الموضوع: ((( طرق الصرف السلع التموينية من بطاقة التموين )))

السلام عليكم ورحمة الله وبركاته ...
زى ما قال الاستاذ Karim Alaa بالاضافة الى انك تروح لاى حد بتاع تموين او اى حد معاه المكنة مش شرط اللى انتا بتاخد منه التموين بتاعك والمفروض انها من يوم واحد فى الشهر حتى يوم خمسة فى الشهر ولكن بيمدوها لحد يوم سبعة فى الشهر علشان الزحمة ...
والسلع مش بتاعت التموين لأ دى السلع اللى انت بتشتريها من اى سوبر ماركت بسعرها يعنى علبة الجبنة النص بتشتريها من بره 7 جنيه هتاخدها ب7 جنيه ومكرونة ايزيس الكيس ب 2.5 هتاخده ب 2.5 برضه والسلع مختلفة من حد للتانى وملهاش اى معيار يعنى فى ناس كانت بتبيع شبيسى عائلى وفى ناس بتبيع جنبة رومى .....
اهم حاجة يكون معاك اخر ورقة من فرن العيش علشان فى ناس للاسف بيعها ضميرها ويكون ليك ب 20 جنيه يدوك باقل من كده لانهم بيقول الدنيا زحمة وادينى البطاقة علشان اضربها فى البيت قبل الوقت يروح عليك وطبعا بيحط الرقم اللى هو عايزه ....

المشاركة الأصلية كتبت بواسطة tarek12

شكرا لكم اخوانى الافاضل أ / karim و أ / elhalwany

لى سؤال
سابقا كنت باستلم التموين بمزاجى مثلا اخر يومين من الشهر
ولكن الان فى الكارت الذكى هذا
استفسارى
1- هل هو المفروض انى اخذ التموين لعند يوم 7 فى الشهر و بعد كدا بيضيع حصتى فى التموين ؟؟

2- هل لو مستلمتش التموين الشهر دا هل سوف يضاف الى الشهر القادم ام سيلغى ؟؟؟

3- هو المفروض(النفر الواحد ) له سلع بكام جنية فى الشهر ؟؟؟

ياريت الافاده لتعم الفائده للجميع

الشكر لله وبالنسبة للاستفساراتك :
1- التموين فى اى يوم فى الشهر زى النظام القديم عايز تخدوه اخر يومين برحتك بس المشكلة هتبقى فى السلع نفسها مش هتلاقيها متوفرة بمعنى هتروك واللى هتلاقيه هتاخده والا هيروح عليك يعنى لو لاقيت سكر هتاخد التموين بتاعك كله سكر فى دقيق التموين كله دقيق وهكذا ...
انما فروق العيش فقط هى اللى من يوم واحد حتى يوم خمسة فى الشهر وممكن تتمد الى يوم سبعة ولو ماخدتهاش بتروح عليك ومعلومة اضافية لازم تاخد عيش فى الشهر حتى لو مرة واحدة لانك لو ماخدتش عيش طول الشهر لن ينزل ليك الفروق فى الكارت .
2- سيلغى زى النظام القديم
3- الفرد = 15 جنيه

هل من حق صاحب محل البقالة انة ياخد منى مبلغ كل شهر فى حدود ٥ جنية مصاريف بطاقة هل دة من حقة ولا بياخدهم بلطجة كدة

شهر يونيه 2015 ممتد لآخر الشهر بالاضافة إلى 50 % زيادة من فلوس توفير الخبز عشان رمضان..

يعني لو فاضل في رصيدك 100 رغيف يبقوا 100 * 10 قروش = 10 ج + 5 ج (50 % زيادة شهر رمضان)