اقتباس المشاركة الأصلية كتبت بواسطة tarek eno مشاهدة المشاركة
من كام يوم كده لقيت زيت الفتيس ناقص فزودته مع ان مفيش رشح تحت العربية و بعدها بكام يوم الفتيس مابينقلش للرابع يعنى التلات غيار تمام بس الرابع ساعات ينقل و صوت العربية يبقى عالى و فى حرارة طالعة من عنده هو و فرامل اليد كده الفتيس بخ و لا اجرب اغير زيت و اشوف و كمان فى حاجة كمان بسمع صوت نعرة من 2ار بى ام وانتا طالع من ايه ده كمان ومش عارف الغربية ضربت مرة واحدة كده مبحبهاش لما تقلب بتبقى وحشة اوى ... اه فى حاجة كمان مية القربة داخلة على اكتر من سنة مطحنة او فيها صدأ بس انا قلت ان شكل الريداتير مصدى من جوه و غسلت الدورة بس رجعت تانى ؟؟؟؟؟؟

معايا نوبيرا أوتوماتيك مو٢٠٠٦ وكانت حاسس النقلات فيها رزعة شوية خصوصا الرابع اللي كان ساعات مابينقلش أصلا ولما بتكون العربية باردة بيبقى عزمها ضعيف جدا. المهم رحت للميكانيكي قاللي نغير زيت الفتيس والفلتر ونشوف وبالفعل غيرناهم بس العيوب ده فضلت زي ماهيه. فقاللي يبقى طلمبة زيت الفتيس ضعفت, فغيرها وعمل صيانة لعلبة البلوف وطلعنا نجرب والعربية باردة "بسم الله" حسيت سحبها اتحسن والنقلات بقت أنعم جدا ما حستش بيها تقريبا. شدينا شوية وكله تمام لحد ما فجأة سقطت لوحدها من الرابع للثالث وماجبتش الرابع بعدها خالص.
الميكانيكي حاول يظبط أي حاجة ممكن تتظبط معاه زي سلك الكيك داون وبرده ما نفعش. جرب ثلاث علب بلوف تانة والعيب زي ماهو تجيب الرابع شوية في الأول وبعدين تحلف ما هي جايباه تاني.
في الآخر قاللي كده لازم نغير الفتيس. وبالفعل غير ٢ فتيس ولسه المشكلة قائمة وانا احترت , أروح لميكانيكي تاني والا أروح التوكيل مع إن الراجل ده صلحت عنده حاجات قبل كدهوما فيش حاجة عملتها عنده رجعت تاني.