[size=18]اجتماع 20/7/2007 اجتماع اكثر من رائع[/size]

تشرفت كثيرا بحضور الاجتماع فى الازهر بارك
و بصراحة كانت روح الود و التعاون هى السائده و احسست انى وسط اخوة و زملاء اعرفهم من سنين
و منظر العربيات كان يفرح جنب بعض
و الوقت عدى بسرعة و النتائج كانت جميلة من تبادل للخبرات الى الضحك و القفشات اللذيذه و اتمنى دوام الصداقه و الروح الجميله و اتوق لرؤية من لم يحضر الاجتماع فى الاجتماع القادم ان شاء الله
و على فكره انا رايح الصحراوى يوم السبت 28/7/2007 انا و أمر و يا ريت لو حد رايح يقول علشان نتقابل كلنا هناك احنا حجزنا على 9 ان شاء الله و احتمال الأخ الفاضل جمال اطارات يبقى معانا هو كمان هو مش رايح صيانه بس حيجى علشان يقابلنا
لو فى كتير رايحين حتبقى فرصه حلوة نتجمع هناك
مستنى ردكم و فعلا وحشتونى

مهندس كامل محمود

أيـوه باباشـمهنـدس كـمـال ، هـى دى الـروح اللى عـايـزنـهــــــــا تـســود بـيـنـنــا

وهـذا مـا نجـحـت فـيـــه الأسـبرانـزا - وربـنـا يـدومـهـا نـعـمـه و يـحـفـظـهـا من الـزوال -

و تـكـون أجتمـاعاتـنـا مسـتمـرة على طـول وعلى خـيـر يـارب و ما تـكـونـشـى فى الـصـيـف

بس زى ليـالـى الـتـليـفـزيـون .

فعلا يا جماعة مفيش كلام يتقال غير اللى قاله الباشمهندس كامل (( شخصية 10 على 10 )) و الاستاذ طارق و كلهم والله كانوا ناس زى العسل و اثبتوا انه اجتماع راائع بكل المقاييس

واول اجتماع لنا جميعا يتم فيه الاتفاق على خطوات معينة و يتم الان تنفيذها بكل سرعة !!

و تم تحديد شوية اساسيات للنادى بتعنا و لن نتنازل جميعا عن تحقيقها بإذن الله !!

و اهم شىء فى الموضوع دة فعلا زى ماقال الاستاذ طارق ان الاجتماع زال عننا التخيل

لاننا شفنا بعض وجها لوجه و كان يوم فعلا جميل !!

بالنسبة للى هيسأل طيب اتفقتوا على اية ؟؟؟؟

الاجابة : اتفقنا على تنفيذ اللى اتفقنا علية !!! :D

بهزر طبعا ... بس كل حاجة هتعلن فى ميعاها ان شاء الله

واحب اقول لكل الاسبيرانزاوية

انتظروا المفاجااااااااااااااااااا اااااات خلال فترة قصيرة جدا :wink:

ودى اسماء الناس اللى حضرت الاجتماع
Tarek Ahmed Amin
Wael Mostafa
Mohamed Genedy
Kamel Mahmoud
Aamer Yehya
Osama Omara
Abd-Elrahman Taha
Ehab Farouk
Hosam El-Dien Hassan
Ahmed Nagy
Waleed Azab
Marwan Ezat
Emad Osman Ghonem

و الصور كمان ساعة بس لان الموبايل مفيهوش شحن خااالص

ولسة منقلتش الصور منه على الكمبيوتر

و ياريت اللى صور غيرى يرفع صولرة كمان

الله ينور يا عبد الرحمن .

واضح فعلا ان الاسبرنزوايه كانوا فى حاجه الى روح الشباب الثائر الهادر

ربنا يوفق ان شاء الله .

كان نفسى احضر معاكه والله واتعرف على الناس الحلوه دى .بس ظروف عائليه والله

ان شاء الله معاكه المقابله الى جايه بس يكون الاعلان بدرى عشان انته عارف

احنا فلاحين يعنى لازم وقت عشان السفر والذى منه .

تحياتى يا باشا
السلطان

أحـنا (بالنيـابـة عن كل الأسـبرانـزاويـة) يـشـرفـنـا وجـودك مـعـنـــا يا سـلطـان السـلاطين
ونأمل أن تكـون معنـا فى الأجـتـمـاع الـقـادم أن شـاء اللـه و ح أقـول الميـعـاد لك بـدرى علشـان تـعـمـل حسـابك فى الـذى منـه ( الزيارة)وتـكـون سـخـنة ... :roll:

طارق باشا .

ان الى اتشرف بحضرتك وباقى الاخوه الاعضاء.

اما عن الميعاد فانا كان قصدى يعلن عليه بدرى لان انا فلاح ولازم اسال

عن مكان التجمع بدرى عشان اعرف احضر .

تانى حاجه اعزم بقيت العيله على زيارة سيدنا الحسين واقلهم اخونا الكبير طارق

عامل عزومه كبيره بعد الزياره وماكد عليه اجبكم معايا فمحدش ياكل قبلها بيومين على

الاقل .ويجعله عامر
السلطان

تـصـــور يا سـلطـان اول مرة اعرف انك كريـــــم أوى و خـطـيـر
على العمـوم دعوتك لنا جميعـــــــا مـقـبـولـة ودعــواتــك لـنـا عند
الحـسـين بالـهـدايـة /
صـدق اللى قال ان أهـل المنصـورة أهـل كــرم :wink:

ههههههههههههههههههههههههه هه

يا باشا ده انته تامر واحنا علينا التنفيذ

بس انا خايف لحد يزعل ويقول الراجل ده مستقل بينا ولا ايه

جاى من المنصوره وجايب اكله واكل الاعضاء معاه

ايه ده شايفنا بخلا للدرجه دى . وتبقه زعله واحنا لسه يدوب بنتعرف

اقلك قابلنا فى الحسين من غير محد يعرف تاخد الزياره على البيت طوالى

وترجع على المقابله ولا من شاف ولا من درى . ويجعله عامر
السلطان

اقتباس:

---

المشاركة الأصلية كتبت بواسطة tarek2

ودعــواتــك لـنـا عند
الحـسـين بالـهـدايـة /
:wink:

---

معلش هخرج عن الموضوع لكن لأهمية..

دعواتك عند الحسين أفضل منها دعواتك وانت رافع ايدك للسما على سجادة الصلاة فى بيتك، الحسين لن يمثل فرق ولن يشفع لك لأنه لا يستطيع إفادة أحد لأنه انتقل لرحمة الله فى جنته ، فالناس الذاهبون هناك للدعاء والثواب انما يخالفون أمر صريح لرسولهم الذى يدّعى الجميع محبته والذى وعد بشفاعة حقيقية لمن يطيع أوامره ومنها (لا تشد الرحال الا لثلاث مساجد ....) معروفين طبعا ، والحديث الآخر (لعن الله .... و ..... اتخذوا قبور أوليائهم مساجد)، هذا غير ما هو مشهور فعله هناك من الصلاة جهة القبر وليس القبلة والطواف حول القبر كالطواف حول الكعبة والنذر لصاحب القبر وكل هذا شرك لأن هذه العبادات لله وحده دون وسيط، غير ما يفعله سفلة الجهال من مخالفات أخلاقية فى الموالد التى يدّعونها والمخدرات التى ينسطلون بها فى الذكر الذى اخترعوه.
فالأحرى بنا مخالفة هؤلاء الجهلة والدعاء لمن أحببت من أهل البيت باستمرار كأكبر دليل على حبهم دون الوقوع فى شبهات نحن فى غنى عنها.

السلام عليكم ورحمة الله اولا يا دكتور احمد .
وبعدين انا صاحب الزياره لسيدنا الحسين مش الاستاذ/ طارق.
هنرجع للخلاف تانى . مش مشكله عشان بس انته راجل حبيبنا وبتفهم .
اولا زيارة القبور والاولياء لا غبار عليها طالما التزمنا بما هو مطلوب عند الزياره.
ثانيا التشفع بالاولياء عند الله وليس الطلب من الاولياء وذلك عند وجودهم احياء او اموات
فانا اطلب من الله ان يعطينى كذا بكرامة ال البيت او الولى الصالح . وذلك ثابت عن سيدنا عمر رضى الله عنه عند احتباس المطر نادى بالناس للخروج لصلاة الاستسقاء خارج المدينه ثم دعا الله واستشفع بكرامة العباس(رضى الله عنه ) عم الرسول (ص) وكان حى معهم.
ونحن عندما ندعوا الله من السنة ان نبدا بالصلاة على النبى(ص) وننهى بالصلاة عليه ايضا لان ما بدا وانتهى بالصلاة عليه لا يرده الله خائبا.
وهناك الكثير والكثير فليس المهم زيارة الولى او ال البيت او التشفع بهم المهم ما تفعله هناك فانت من داخلك تستشفع بهم ولا تطلب منهم. لان الطلب من الله فقط .هذا والله اعلم
السلطان

يا سيدى الفاضل أنا لا أناقش فضل أولياء الله لأنه لا جدال فى ذلك ، لكن الدين يسد مقدمات الذنوب كما ينهى عن الذنب ، يعنى بما انه مسموح التشفع بأعمال الأولياء (الحقيقيين) وهم أحياء وليسو أموات فلا يجوز اتخاذ قبورهم مساجد وللا رأيك إيه؟ فيه دليل على جواز إتخاذ قبور الأولياء مساجد؟

ثانيا: هل تظن ان العامة يعرفون ما قلته؟ هل يتوسلون لله بأعمال الأولياء؟ أم يقولون "ياسيى يا بدوى مدد!!!" إيه رأيك؟

ألا تعلم من تنذر"دستة شمع" للسيدة لو ابنها نجح؟ ألم تعلم بالطواف حول قبر البدوى؟ ياراجل ... لو فيه حاجة هتوقع الناس فى الشرك يبقى نحذر منها وللا نستمر فى سرد أدلة تحليل الجزء المسموح به والذى لا يعمل به أحد؟

صديقى د/أحمد
اولا : مسالة اتخاذ مساجد مع قبور الاولياء والصالحين لا شىء فيها الا اذا حدث فيها ما ليس فى الاسلام كما قلت من قبل ومبلغ علمى ان الرسول(ص) وابو بكر رضى الله عنه دفنا معا فى المسجد النبوى فان كان فى ذلك شىء فكان اولى بالصحابة عدم فعل ذلك.
اما مسالة سد الذرائع فانا شخصيا لا اؤمن بها فلا يعقل انه حتى لا ينظر احد الى امراه
اغطيها من ساسها لراسها واقول ان ده من الدين . الى يعمل حاجه غلط هوه الى نوعظه مش الى يعمل حاجه صح نمنعه ونقول احسن ممكن يعمل حاجه غلط.
مسالة العامه والصلاه للقبر انا الحقيقه لا اعلم بمن يفعل ذلك . وان كان ذلك صحيح فننصح ونرشد ونشجب وكل ما تريد ولكن ان نمنع من يذهب للصلاة والدعاء والتمثل بالاولياء فى سلوكهم وافعالهم فلا .هذا والله اعلم
السلطان

اقتباس:

---

التشفع بالاولياء عند الله

---

شفيعنا هو سيدنا محمد صلى الله علية وسلم.