السلام عليكم و رحمة الله و بركاته
لسة شارى سيارة اوبل فيكترا 94 و دى اول سيارة اركبها . اوقات كتير بتكون لمبة الاعطال mil مضيئة و عندى درجة الحرارة بتقرب من 100 , ارجو الافادة و السيارة 2000 سى سى
عرض للطباعة
السلام عليكم و رحمة الله و بركاته
لسة شارى سيارة اوبل فيكترا 94 و دى اول سيارة اركبها . اوقات كتير بتكون لمبة الاعطال mil مضيئة و عندى درجة الحرارة بتقرب من 100 , ارجو الافادة و السيارة 2000 سى سى
وعليكم السلام ورحمه الله وبركاته
اولا الف مبروك ياستاذ محمد على العربيه الجديده ... وربنا يسترها عليك ويديك خيرها ويكفيك شرها
ثانيا :- ايه اخبار الصيانه معاك ..!؟ اخر صيانه كانت امتى وعملت فيها ايه ؟؟؟
ثالثا :- هل ميه الرداتير بتنقص عند حضرتك فى القربه وهل المراوح شغاله معاك سرعتين ولا لا ؟؟؟
ويالا ياغالى حضر نفسك وحضر عدتك المحترمه وأبدا اقرأ المواضيع القديمه والمثبته فى القسم عشان تعرف اكتر بخصوص عربيتك ونبدأ شغل فيها ....:star1:
الف مبروك تانى ... وكل عام وانتم بخير
و انت طيب يا باشا و الله يبارك فيك
انا لما اشترتها من شهر غيرت التيل و التنابير و البوجيهات و البلى و الكاوتش و المساعدين و غيرت الريداتير
و بالنسبة لماية الريداتير مش ناقص و الحمد لله
المشكلة فى لمبة الاعطال و الحرارة
هل الاوبل فيكترا 94 ينفع اكشف عن اعطالها بالكمبيوتر مع العلم ان متسقطلها موتور ايكوتك 97 2000 سى سى اوتوماتيك
1- تراجع على طرمبه الميه وتنظف دوره الميه على طريقه الاستاذ فادى محمد ( فى المواضيع المثبته )
٢- تغير مياه الرداتير ب مياه حمرا موبيل وتأخذ هواء دوره الميه كويس جدا جدا
٣- تغسل الرداتير بالسربنتينه من قدام فى المغسله بضغط الميه كويس جدا
٤- تروح للكهرباءى يتأكد لحضرتك ان المراوح شغاله سرعتين أولى وتانيه
٥- لو اللى مسقط الموتور مركب كل حاجه تمام باذن الله العربيه ينفع يتكشف عليها عادى ... لكن اعتقد ان الكشف مش هيضيع لحضرتك الحراره لو معملتش الخطوات اللى فاتت
انا قولتلك على الموضوع ده كله عشان تعمله من دلوقت وتنسى موضوع الحراره ده تانى خالص ولا تفكر فيه عمرك تانى باذن الله
وبرضه هتستنى حد من ملاك فيكترا a ممكن يكون عنده معلومات أفيد من دى كتير