الموضوع: الكيا بتاعة الشرطة اللى على المحور هوه صحيح فيها رادار حد يجاوبنى من فضلكم

أعتقد هذا يا أخ ناجي , لاني يوم الخميس الماضي رأيت سيارة مماثلة علي طريق القاهرة/الاسكندرية الصحراوي قبل البوابة بحوالي 50 كم و بعدها بحوالي 1 كم كان هناك كمين و فعلا رأيت 3 سيارات ملاكي و ميكروباص متوقفة و تم سحب رخصها لتجاوز السرعة القررة

انا بارضو سمعت الموضوع ده وانا على المحور بمشي عادي واول ما اشوف
العربيات الكيا ديه بهدي جمبها واول ما اطلع منها اجري تاني لاني بصراحه
مش بستحمل امشي على 80 ديه خنقه اووووووى

يا جماعة انا شبه متأكد من الموضوع ده علي طريق القاهرة ؟ الاسكندرية علي الاقل انا بسافر بشكل يومي تقريبا و شايف العربية دي واقفة علي طول و العربيات الاجرة و الميكروباصات بتهدي قبلها و فعلا بعدها في كمين بيسحبوا فيه الرخص علشان تخطي السرعة

الحذر واجب و من خاف سلم

أنا ساكن فى أكتوبر و أنا مروح و راكب الميكروباص بلاقى السواقين بتهدى لما تقرب منها و بتفتح لما تعديها فالظاهر كده إن فيها رادار و الله أعلم.

العربيات دى فعلا مزودة بردار

لسه من يومين واحد صاحبى جاله فى البريد على البيت مطالبه بدفع غرامة ردار على المحور و مكتوب فيها رقم العريبة و العنوان و السرعة بالرغم من انه و هو ماشى على المحور محدش وقفة و لا حد شاف رخص اصلا

و لما راح لقى الغرامة 600 جم و بعد ما اتظلم دفع 300 جم و مشى

نعم فيها رادار و انا شفته بعيني .. بيتم إرسال رقم السيارة لاسلكياَ لكمين بيقف عند مدخل زايد 2000 .. و بيوقف متخطي السرعة و النقل و الميكروباص اللي مبيمشيش في الطريق البطئ و اللي محمل حاجة علي عربيته أو أمن و متانة و الفيميه إلخ .. الكمين ده في الغالب بيقف بعد الساعة 10 و مش في كل الأيام و بيقف في إتجاه أكتوبر بس .. إتجاه ميدان لبنان مش عارف بيتصرفوا في المخالفات إزاي بصراحة بس انا متأكد إن فيها رادار .