هل يمكن تحويل الفتيس من مانيوال الى اوتوامتيك في النيو اكسنت 2010 وما هي التكلفه التقديريه لهذا الموضوع
عرض للطباعة
هل يمكن تحويل الفتيس من مانيوال الى اوتوامتيك في النيو اكسنت 2010 وما هي التكلفه التقديريه لهذا الموضوع
بلاااااش كل الناس والصنايعية حتي بتوع قطع الغيار كمان نصحتني بللاش افكرة دي لان مش هيبقي مظبووط
اي كان نوع العربية
بلاش تعمل كده
عاوز اوتوماتيك بيع وهات اوتوماتيك
انا مش عايز احبطك بس هيتطلعلك مشاكل بالهبل
ف لو انت غاوى تروح عند الميكانيكى كل شوية و تغهم الدنيا ماشية ازاى جرب
عملناها في بورا وطلع زي الفل لانو لركب استندر
بص يسيدي مفيش اي مشاكل كل المطلوب واحد فاهم
هتجيب فتيس- عصايه- بدالات- ريداتير- كبالين- قعده فتيس -واحتمال عدادات
وكلو بيركب مكانه علي طول وبتبيع حاجتك وممكن تبدلها مع التاجير لو سليمه بس كده
كل حاجه تنفع بس لازم حد بيفهم وحط تحت بيفهم ديه 800000 خط
حضرتك في البداية حاول تعمل مقارنه ما بين القطع المختلفة بين المانيوال والاوتو وتحصر القطع ديه ايه عشان تشوف جدوى الموضوع
ثانيا شوف الحوض فيه اختلافات في القواعد ولا لأ
ثالثا ولو كل ماسبق تمام ونويت خلاص يبقى تتوكل على الله وتدور على نصف عربية اوتوماتيك كامل ويكون حالته حلوه ومش ماشى كتير ويتفك منه قدامك كل قطعه تخص الأوتو وتتنقل في عربية حضرتك وبس وان شاء الله تطلع حلوه وسيبك من فتى الصنايعيه
انا شخصيا محول لانوس مانيوال إلى اوتو بالطريقة الى ذكرتها والعربية شغاله معايا زي الساعه بقالها سنتين ومفيش اي مشاكل الحمد لله
متابع لنفس السيارة
اخي هتتكلف 8000 الي 9000 جنية ثمن القلبة وانصحك انك تجيب قلبة كاملة علي بعضها مش تجيب كل حلاجة لواحدها وبالنسبة للمصنعيات بتتراوح من 1000 الي 1500لان بيكون فيها فك تابلوة ودوشة انا شخصيا مغير لالنترا 2010برضة مكلفة 8.500 وواخد مصنعية 1200 جنية
بس نصيحة غير قلبة علي بعض
بتتعمل عادي
الاسبرانزا بيتسقط لها مواتير بفتيس اوتو يوميا
عندك هاتكون اسهل لائنك هاتغير فتيس بمشتملاته بس