المشاركة الأصلية كتبت بواسطة abd el latif
بص يا فندم
بخصوص الوسع ورا .. هي الصني واسعة ورا بصراحة .. وواسعة أوي كمان
و هنتكلم بالنسلة للناس الطويلة بقى أنا من 185 ~ 190 سم تقريباً
قعدت مرة فيها ورا
رجليا ما خبطتش قدام ماشي
بس هل كنت مرتاح ؟؟
نهائي نهائي نهائي
سقفها من ورا واطي كنت مع أي مطب هوا بحس إني هألبس فيه
الشبابيك مع الكنبة تحس فيها حاجة غلط .. تحس الشبابيك مترحلة بعيد عن الكنبة
مش مريحة نهائي يعني .. كنا عربيتين الصني و صاحبي التاني معاه كارينز 2010 وقفتهم و نزلت ركبت الكارينز
و تعرف أكتر حاجة حرقت دمي إيه و نرفزتني إنهم بيضحكوا ع الناس
التكييف اللي ورا في الصني
أصلاً ما طلعش تكييف يا بيه
دي مجرد شفاط و مروحة .. شفاط يشفط من قدام و برجعلك ورا
المسند بتاع إيدك هتلاقيه من قدام عليه شبكة كده ( ده مدخل الشفاط )
و في ضهر المسند هتلاقي مروحتين صغيرين ( هما دول التكييف بتاع ورا لا مراخذة )
يعني لو السواق عطس لتحت يمين شوية الشفاط باشا ده هينقلك كل البلاوي للي قاعدين ورا
عربية كلبة .. بأكرهها
الجين تو حلوة .. تكييفها لوز .. توكيلها محترم
يعيبها فعلاً إنها ساعات بتعمل حركات قرعة صغيرة كده ( ساعات و مش دايماً )
يعني ممكن تكون ماشي في أمان الله تلاقي ( لو معاك الأوتوماتيك ) لمبة في الفتيس مبقتش تنور
حركات قرعة كده بس تطلع ع التوكيل عدل .. هيظبطولك كل حاجة .. و بالمرة يشدولك الهاند :)
إبقى إطلع عليهم بعد ما تخمسلك خمستين كده .. و كده كده هيشدولك الهاند :)