انتاج ايه ....؟

**cheetos_892005** · 29-09-2014 01:57 PM

المشاركة الأصلية كتبت بواسطة aif

مسيرنا نتعود بقا
ح نعمل ايه

وجع قلب والله

المشاركة الأصلية كتبت بواسطة ahmed_2013

اسمحلي يا باشامهندس في فمصر 3 مليون عاطل عنده استعداد يأخد نفس المشوار اللي حضرتك بتقول عليه وكمان علي رجليه أو مواصلات ويروح الشغل ويشتغل وينتج بس في مقابل أنه لما ينام بالليل يبقي عارف انه بكرة هيصحي ويروح للشغل

ليه وهو انا بنام و عارف اني هصحى اروح الشغل برده ؟؟؟حد هنا كده ؟

المشاركة الأصلية كتبت بواسطة احمد المصرى

معنى كدا ال ال شغال لازم يتعامل معامله غير ادميه من مواصلات او طريق او مشاوير وقدر الف خير الدنيا انه شغال وطالع 3 عين اهله ..... الواحد بيعيش علشان يحس انه عايش بس يطيع نص عمره او اكتر مواصلات وحرقه دب بس سبق ايه لزمه العيشه ما الموت اريح

بصراحه اغرب رد توقعته بصراحه

+1

المشاركة الأصلية كتبت بواسطة amoor89

ده حال مصر كلها الفوضى والعشوائية والاستهتار بأرواح ومصالح الناس بقى شىء عادى
بالمناسبة حاجة كده على جنب مش شايف ان عنوان الموضوع متناقض مع توقيعك (بجملة الرخامة اللى بتشوفها بقى ):pointiy2[2]:

والله لاغيره دنا نسيته من كتر اللي الواحد شايفه

المشاركة الأصلية كتبت بواسطة أحمد صبرى

ومين عارف انه بينام .. وحيصحي بكره أصلا، فضلا أنه يكون عنده شغل يروحه

+1

المشاركة الأصلية كتبت بواسطة speed_magnum

علشان كده المصريين ما بينتجوش الا لما يسيبوا الخرابه دي ويهاجروا

للاسف و ده هيجبنا ورا اكتر

المشاركة الأصلية كتبت بواسطة amoor89

أستاذ احمد تعالى نفترض حسن النية انا اللى فهمته من رد الزميل ان اللى بيشتغل يحمد ربنا انه لاقى شغل بصرف النظر عن البهدله اللى بشوفها سواء معاه عربية او مواصلات فى نفس الوقت اللى غيره مش لاقى ممكن يكون بيفكره بس انه يحمد ربنا على النعمة اللى فيها
تحياتى

انا حامد ربنا و شاكر فضله طبعا انا احسن من غيري بمراحل ...بس بصراحه انا و غيري ده كفرانين

تقدر تقول كل واحد بيحاول يحسن القرف بس برده كلنا في قرف

+ الصدمه اللي كل الجداد بيواجهوها بعد تعب و مجهود الكليه و المصاريف اللا منتهيه اللي اهله دفعوها

**a7medsh3rawi** · 29-09-2014 02:13 PM

الله يكون فى عونك
فى حل بسيط ممكن تجيب سواق وتديله نص مرتبك
وتقعد فى الكرسى الورانى وممكن تنام لغاية ما توصل الشغل

انت عايش فى مصر ام الدنيا ..

**cheetos_892005** · 29-09-2014 02:16 PM

المشاركة الأصلية كتبت بواسطة a7medsh3rawi

الله يكون فى عونك
فى حل بسيط ممكن تجيب سواق وتديله نص مرتبك
وتقعد فى الكرسى الورانى وممكن تنام لغاية ما توصل الشغل

انت عايش فى مصر ام الدنيا ..

قصدك كل مرتبي ... على فكره ان شاء الله لما اكبر في شغلي لو حصل يعني

هفكر جديا

**Imhotep** · 29-09-2014 02:36 PM

من واقع خبرة و معاناة يومية لمشوار شبيه بنفس القرف بتاع مشوارك
احب اقولك انك اجلا او عاجلا هتسيب الشغل ده مهما كانت المغريات اللى فيه من مرتب او خلافه بسبب بس المشوار ده. . . معلش انا مش بفول عليك بس دى الحقيقة اللى هتوصل لها عاجلا او اجلا و اسأل مجرب
بس انا عندى ليك حل افضل
انت لسه الوقت فى صالحك و سنك صغير
الحق شوفلك اى فرصة عمل بره
او لو ليك فى الهجرة
اتكل على الله و الحق روحك قبل ما تغرز اكتر و اكتر فى المستنقع بتاعنا ده و الوقت يقلب يبقى مش فى صالحك
احنا لسه قدامنا كتير اوى عقبال ما حال البلد ينصلح. . . احنا على الطريق بس لسه برضه بدرى
و الاهم هو ان حال الناس و اخلاقهم تنصلح. . . و ده للاسف كل المؤشرات بتشير لعكسه و من سئ لاسوأ يوم ورا التانى
انا كده جبت لك من الاخر . . . و الله الموفق

**Imhotep** · 29-09-2014 02:54 PM

المشاركة الأصلية كتبت بواسطة imhotep

من واقع خبرة و معاناة يومية لمشوار شبيه بنفس القرف بتاع مشوارك
احب اقولك انك اجلا او عاجلا هتسيب الشغل ده مهما كانت المغريات اللى فيه من مرتب او خلافه بسبب بس المشوار ده. . . معلش انا مش بفول عليك بس دى الحقيقة اللى هتوصل لها عاجلا او اجلا و اسأل مجرب
بس انا عندى ليك حل افضل
انت لسه الوقت فى صالحك و سنك صغير
الحق شوفلك اى فرصة عمل بره
او لو ليك فى الهجرة
اتكل على الله و الحق روحك قبل ما تغرز اكتر و اكتر فى المستنقع بتاعنا ده و الوقت يقلب يبقى مش فى صالحك
احنا لسه قدامنا كتير اوى عقبال ما حال البلد ينصلح. . . احنا على الطريق بس لسه برضه بدرى
و الاهم هو ان حال الناس و اخلاقهم تنصلح. . . و ده للاسف كل المؤشرات بتشير لعكسه و من سئ لاسوأ يوم ورا التانى
انا كده جبت لك من الاخر . . . و الله الموفق

اه نسيت اقولك حل اسهل من ده كله. . . انك تعزل و تسكن جنب شغلك
بس رأيى ما يزال ان الحلول التانية احسن لك على المدى الطويل :-)

**abokoko** · 29-09-2014 03:19 PM

اكمل لحضرتك
اروح الشغل اللى بتعب فيه واعصابي بتتشد ويجيي لى ضغط عصبي
(ايام الاجازات الضغط بيبقي مضبوط ) ولكن بحب شغلي لانه بيخلينى اقبض مرتبي
وانا حاسس انه كله حلال لانى تعبت واشتغلت بجد
وعلشان انا فى خلافات مع المدير العام ومشتكيه للاعلى منه
حضرته يطلع لى قرار بعزلى من وظيفتى ونقلى لوظيفه اخرى معرفش عنها حاجه
واشتكى واتظلم ويتقال لى اتعلم - واقول لهم بقالى فى الشركة 25 عام وعمرى ما اشتغلت للجهة اللى نقلوتنى ليها يقولوا برضة تتعلم
واقول لهم مش هفيد الشركة فى حاجة فى المكان ده
مش مشكلة المهم انى اتركنت
طاب ودونى مكان انجز فيه
الرد هندرس شكوتك ونرد عليك
!!!!!!!!!!!!!!
حاليا بشرب شاى وحاجات صفراء
وبفتح فيس وكمان بلعب العاب
كل ده فى وقت الشغل اللى زمان لو حد طول فى مكالمه شغل كنت بختصر علشان اشوف شغل تانى ومعطلش الناس
دلوقتى بلعب على التابلت موبايل

**cheetos_892005** · 29-09-2014 03:22 PM

المشاركة الأصلية كتبت بواسطة imhotep

من واقع خبرة و معاناة يومية لمشوار شبيه بنفس القرف بتاع مشوارك
احب اقولك انك اجلا او عاجلا هتسيب الشغل ده مهما كانت المغريات اللى فيه من مرتب او خلافه بسبب بس المشوار ده. . . معلش انا مش بفول عليك بس دى الحقيقة اللى هتوصل لها عاجلا او اجلا و اسأل مجرب
بس انا عندى ليك حل افضل
انت لسه الوقت فى صالحك و سنك صغير
الحق شوفلك اى فرصة عمل بره
او لو ليك فى الهجرة
اتكل على الله و الحق روحك قبل ما تغرز اكتر و اكتر فى المستنقع بتاعنا ده و الوقت يقلب يبقى مش فى صالحك
احنا لسه قدامنا كتير اوى عقبال ما حال البلد ينصلح. . . احنا على الطريق بس لسه برضه بدرى
و الاهم هو ان حال الناس و اخلاقهم تنصلح. . . و ده للاسف كل المؤشرات بتشير لعكسه و من سئ لاسوأ يوم ورا التانى
انا كده جبت لك من الاخر . . . و الله الموفق

فكرت في الهجره و جاتلي فرصه بس بعدت عنها عشان اهلي صعبوا عليا البتاع اللي ربوه ده يسيبهم و يخلع كده
السفر سبحان الله كل ما تجيلي فرصه تيحجي على اخر خطوه و تقف برده
انا مقتنع اني هسيب الشغل اجلا او عاجلا و مستعد اضخي بفرق مرتب بس ارتاح شويه بس للاسف مش لاقي خالص

**Imhotep** · 29-09-2014 03:44 PM

المشاركة الأصلية كتبت بواسطة cheetos_892005

فكرت في الهجره و جاتلي فرصه بس بعدت عنها عشان اهلي صعبوا عليا البتاع اللي ربوه ده يسيبهم و يخلع كده
السفر سبحان الله كل ما تجيلي فرصه تيحجي على اخر خطوه و تقف برده
انا مقتنع اني هسيب الشغل اجلا او عاجلا و مستعد اضخي بفرق مرتب بس ارتاح شويه بس للاسف مش لاقي خالص

لو اهلك مش ممانعين فى هجرتك بنسبة 51% و الباقى تردد سواء منك او منهم يبقى اتكل على الله و هاجر و اسعى فى الفرص اللى بتجيلك و الخير ربنا هيقدمه لك ان شاء الله. . . و متنساش ان همهم الاول هو انك تبقى مبسوط فى حياتك
عامة الاهل اى اهل اصلا المفروض يفهموا انهم بيربوا ضيف او طير يكبروه كويس و بشكل صحيح و يعودوه على الطيران و لما ييجى الوقت المناسب يطلقوا سراحه لحياته الخاصة سواء هنا او بره و لانهم ربوا كويس فالطير ده هيلف يلف و هيحافظ على برهم و ودهم. . . ده المفهوم الصح لتنشئة طفل . . . لكن برضه حتى المفهوم ده نادرا لما تلاقى حد فاهمه صح فى بلدنا. . . بس ما علينا ربنا يوفقك