واحد صاحبي بيفكر يشتري الرينو الميجان موديل 2000 او 2001
سعرها في حدود 55 الف
يا ترى ايه اهم مميزاتها وعيوبها
وهل قطع غيارها موجودة واسعارها عاملة اية؟؟؟
واحد صاحبي بيفكر يشتري الرينو الميجان موديل 2000 او 2001
سعرها في حدود 55 الف
يا ترى ايه اهم مميزاتها وعيوبها
وهل قطع غيارها موجودة واسعارها عاملة اية؟؟؟
هي العربية ضايعة اوي كدة؟؟؟
يعنى بلاش منها ؟؟؟
م . أحمد ..
أنا معايا الموديل اللي قبلها (99) فده اللي أقدر أفيد فيه بس تقريبا الفرق بسيط بينهم
عموما أهم حاجة تتأكد انه كان بيعملها الصيانة الدورية لأنها موديل قديم ولو مكنش بيتعمله صيانة دورية هيتعبه جدا ..
بس العربية ما شاء الله أكثر من ممتازة معايا وعمرها داخل على 10 سنين أهوه بس الحمد لله عمرها ما عملت فيه مقلب (ما عدا الكويل اللي ضرب) وده مش مقلب ثقيل بس عطلني شوية , غير ان عفشتها ممتازة ( من وجهة نظري ) مقارنة بعربيات ثانية مقاربة لها في المواصفات .
يعني الخلاصة انه يتأكد انها بيتعملها صيانة دورية وبرضه يكون متأكد أنه هيعملها الصيانة الدورية علشان تفضل على حالتها ..
اما بالنسبة للسعر مش هقدر أفيدك لأني مش متابع السوق بصراحة .. بس عربيتي كانت جايبة 65 سنة 2005 (بعد هوجة رخص العربيات علشان موضوع الجمارك) .. مش عارف ممكن تكون نزلت قد ايه دلوقتي.
اتمنى اني اكون افدتك .. وانا تحت أمرك في اي استفسارات .
يا باشا الف شكر على ردك