لما شاب 25 سنه مهندس زيي
يصحى الساعه 6 ينول 6:30 من بيته في الشيخ زايد في اتجاهه لكارفور المعادي
يعدي على منزل الصحراوي يلاقي المحور سدود في وشه قال ايه في قنبله و الناس بترجع بضهرها
تنزل الصحراوي يمين بعد معاناه تلاقي كام مقطوره ماشيه بتتمختر جنب بعض سادين السكه
تخش على فقرة تكسير العفشه و تكسير ضهرك عالمريوطيه وسط مغامرات بين النقل و المقطوره
تطلع المريوطيه طريق مفتوح لسه هتجري تلاقى مقطوره بتاخد غرزه يمين و شمال تخليك ماشي وراها مرعوب زي الكلب ....
هبب تلاقي الدنيا وقفت عشان الناس بتتفرج على عربيه نقل مقلوبه الناحيه التانيه
تمشي شويه تلاقي الدنيا وقفت تاني !!!ليه يا عم !!! الميكروباصات واقفه بتحمل فوق المنيب في وسط الدائري !!!!!!!!و كان في امين شرطه بس بيختفي وقت الدراسه و بيسبها خل
تمشي شويه تلاق البهوات النقل و المقطوره عربياتهم مستهلكه طالعين المطلع على سرعة 10 و موقفيننا وراهم !!!!
تمشي تاني تلاقي العباقره قافلين الطريق ؟؟؟ ليه يا بقر عالصبح ؟؟؟عندنا محاكمه و بننقل مرسي او مبارك :@ :@
حبكت هي في ساعة الصبح الضيقه نعمل ام محاكمه
تخش بقى تفول العربيه تحط ب 115 جنيه بنزين ..وانت عارف انك حارق نصهم و انت واقف مكانك و الشهر بيخلص
توصل الشغل تضرب 20 شاي على قهوه عشان تفوق من الكابوس اللي كان بيحصلك من شويه و رجلك و ضهرك و اعصابك كلهم تلفانين و مشدود عصبيا :banzai:
سيناريو كل يوم ...قالك اشتغل و انتج
دنا كده و ربنا كارمني و صاينني و معايا عربيه ..ما بالك اللي بيركب مواصلات
يتبع