السلام عليكم جميعا
رابع حصة سواقة ليا كنت باتعلم إزاى أجيب مرشدير لحد كده كويس ؟
والمدرب قاللى دوس دبرياش وانقل مارشدير ودوس بنزين خفيف وجيب ورا وفعلا تمت العملية بنجاح
فى نفس اليوم بالليل كنت مع واحد صاحبى معاه شاهين وخدت منه العربية أجرب المرشدير وكان الآتى :
بمجرد ما أخدت الغيار وشلت رجلى من على الدبرياج لقيت العربية بتجرى منى قوى
فسألته أمال ليه أنا لما ركبت عربية التعليم الصبح كانت بتمشى بالراحة مع إنى كنت دايس شعرة بنزين متوسطة كده فقال لى إن العربية دى مختلفة لأنها عالية وفضل يشرح لى يعنى إيه عالية وأنا مش فاهم .
ممكن بقى من ذوى الخبرة العالية بالمنتدى يساعدونا فى شرح هذا اللغز لأن الموقف ده سبب لى زعل وإحباط جدا لأنى كنت منفذه الصبح بكل سلاسة وبالليل يحصل لى كل ده .
أرجو الشرح
ولكم تحياتى