صيانة ال 110 ألف للياريس 2008 اوتوماتيك
السلام عليكم ورحمه الله وبركاته
الحمد لله وصلت لل 110 ألف .. رحله كفاح طويله مع الياريس .. هي مش طويله اوي يعني بمأني كنت شاريها مستعمله .. المهم انا مواظب علي الصيانه كل 10 ألاف كيلو في مركز معتمد من التوكيل .. المتحده اللي في صقر قريش .. دلوقتي وصلت لل110 ألف وعندي شويه اسئله :
1- الزيت : انا بحط زيت شيل ألترا ال 10 ألاف .. في أختلاف بعد ما عديت ال 100 ألف ولا أستمر عليه ؟
2- ايه المفروض أعمله في الصيانه دي وأركز علي ايه ؟
3-العفشه : عاوز أكشف علي العفشه عند حد محترم .. هو مفيش حاجه غير صوت دب من الناحيه اليمين ادام لو اخدت حفره مثلا .. عاوز أروح عند حد يفصص العفشه .. المساعدين .. المقصات .. مش عاوز اسيب حاجه للظروف ومش عاوز اروح لواحد يربطلي المسماريين ويقولي انا ربطت العفشه وياخد 50 جنيه علي الفاضي عشان أرط علي كام مسمار
4- المياه : انا لسه بمياه الفبريكا .. مياه حمرا .. هل بعد ال 100 ألف فقدت خواصها والمفروض أنزلها واحط غيرها ولا ازودها زي أي صيانه عاديه ؟
5-زيت الفرامل : ده زيت الفبريكه أزوده برضه ولا أنزله خالص وأحط جديد ؟
6-مركز المتحده في صقر قريش : انا شايف انه غالي .. صحيح الناس هناك فاهمه كويس أوي بس انا مفيش حاجه معقده بعملها الحمد لله .. يعني يدوبك صيانه دوريه وخلاص.. في حد تاني ولا أكمل معاهم .. أنا ساكن في 6 أكتوبر و المعادي بالنسبالي في طريقي مش هتفرق.
ملاحظات: أنا غيرت فلتر البنزين و زيت الفتيس والتيل عند صيانه ال 90 ألف ,,, والبوجيهات وفلتر الهوا عند صيانه ال 100 ألف