Mg... هل هي صينية فعلا؟؟

**borio1704** · 30-09-2014 12:35 PM

MG شركة انجليزية مقرها في برمنجهام - إنجلترا ، بدأت تصنيع السيارات منذ عام 1920... وهي مملوكة بالكامل لشركة سياك موتورز الصينية.

اشتهرت في الأساس بتصنيع السيارات الرياضية "كوبيه" والمكشوفة منها المعروفة باسم "رودستر"

ولكنها كانت تصنع سيارات الصالون أيضا.. ربما بنجاح أقل.

وابتداء من الستينات.. لم تصمم سيارات صالون، وإنما كانت تعتمد السيارات الشقيقة لها في المجموعة (مثل أوستن وليلاند وروفر) لتنزل باسمها.

تعرضت الشركة لعدة حالات من الفشل .. مثلها مثل معظم علامات السيارات الإنجليزية.. وتم شرائها من عدة شركات.. حتى ضمت إلى مجموعة BMW في عام 1985.. ومنها إلى مجموعة روفر .. إلى أن تم إقفال خطوط إنتاج الشركة رسميا عام 2005

https://en.wikipedia.org/wiki/MG_Cars

في عام 2005.. اشترت شركة "نانجينج" الصينية أصول الشركة وحقوق الماركة التجارية، وفي عام 2007 استحوذت شركة "سياك" الصينية على شركة نانجينج بالكامل.. بما فيها MG.

https://en.wikipedia.org/wiki/MG_Motor

حاليا... تقوم MG بتصميم وتطوير سياراتها في بريطانيا، أما التصنيع فيتم في الصين، عدا السيارات التي تباع في بريطانيا فيتم "تجميعها" في مصانعها هناك.

وما زالت مصانع برمنجهام تعمل حتى الآن.

...

**ahmzd** · 13-10-2014 10:26 PM

استعراض جميل ومجهود كبير ولكننا لم نحصل حتى الآن على إجابة شافية للسؤال الأصلي وهو:
Mg... هل هي صينية فعلا؟؟

**borio1704** · 13-10-2014 11:17 PM

المشاركة الأصلية كتبت بواسطة ahmzd

استعراض جميل ومجهود كبير ولكننا لم نحصل حتى الآن على إجابة شافية للسؤال الأصلي وهو:
mg... هل هي صينية فعلا؟؟

لا يا فندم... Mg ليست صينية.. على الرغم من أنها تصنع في الصين

نفس الكلام ده يتقال على ماركات كتير

فيه فرق بين "الماركة" وبين "التصنيع"

الماركة بشكل عام بتعبر عن توجه صاحبها .. والكلام ده يشمل بشكل أساسي التسويق والتصميم والتطوير..

ودول لحد دلوقتي بيتموا في برمنجهام في انجلترا

أما التصنيع والتجميع فممكن يتعمل في أي مكان في العالم.. زي ما نفس العربيات دي بتتجمع في مصر.

...

**borio1704** · 29-12-2014 07:14 PM

المشاركة الأصلية كتبت بواسطة ahmed tarek 00

طبعا صينى بس جمييييييييلة جدا

لا مش صيني :)

ورأيي ده مبني على الحالات الشبيهة اللي بتحصل في شركات السيارات العالمية..

عندنا مثلا حالة سيارات تويوتا اللي بتتصنع في أمريكا

هل حضرتك عندك فكرة إن بعض موديلات تويوتا زي "أفالون" و"سيكويا" تصميمها أمريكي.. بفكر أمريكي.. ومكوناتها أمريكية بالكامل.

بس لما بتتباع.. بنقول عليها تويوتا.. ياباني.

نفس الكلام يتقال على سيارات شيفروليه المصنعة في كوريا.. زي "أوبترا".. "كروز".. "آفيو".. "سينك".. "سبارك".

لسه شايف إن mg صيني؟؟؟

أنا شايفها سيارة انجليزية مصنوعة في الصين.. زي ما قريب هتلاقي ماركات عريقة جايالك من الصين.. وقريب قوي أسرع من ما تتصور.

...

**borio1704** · 01-01-2015 04:40 PM

المشاركة الأصلية كتبت بواسطة carrier

كده العربية بقت صينية المنشأ حاليا حتى لو انجليزية الاصل ( ذكريات خلاص )

وأسأل حماية المستهلك حماية المستهلك يحيل شركة سيارات «mg» للنيابة العامة بتهمة تضليل المستهلكين - بوابة الشروق

انجليزية المنشأ تاريخياً فقط ... فقط - يعنى مفيش مصنع انجليزى ليها
«حماية المستهلك» يوافق على إعلان «mg» بعد تعديله - جريدة البورصة

لو حضرتك فتحت اللينكات اللي أنا حاططها في الموضوع هتعرف أنا جايب معلوماتي منين

اتعلمت في شغلي إني لما بقول معلومة لازم يكون ليها مصدر.. ما هياش توقعات ولا تصورات

ولو كانت تصور أو توقع.. هتلاقيني بقول كلمات زي "من وجهة نظري"، "اتوقع"، "احتمال".

عموما.. أنا شايف ( يعني ده رأيي ) .. إن التوكيل أخطأ تماما في الأول لما اتكلم عن السيارة كونها انجليزية دون ذكر للتصنيع في الصين..

المشكلة كمان من وجهة نظري.. إن السيارات الانجليزية عموما مشهورة من زمان بضعف الاعتمادية.. إنما مميزة بخامات فخمة لا تضاهيها أي سيارات أخرى.. ولا حتى الألمانية.. ودي معلومة ما يعرفهاش السوق المصري .. لإننا سوق يعتبر جاهل من ناحية السيارات نظرا لفترة النظام لاشتراكي اللي سيطر على البلد لمدة كبيرة.

...

-

-

-

-

الموضوع: Mg... هل هي صينية فعلا؟؟

LinkBack

أدوات الموضوع

عرض

Mg... هل هي صينية فعلا؟؟ - انشر الموضوع فى :

-

-

-

المواضيع المتشابهه

إبداعات صينية Senova D70

هي الأفيو فعلا سيارة سيئة فعلا ؟؟؟؟

هى الأفيو فعلا سيارة سيئة فعلا ؟؟؟؟ ( مشاركات خارج الموضوع )

اول سيارة صينية

سمارت صينية

الكلمات الدلالية لهذا الموضوع

المفضلات

المفضلات

ضوابط المشاركة