الموضوع: بلوج غريب حبيت اشاركه معاكم

المشاركة الأصلية كتبت بواسطة hitman235

الحقيقه الحل ان مافيش حل اليوم الى بيعدى مش بيرجع تانى و ربنا ما رجعش الزمن لحد ولا حتى للانبياء يبقى الاختيارات قدامك محدوده
يا هتعيش حياه شاذه زى الشاب الى بيحاول يسترجع طفولته الى معاشهاش فى وقتها او الشايب العجوز الى عايش فى دور الشاب الروش الى فاته وقت ما كانت حياته كرب و فقر
يا تنتحر و تستريح
يا تعيش عيشه ملحدين بدون اى قيود او محرمات بشكل تحاول تخليك تنسى الى فاتك من عمرك
يا هتكتئب و هتتجنن فى الاخر او تنتحر شوف زى الاختيار السابق

انا عن نفسى فعلا مش عارف السبب ايه فى الظلم الى فى الدنيا او فى مصر تحديدا

الدين و الاسلام و الاخلاق بيقولولك اشتغل و اسعىو ما تكلش مال حرام ..........تلاقى بطاله و مافيش شغل من غير واسطه و مهندس ياخد اقل من عامل بوفيه فى شركة و مرتبات ما تكفيش مواصلاتك
الدين و الاسلام و الاخلاق يقولك اجتهد فى طلب العلم ..............تلاقى السرسجيه و البصمجيه هما علاه القوم فى بلدك
الدين و الاسلام و الاخلاق يقولك ما تمشيش مع بنات او تصاحب او تشقط ههه .............تلاقى البنات بتمشى مع شاب و اتنين و تلاته و تروح تتقدم لواحده و تدخل بيتها و تكلم اهلها ترفضك علشان مرتبطه مع انها لا مخطوبة ولا مقرى فتحتها بس مصاحبه واحد لافف عليها و اهلها زى الطراطير عارفين و ساكتين و لو قبتلك هترفضك لأنك مش مدردح
الدين و الاسلام و الاخلاق يقولك اتجوز و عف نفسك و ابعد عن الحرام ................ تلاقى مصارف الجواز فى مصر 400..500 الف جنيه لو هتجيب شقه من جيبك لو انت مش شغال فى البترول او سفير او مدير فى بنك هتحتاج على الاقل 8..10 سنين علشان تعمل المبلغ ده تكون فقد رغبتك فى الجواز اساسا + هتلاقى كل الى يتعرض عليك فرز تانى و ثالث و اشباه الاناث و حاجات تشوفها يجيلك مغص ...

هل المطلوب غير قابل للتطبيق ............هل المشكله فى المنطق نفسه يعنى فى الدين و الاخلاق ولا فى العصر ولا فى ايه بالظبط ولا المشكله فى اهلى انهم ما جابوليش الشقة و العربيه و الوظيفه ولا المشكله مشكله توزيع ارزاق ..........

زمان ايام اهلى كانت الدنيا مختلفه كان فيه حاجه اسمها ايجار قديم و الناس بتتجوز فيه عادى
كان فيه شغل بسهوله مش ظروف اقتصاديه و سياسيه منيله بنيله لو كملت سنه فى مكان واحد يبقى كويس لو لقيته
دلوقتى الاسعار زادت........ طلبات الناس الماديه زادت و تطلعاتهم زادت ........ اخلاق الناس زادت انحطاطا

الى هيقرا كلامى هيحس انى معارض للدين او ضده بالعكس ... انا على فكره من سكان المدينه المنورة حاليا و بينى و بين مسجد الرسول 7 دقائق مشى ........... و بكره طالع حج عايز تصدق صدق .....

بس فعلا الاوضاع بالنسبة لناس طول ما بيفكر فيها هيلاقى اسئلة مالهاش اجابه و اوضاع مالهاش حلول غير حل واحد
ان الزمن يرجع بيه
و الزمن ما بيرجعش

باشا انا مصدقك بس اعتقد الخلل بقي في الاهل مش في المجتمع
يعني انا لو عتدي بنت و جايلها عريس جاهز عنده 22 سنه ابوه جايبله شقه بمليون جنيه و مشغله في مكان كويس و جيلي واحد بقي عنده 30 و يادوب جايب شقه علي قده و شغال علي قده
و حتي لو عنده نفس الشقه و المرتب هختار الصغير لبنتي
الاهل دلوقت بقوا بيعملوا كل حاجه لعيالهم و بيوفروا عليهم سنين التعب
فبالتالي بقي في نوعين من الشباب في السوق شباب طالع عينه علشان يجيب اوضه و صاله
و شباب متخرج و عنده شقه فخمه و عربيه و جاهز للجواز و هو في سن صغير
تفتكر الناس هتختار مين
منطقي الاصغر

المشاركة الأصلية كتبت بواسطة qkash.com

انا شايف ان الشخص ده اوفر وبيحاول يتخيل ويعيش في معاناة ومتاعب ناس تانية ممكن تكون عايشة الحياة دي بصعوبتها ومشقتها بس الناس دي معندهاش الوقت اللي تعمل فيه بلوج وتقعد تكتب بالساعات مشاكلها وتجاربها الحياتية

هو شخص يهوي الشهرة وليس كما يتدعي انسان يائس او شاب مطحون من محدودي الدخل

هذا انطباعي ورأيي والله اعلي واعلم

واذا كنت مخطيء...وهو شاب صادق في كلامه ويعيش فعلاً هذه المعاناة في حياته

فأعتقد ان هناك أمل كبير في امكانية تحقيق ولو جزأ من احلامه اذا انتشرت مدونته واصبح لديه متابعين باعداد كبيرة يقرأون تدويناته فبانتشارها ستمكنه من كسب المال الذي قد يساعده كثيراً في حياته وبالتالي سيخرج من حالة اليأس والاحباط التي يعيشها

الغريب ان المدونة عدادها يقول ان عدد زوارها من سنة 2009 عدد قليل جداً...وهذا يدل علي انه فاشل حتي في ان ينتشر

هي حالة غريبة فعلاً....غير مفهومة

انا كده شايف ان في ناس جالها شعور مختلف تماما عن اللي حسيت بيه
انا حسيت انه يا اما حاقد يا اما ظروفه مهببه و مش مسعداه
لكن في اخوه هنا فتحوا تفكيري انه ممكن يكون عايز شهره مع اني حاسس ان اللي بيكتبه ده ميشهرش حد خالص
الناس بتقرا حاجات تضحك او حاجات تضيف معلومه مش حاجات كئيبه لكن الله اعلم يمكن يكون عايز شهره
بس اعتقد صعب شويه انه يكون واحد عايش حياه ناس تانيه
هو حضرتك استنتجت النقطه دي منين بالظبط