الموضوع: لمبة ال esp نورت

اتأكد الاول ان الزرار مكنش مداس عليه لو مش ده يبقى ....

فى اغلب العربيات قراية سرعات العجل بتتاخد من حساسات ABS/ESP/Speed البدورها بتاخد قريتها من حاجة زى رينج بيكون مثبت على الطنابير فى اغلب الاحيان او على البلى bearings

لو اللمبة نورت فى اول التشغيل ده معناه ان system checkup شاف حاجة مش مظبوطة و ده كان قبل الحركة يعنى ممكن تستبعد وساخة على الرينج او السنسور ترجح فيشة سنسور على سبيل المثال او زرار او لقدر الله ESP controller

الحجات الداخلة البتأثر برده على ال ESP BAS ABS زرار بيسموا هنا مكنة الفرامل break switch و ده بيكون موجود فوق دواسة الفرامل و ده البيعرف النظام انك حاليا دايس فرامل و برده مسؤل عن فصل الكروز كنترول و نور الفرامل و فك اللوك بتاع الفتيس P

حاجة تانية دخلة فى ESP برده steering angle sensor

الوساخة او الطينة السنسور مش حيحس بيها غير لما العربية تبتدى تمشى و ميقدرش ياخد قراية.
السنسور لو بايظ او فصل ممكن لمبة ABS تنور ده لو عندك لمبة منفصلة للِ ABS

هل فيه رسالة طلعت مع اللمبة بتاعت ال ESP

بصراحة حاول تروح تكشف بالجهاز بتاع العربية الاصلى مش fault code reader المنتشر عند المكانيكية لانه اوقات كتير بيكون غير دقيق و بيضللك فى معرفة العطل فين.

انا حصل معايا موقف كنت ماشى على الصحراوى و مثبت السرعة 100 و مرة وحدة لقيت المثبت فصل و العجلة الشمال فرملت للحظة و طلعلى ESP fault ربنا ستر انى مكنتش بجرى كان حيبقى الموضوع مختلف.

عشان كده حاول تنجز فى الموضوع ده لان اعراضه غير متوقعة

المشاركة الأصلية كتبت بواسطة Hosam_Optrawy

تنور لما تكون قافل التراكشن كنترول يعنى دوست على الزرار

بس المفروض لما بطلت ودورت اول مره كانت تطفى

المشاركة الأصلية كتبت بواسطة shahen

فيه زرار جنب عصاية الفتيس خاص ب esp حد داس عليه

لما بيتداس على الزرار لفصل ال ESP اللمبة الي بتنور بتكون نفس العلامة دي بس مكتوب تحتها off و بتكون ناحية عداد السرعة .. فـمش هي دي المشكلة

المشاركة الأصلية كتبت بواسطة ashouhdy

غالبا في طين كتير غرق ال sensors عندك او الكاوتش كان فية زيت او اى حاجة تقلل ال traction

ومع الوقت نشف و القراية بقت مظبوطة

لأن اللمبة دى بتقول ان السيستم شغال الأن

والمفروض ميشتغلش غير في ظروف خاصة

لا أنا ممشيتش في زيت ولا طين كتير وللأسف اللمبة رجعت نورت تاني وقعدت طول اليوم امبارح تنور شوية وتطفي شوية ... لكن لاحظت إن كانت امبارح بتطفي بعد مابشغل العربية بعد ماتكون وقفت شوية وترجع تشتغل لما أمشي على حتة مكسرة شوية ...

لكن للأسف انهارده فضلت منورة طول اليوم ..

وبالمناسبة كنت قريت إن لما السيستم بيكون شغال اللمبة بتنور وتطفي مش بتفضل منورة ثابتة

المشاركة الأصلية كتبت بواسطة muhamednabil

اتأكد الاول ان الزرار مكنش مداس عليه لو مش ده يبقى ....

فى اغلب العربيات قراية سرعات العجل بتتاخد من حساسات abs/esp/speed البدورها بتاخد قريتها من حاجة زى رينج بيكون مثبت على الطنابير فى اغلب الاحيان او على البلى bearings

لو اللمبة نورت فى اول التشغيل ده معناه ان system checkup شاف حاجة مش مظبوطة و ده كان قبل الحركة يعنى ممكن تستبعد وساخة على الرينج او السنسور ترجح فيشة سنسور على سبيل المثال او زرار او لقدر الله esp controller

الحجات الداخلة البتأثر برده على ال esp bas abs زرار بيسموا هنا مكنة الفرامل break switch و ده بيكون موجود فوق دواسة الفرامل و ده البيعرف النظام انك حاليا دايس فرامل و برده مسؤل عن فصل الكروز كنترول و نور الفرامل و فك اللوك بتاع الفتيس p

حاجة تانية دخلة فى esp برده steering angle sensor

الوساخة او الطينة السنسور مش حيحس بيها غير لما العربية تبتدى تمشى و ميقدرش ياخد قراية.
السنسور لو بايظ او فصل ممكن لمبة abs تنور ده لو عندك لمبة منفصلة للِ abs

هل فيه رسالة طلعت مع اللمبة بتاعت ال esp

بصراحة حاول تروح تكشف بالجهاز بتاع العربية الاصلى مش fault code reader المنتشر عند المكانيكية لانه اوقات كتير بيكون غير دقيق و بيضللك فى معرفة العطل فين.

انا حصل معايا موقف كنت ماشى على الصحراوى و مثبت السرعة 100 و مرة وحدة لقيت المثبت فصل و العجلة الشمال فرملت للحظة و طلعلى esp fault ربنا ستر انى مكنتش بجرى كان حيبقى الموضوع مختلف.

عشان كده حاول تنجز فى الموضوع ده لان اعراضه غير متوقعة

أشكرك على الرد الوافي ده ... طبعا للاسف أجازة العيد داخلة خلاص فمش حقدر أروح التوكيل إلى بعد العيد .. أرجو إن ميحصلش أي حاجة غير متوقعة لاني كمان مسافر السخنة في العيد

روح التوكيل خليهم يعملو لك check احسن و طمنا
ان شاء الله تطلع حاجه بسيطه