إلى خبراء الساجا -عملت حادثة

**drsharra** · 30-09-2014 03:03 AM

الحمد لله ربنا نجانى أنا و أسرتى من موت محقق لولا فضل الله وحزام الأمان وبالونة الهواء - القصة انى كنت راجع الظهر من على طريق كوم حمادة وراجع طنطا و عند مطلع كوبرى التوفيقية عند الدوران و كانت السرعة 60 وماشى مع الدوران فوجئت إن العربية عامت ودخلت في الرصيف الخرسانى الفاصل (الأرض كانت مليانة رمل )- العربية عاملت منى قبل كدة بسببب ان العجلة الخلفية يمين حجزها شفة الأسفلت .السؤال العومان دة طبيعى (ربنا يكفيكوا شرة لما تبقى ماسك الطارة و العربية ماشية بمزاجها تحود يمين والعربية تروح شمال )مع الظروف دى ولا دة عيب صناعة ولا حسدولا سوء حظ .

**eng.m7md.ali** · 30-09-2014 04:22 AM

حضرتك قولت رمل .. طبيعي انها تعوم لان مفيهاش esp يظبط اتجاهها

الف سلامة عليك والحمد لله انكم بخير

**J A G U A R** · 30-09-2014 04:57 AM

الف سلامه على حضرتك وعلى الاسره

الرمل بيزحلق العربيه بكل سهوله وممكن كمان يخليها تلف 180 درجه لو بتجرى وبتحود جامد
حاول بقى تهدى السرعه فى الرمل وخصوصا مع الملفات
وربنا يستر طريقك وطريقنا جميعا

**Omar Mahmoud** · 30-09-2014 07:39 PM

الحمد لله إنك سليم انت و الاسرة
انا عندي في الاوبل او البروتون لو ماشي في حتة في رمل او مياه بهدي علي الاخر لإن دي بكل سهولة تتسبب في عومان العربية

**drsharra** · 01-10-2014 02:51 PM

الحمد لله والله اللى حصل معايا يعتبر معجزة لولا فضل الله و التزامنا جميعا بحزام الأمان وظهور الوسادة الهوائية شكرا لكم جميعا
يارب سترك و عفوك رضاك و لطفك فيما قضاه

**amoor89** · 02-10-2014 02:07 AM

المشاركة الأصلية كتبت بواسطة drsharra

الحمد لله والله اللى حصل معايا يعتبر معجزة لولا فضل الله و التزامنا جميعا بحزام الأمان وظهور الوسادة الهوائية شكرا لكم جميعا
يارب سترك و عفوك رضاك و لطفك فيما قضاه

حمد لله على سلامتك
الحتة دى كل يومين فيها حادثة بسبب الاسفلت الزبالة
الزراعى كله بقى عايز ضرب النار
بعد كده ان شاء الله لما تبقى ماشى فى حتة زى دى حاول تبعد عن الحتت البارزة اللى فى الاسفلت يعنى هاتها فى نص العربية وابعد عن السور على قد ما تقدر

**monarch** · 06-10-2014 06:13 AM

الحمد لله على سلامتك ....صارت معاي دخلت بمستنقع ماء مطر وعومت لكن الخطأ الفادح انك تدوس الفرامل لو تسيبها براحتها وتحاول تتحكم بالدركسيون تكون العواقب اخف حتما

**drsharra** · 06-10-2014 07:16 AM

بالنسبة لمشاركة الأستاذ amoor 89أولا أشكر سيادتك جدا لذوقك وثانيا بعد ما أصلح العربية إن شاء الله أى ملف هابطل العربية وأسوقها يدويا بالدفع ...هههههههههههههههه الفزع الذى كنت فية كان صعب حدا

**drsharra** · 06-10-2014 07:26 AM

بالنسبة لمشاركة الأستاذ monarch والله مانا فاكر ضربت فرامل ولا لا الحمد لله ربنا ما يوريها لحد

-

الموضوع: إلى خبراء الساجا -عملت حادثة

LinkBack

أدوات الموضوع

عرض

إلى خبراء الساجا -عملت حادثة - انشر الموضوع فى :

-

-

-

المواضيع المتشابهه

عملت حادثة .....

عملت حادثة

عملت حادثة

الحمد لله عملت صيانة الألف من يومين لعربيتى الساجا

انا عملت حادثة

الكلمات الدلالية لهذا الموضوع

المفضلات

المفضلات

ضوابط المشاركة