بسم الله و السلام عليكم

مش عارف لية حاسس ان العربية دي مظلومة فى المنتدي و فى السوق المصري :)
مع اني عن تجربة و عشرة عربية حمالة اسية بجد و قليلة الاعطال والحمدللة و اعتمادية جدا

كان معاية ياريس سيدان ياباني 2008 1300 مانيوال و لسة محتفظ بيها مقدرش استغني عنها بجد و الحمدللة العربية لحد دلوقتي 145000 كيلو مش بعمل غير الصيانة العادية والحمدللة

اما بقة الوحش الجديد ياريس 2015 سيدان اوتوماتيك

استلمت من شهر تقريبا الحمدللة و عملت صيانة ال 1000 كيلو انهردة مع اني عامل بالعداد 2000 كيلو :)

من وجهة نظري المحدودة السيارة مختلفة اختلاف كلي و جزري ,, اللي بيحب السيارات الاوربي هيعجب بالعربية دي اوي . و اللي متعود علي الياباني هيستغرب شوية العربية .
العربية ثابتة اكثر علي الطريق . شكلها مميز , اداء اقوة بكتير بسبب الماتور ال1500 سي سي , كنت خايف من موضوع تقفيل تايلند و اللي عملت حسابي لقيتة .. سعات بحس ان العزل بالنسبة للصوت مش اللي هو مش زي ال 2008 الياباني . لاكن راضي عنها . العفشة بقة نشفة شوية بس حاسسها اقوي

ملخص الموضوع اللي بيفكر في عربية لحد 160000 جنية انصة يتكل علي الله و يجيبها لأنها تستاهل بجد و جاهز لأي اسئلة او استفتسار