الخوف ساعدنى لحفظ القراءن

**AHMEDCAR** · 26-10-2008 11:34 AM

انا عارف ان اسم الموضوع غريب شيه بس هيه دى الحقيقه الحكايه هى ان انا مش بحب اقعد فى البيت لوحدى و لما مابيكون فى حد موجود فى البيت بنزل الشارع و خلاص المهم فى يوم لقيت العيله كلها مسافره و العبد لله هايقعد لوحده فى البيت لمده شهر بسبب انه مش عارف ياخد اجازه من الشغل طبعا كنت كل يوم انزل الشارع و ما اطلعش غير و انا بموت و عايز انام لحد ماجيت فى مره و قولت هو انت عيل صغير ولا ايه يعم اتكل على الله و قعد كده و شوف طبعا الهواجس كلها جتلى فى اليوم ده حتى لو زماره عربيه فى الشارع ممكن اترعب منها مش عارف ليه انا طبيعتى كده المهم قولت لنفسى خلاص شغل قران و انام و اكيد مافيش حاجه و حشه هاتحصلك و القران موجود فى البيت ( اهم حاجه شغل شريط كويس و يكون صوت الشيخ اللى بيقراء القران تكون انت بتحب تسمعله ) كنت بعمل الحكايه دى كل يوم ادخل البيت و اشغل القراءن نصف ساعه وانا بحاول انام سبحان الله بعد اسبوع انا ماكنتش حاطط فى بالى انى عايز احفظ القراءن انا كل اللى بعمله انى بشغله علشان انام و انا قرير العين ( حلوه قرير دى )اكتشفت بعد الاسبوع ده ان انا بردد مع الكاسيت و الحمد لله بعد فتره قليله حوالى شهر لقيت انى حافظ نصف سوره البقره و بعد كده سوره الكهف و سبحان الله مابقتش اعرف انام من غير ما اشغل قراءن دلوقتى و الحمد لله

**analyzer** · 26-10-2008 11:46 AM

رب ضارة نافعه
بس لو بقى حفظ القراءن لله وحده وتقرب لله يبقى اجمل واجمل لان الاجر هيكون اكبر
والى الامام وعقبال ما تحفظ القراءن كله ان شاء الله

**Islam_galal** · 26-10-2008 11:57 AM

نفس النظام في العربية
شرايط ثابتة (سورتان أو ثلاثة) لقارئ تحبه
تجد نفسك تحفظهم بسهولة

**BLACKVERNA** · 26-10-2008 12:10 PM

ما شاء الله تبارك الله

زى ما الاخ قال " رب ضارة نافعة "

للاسف احنا فاكرين ان كل حاجه صعبة و مش عايزين نجرب او نخوض التجربة بس لما بنتحط فى قلب التجربة بتكون النتيجه هايلة ما شاء الله و مش متوقعه

يا ريت تستمر على كدا بس صحح النية و خليها خالصة لوجه الله هتلاقى الموضوع امتع بكتيييييييييييييييييييير و ان شاء الله هتشوف و تلاحظ اثر الموضوع دا فى حياتك

اللهم اجعلنا ممن يقال لهم اقرأ و رتل و ارتقى كما كنت ترتل فى الدنيا

قولوا امين

**AHMEDCAR** · 26-10-2008 12:11 PM

امين يارب العالمين

**hamedo0** · 26-10-2008 02:15 PM

بارك ربنا فيك ورب ضره نافعه

**romeeoo** · 26-10-2008 04:28 PM

سبحان الله
نفس الطريقة اللى بعرف احفظ بيها بدون اى مجهود

**Miss_Pharma** · 26-10-2008 05:16 PM

ما شاء الله ..
فعلا والله طريقة فعالة جدااا ..
وياريت نعلمها للاطفال لان معروف ان حفظهم سريع واي اعلان ولا اغنية بيسمعوها باستمرار بيرددوها ويحفطوها بسرعة ..
ياريت فعلا نعودهم يسمعوا القرآن باستمرار وهما صغيرين ..

**نور القمر** · 26-10-2008 06:00 PM

ما شاء الله عليك
ربنا يثبتك
ربنا سبحانه وتعالى بيسبب الاسباب ومحدش عارف الخير فين

**KoDaK_Gti** · 26-10-2008 06:43 PM

أمنية حياتى انى احفظ القرآن والله وبعمل زيك الحمد لله بقالى فترة

الموضوع: الخوف ساعدنى لحفظ القراءن

LinkBack

أدوات الموضوع

عرض

الخوف ساعدنى لحفظ القراءن - انشر الموضوع فى :

-

-

-

-

-

المواضيع المتشابهه

موقع ممتاز لتحميل القراءن الكريم بصوت الشيخ المحبب اليك

يلا شير في الخير واستمع لجميع قراء القراءن الكريم اون لاين

محتاج القراءن الكريم بصوت مشارى راشد

دعما لحفظ كتاب اللة من المساس بة

لحفظ خبرة الكياوية

الكلمات الدلالية لهذا الموضوع

المفضلات

المفضلات

ضوابط المشاركة