الميزانية المرصودة للموضوع ده ماتذيدش عن2000ج
فكرت في الاتي قولولي ايه رأيكم ولو حد عنده اقتراح ياريت يقولة
سامسونج جالاكسي اس دوس ده رامات 762وبروسيسور ديوال وكاميرا5 وشريحتين وب1000ج تقريبا ونص الشعب شايلة
سامسونج جالاكسي جراند نيو رامات1بروسيسور كور تو كواد كاميرا5 وتقريبا ب1800ج واستقريت عليه لحد ما لقيت خبر علي اليوم السابع انه من ضمن اسوأ موبايلات في العالم علشان فيه مشاكل وصورتة مش واضحه فقلقت من الموضوع
فنرجو المساعدة واقتراح موبايل يكون مشاكلة وتهنيجة قليل ويكون عملي ويكون مع حد يعني حد جربة مش سمع عنه
وشكرا للمساعدة

فين الردود؟

هنشتري دلوقتي ولا بعد العيد؟

بلاش الاس دوس مع والدتي و بيهنج كتيير اوي و مقرف من ساعت ما اشترته

طيب ايه رأيكم في ال جراند نيو
ولا اجيب s3 ولا جراند2؟؟؟

Lg g pro lite
Lg L90

اقتباس:

---

المشاركة الأصلية كتبت بواسطة alrabeh

lg g pro lite
lg l90

---

شكرا يا باشا علي الاهتمام
انا قريت مواصفاتهم وسعرهم يعتبروا اعلي من فئتهم في اي انواع تانية في نفس السعر بس هل هم عمليين ولا بيهنجوا زي السامسونج وهل لو لا قدر الله عطل هلاقي ليه قطع غيار او حد يصلحه وكمان هلاقيلة اكسسوارات ولا اية
اخيرا لو حبيت اشترية اجيبة منين

الكاتيل وان تاتش

انا بفكر اشتريه قريب

Alcatel One Touch Idol Ultra - Full phone specifications

http://mob4me.com/%D8%A7%D9%84%D9%83...Idol-Ultra.htm

مشاركه مكرره

G pro lite هو اللى جربته ومعايا مفيش تهنيج نهائى وذكرت عيوبه قبل كده فى مواضيع سابقه
وبالنسبه لقطع الغيار فالسامسونج برضه قطع غياره خارج التوكيل غاليه وقبل ما يكون معايا ال جى كان معايا سامسونج جراند 2 وكان بيهنج كتير جدا
واى استفسار تحت امرك
بالتوفيق

ممكن تشتريه واكسسواراته من الافوكاتو عند محطه مترو محمد نجيب

اقتباس:

---

المشاركة الأصلية كتبت بواسطة alrabeh

G pro lite هو اللى جربته ومعايا مفيش تهنيج نهائى وذكرت عيوبه قبل كده فى مواضيع سابقه
وبالنسبه لقطع الغيار فالسامسونج برضه قطع غياره خارج التوكيل غاليه وقبل ما يكون معايا ال جى كان معايا سامسونج جراند 2 وكان بيهنج كتير جدا
واى استفسار تحت امرك
بالتوفيق

---

شكرا علي المتابعه
انا استقريت علي ده ان شاء الله LG G Pro Lite Dual وهو هيعمل في حدود1700جنية زي ما مكتوب علي النت ولا اقل ولا اعلي؟
وبالنسبة للعيوب دي اللي لقيتها علي النت
1-قد لا يحب الكثير من الناس شاشة بعدد بيكسلات 200 وخاصة في ظل شاشات 1080
2- اصدار الاندرويد 4.1.2 ،،، صار قديما نسبيا الان
3- الكمرة في الاضاءة الضعيفة صورها ليست بتلك الجودة

هل فيه عيوب اخري ولا دي تقريبا كل العيبوب؟

الشاشه كويسه جدا ونزل اخر اصدار اندرويد له الكيت كات وحيوصلك التحديث تلقائيا والكاميرا ضعيفه فى التصوير الليلى فقط ومن العيوب ان زرايره غاطسه زياده عن اللزوم فى جسم الجهاز
الجهاز بامكانياته وسعره يستحق الشراء وبالتوفيق مقدما

طالما هتجيب LG بص على L90
لانه أحدث من البرو ونازل كتكات اصلا وده بيخليه اسرع من البرو لكن لو حجم الشاشه عندك اهم يبقى خليك في البرو

ودي مقارنة بين البرو وال 90
LG L90 Dual D410 vs. LG G Pro Lite Dual - GSMArena.com
وشوف الفرق فى السعر بره قد ايه ولصالح مين


في سام s4 mini يتفوق على S3 فى الاداء وعدم التهنيج والبطاريه بفرق واضح
الـ L90 يتفوق على s4 mini تقريبا فى كل حاجه واهمهم البطارية
الا حاجة واحده لسامسونج وهيا الرام في سامسونج 1.5 وال LG رام 1 لكن متعوضه فى نسخة الاندرويد لان LG نازل اصلا كيتكات وده استهلاكه للرام أقل من استهلاك الجلي بين فبالتالي متعوضه


ودي مقارنة بين s4 mini & L90 وبص على فرق السعر بره
LG L90 Dual D410 vs. Samsung I9190 Galaxy S4 mini - GSMArena.com

البطارية فى برو لايت 3140 امبير وفى ال 90 2540 امبير

اقتباس:

---

المشاركة الأصلية كتبت بواسطة alrabeh

البطارية فى برو لايت 3140 امبير وفى ال 90 2540 امبير

---

تمام لكن فى المقابل شاشة ال90 4.7 فى حين ان البرو 5.5 وكل ما الشاشه بتكبر استهلاك البطارية بيزيد لان الشاشة اكتر حاجه بتاكل البطاريه

زي s3 & s4mini ال s3 بطاريته 2100 وال s4mini بطاريته 1900 لكن فى الاستخدام بطارية الميني افضل كتير من s3

ولو حضرتك بصيت فى المقارنه بين البرو لايت وال 90 فى استهلاك البطاريه هتلاقي فى الاستند باي تقريبا واحد لكن فى الاستخدام (التوك تايم) هتلاقي تفوق واضح لل 90

انا معايا البرو لايت ايضا والجهاز ممتاز ومش بيهنج وبالنسبه للتصوير الليلى ممكن تحسينه عن طريق ضبط اعدادات الكاميرا يدوى او تحميل برنامج Perfectly Clear بيعمل على تحسين الصورة الملتقطه بشكل كبير وهات اللون الابيض لانه اشيك بكثير من الاسود ..

عندك الs4 ميني ب 2200
والجراند 2 الاثنين شايفهم كويسين فرأي

اخى الفاضل
كان معايا الجراند2 قبل ال ال جى ومواصفاته كويسه جدا بس مشكلة التهنيج اضطرتنى اغيره

htc 616 ب 2100