فوكاس جيا 2008 فيراني - شكل 2009 - أول يد - 41,000 كم - فابريكا بالكامل عدا الاكصدامات - حالة ممتازة.
فتحة سقف - مثبت سرعة - ستيبترونيك - ستائر جانبية و خلفية - چنوط سبور - حساس مطر.
120,000 جم - 01001446732
عرض للطباعة
فوكاس جيا 2008 فيراني - شكل 2009 - أول يد - 41,000 كم - فابريكا بالكامل عدا الاكصدامات - حالة ممتازة.
فتحة سقف - مثبت سرعة - ستيبترونيك - ستائر جانبية و خلفية - چنوط سبور - حساس مطر.
120,000 جم - 01001446732
ربنا يوفقك غى بيعها
السعر مش عالي شوية؟!
أنا و الله بدور علي عربية زي دي...و لكن السعر مش مناسب ... راجع السعر بالسوق عشان متتصدمش من الاسعار اللي حتسمعها في عربيتك
ربنا يكرمك فالبيع
اصبر و هتجبلك السعر ده ان شاء الله، العربيه ديه ليها زبونها
بلاش يا فندم تدي الراجل أمل زائف.. العربية دي رينج سعرها 80,000 جنيه.. ييجي هوة يزود على سعرها 40,000 عشان حالتها استثنائية..!
الحالة الكويسة بتتمن بما بين 5,000 إلى 10,000 كحد أقصى.. يعني عربية زي دي ممكن يتطلب فيها 90,000 ماكسيمام.. مش 120,000..
وعلى كلٍ، هوة عرض وطلب في الأول وفي الآخر.. وموفق في البيع أياً كان..!
اعذرنى بأه يا فندم انتى البعيد تماما عن سوق الفوكاس, بعيد جدا جدا و مش ملم بسوقها تماما.
اولا انا بقالى 6 الى 7 سنين بغير عربيتى سنويا, من اول اكسنت لسبكترا لبورا لالنترا 2005 لبورا تانى لاوبترا لفوكاس, فالحمد لله انا مش بعيد عن السوق و متابع الى حد كبير.
ثانيا انا قعدت فوق ال 3 شهور متابع الفوكاس قبل ماشتريها, من ساعة ما كانت فكرة لغاية ما بقت قرار انى اشترى واحدة, و تقريبا فى الفترة من اكتوبر 2013 الى يناير 2014 مفيش عربية فوكاس اتحطت على النت فى مدى المعادى و مدينة نصر و مصر الجديدة الا لما رحت شفتها و الكلام ده قبل غلو الأسعار على فكرة.
مبدئيا الشكل القديم التابلوه الاخضر م 2006 الى 2007 كان بيتكلم من 65 الى 85 على حسب الحالة و الكماليات.
الشكل الجديد بالفوانيس المعدلة و بالتابلوه الجديد من اول 2008 بيتكلم من 80 و طالع.
الحالات العداد فى رينج لغاية 100,000 ك و رش قليل او فابريقة و بفتحة السقف كلها معادية ال 100,000 ج مرتاح, و فى الفترة الكنت بشترى فيها كانت بدات تغلى و بتعدى ال 110,000 مرتاح, بتكلم على الحالات مش الكنب.
بتتكلم هنا على عربيه عداد 40,000 ك, يعنى مفترض انها لسه بحالتها, اصبر يا باشا و نزل اعلانك على كونتاكت و دوبيزل و هتتفرج على كمية الناس الهتجيلك ان شاء الله.
انا كل عربية بروح اتفرج عليها الاقى 5 ل 6 افراد واقفين معايا بيتفرجوا, و الحالات الكويسة مع شوية تفاهم فى السعر كانت بتتباع فى اسبوع لأسبوعين.
البيتكلم بيقول 80,000 ج, انا صديق لسه بايع واحدة ماشيه 100,000 ك تقريبا الشكل القديم من غير فتحة و على 85,000 ج.
خصوصا ان الموديل ده فى السوق مسمع و محبوب عن الشكل البعديه.
بالتوفيق في البيع .. عربية محترمة وتستاهل اكتر من كده
انا كنت شايف واحده رشه دواخل وبيتكلم في 85000 .. المشكله إن الناس ال بتقول رينج السوق دى بتبقي ناس معاها رقم معين وعايز يشتري بيه لامبورجيني لو أمكن ..... بيتلغي من دماغه موضوع حالة العربيه وتفضل تقلل من قيمة العربيه علشان المبلغ المطلوب فيها مش علي قد إمكانياته .... يافندم عربيتك ماتقلش عن ال a5 والفيكترا c والهوندا سيفك والفلونس وكلهم تقريبا مقاربين للسعر ال حضرتك طالبه لو حالتهم نضيفه ( تمسك بالسعر ال حضرتك شايفه مناسب لحالة العربيه والسوق ) وماتديهاش غير لحد يقدر قيمتها
وبالتوفيق
ياريت لو في صور اكون شاكر ليك جدا
أشكركم جميعا على مشاركاتكم.
الحمد لله ربنا وفقني و بعت العربيه بمبلغ قريب جدا من اللي كنت طالبه. أنا كنت طالب المبلغ اللي العربيه فعلا تستاهله لإن يا جماعه حالة العربية هي دايما الاساس.
أشكركم مرة أخرى.
الف الف مبروك, قلتلك هتلاقى اليقدرها, الفوكاس ليها زبونها
طيب ممكن حضرتك تقولنا اتباعت بكام بالظبط
اصل انا عربيتى سيفيك 2008 فابريكة. ماشية 56000 كم و بفكر ابيع
فواضح ان السوق على جدا عن الاول
فكنت عايز اعرف عربيتى تسوي كام؟
فين الاخوه بتوع ال ٨٠٠٠٠ و ال ٩٠٠٠٠ جنيه؟؟؟
من قال لا اعلم فقد افتى.
موفق في البيع