ممكن اعرف side by side دا صيغة بلاقيها وانا بحمل الفيلم ولا ايه
عرض للطباعة
side by side ده نظام العرض علي الشاشه الصيغه غالبا هتكون mkv وهتلاقي في بيانات الفيلم قبل التحميل نوع التصوير وحجم الفيلم والجوده كام في كام والقنوات الصوتيه ونظام الصوت دولبي ولا غيره برضه بيكون موجود اغلب البيانات دي بتلاقيها
بخصوص ال 3d ممتاز وجميل وخصوصا الافلام الوثائقيه عن البحار والكائنات البحريه
وبالنسبه للصداع انا عندي lg 55 وومن الممكن اني اشوف افلام 3d فوق ال3 ساعات ومحسيتش بصداع ولا حاجه
النصيحه المهمه حاول تاخد اكبر حجم تقدر عليه ومش اقل من 42 باي حال من الاحوال ويفضل 55 علشان كلما اقتربت حواف الشاشه من بعضها تأثير ال 3d بيختفي
لا مش صيغه, لما تدور على افلام 3d هتلاقى اكتر من نوع زى Anaglyph 3D, SBS 3D, Top/Bottom 3D, interlaced 3D و هكذا بغض النظر عن الصيغه كل اللى هتعمله انك تختار الأفلام الـ sbs 3d مش اى حاجه تانيه
يعنى هتلاقى صور من الفيلم بالشكل ده
http://www.wired.com/images_blogs/ga...raft_in_3d.jpg
دى مش هتشتغل
و هتلاقى افلام تانيه صورتها كده
http://4.bp.blogspot.com/-Gys6T7n6AR...+Captura+4.jpg
هى دى اللى هتشتغل و اسمها sbs او half sbs
انا مش عارف اشكركم ازاى يا رجالة والله كفيتم ووفيتم
سؤال بس يا رجاله
فى تليفزيونات سامسونج لو معاك موبايل سامسونج وفيه خاصيه all share بتقدر تشغل اى حاجه على الموبايل وتعرضها على شاشه التلفزيون
هل لو اشتريت تلفزيون LG حيبقى فى الخاصيه دى برضه
ولو الخاصيه دى موجوده لازم اشترى موبايل LG مخصوص علشان اعرض الصور او الفيديو من الموبايل الى التلفزيون ولا ينفع اى نوع موبايل غير LG
ارجو الافاده
طيب سؤال اخير للاخوة ايه انسب مكان وارخص مكان للشراء شارع عبدالعزيز ولا كارفور..لانى لاحظت ان كارفور بيقولوا انهم بيعملوا عروض وخصومات بس بتطلع هى هى اسعار عبدالعزيز يمكن عبدالعزيز بيبقى اقل كمان
كارفور فيه ميزه انك تقدر تجرب اكثر من تلفزيون وامامك حريه الاختيار
انا زمان اشتريت منه ايااااااااااام ما كان 32 بوصه ب12 الف كان فيه ميزه ان فيه حاجه اسمها ضمان كارفور يعنى ممكن ارجع الجهاز فى ظرف اسبوع لاى سبب معجبنيش المكان مش مناسب بس اخد بفلوسه سلعه تانيه مستردش الفلوس فكانت ميزه حلوه مش عارف متاحه الان ولا لا
افضل لك كارفور لحريه المقارنه والاختيار لااكثر
ولو الظروف تسمح لحضرتك والمكان كبير كبر البوصه على قدر مستطاعك كل ماتكبر البوصه فى الثرى افضل
طيب بالنسبه للافلام الثري دي اصلا بتجبوها منين بقي