الموضوع: مش عارف..مش عارف..اخطب زي الناس!!

انت تفكيرك طبيعي.. انا زيك وفشلت كتير ورحعت ادور تاني وعديت ال 30
الحمدلله علي كل شئ بس كل حاجه ف البلد دي صعبه اوي
مش عاوز احبطك بس انت تحت رحمه الحظ ملكش دور

المشاركة الأصلية كتبت بواسطة medosalah

بص بئه يا بشمهندس فتوك... المشاركه بتاعتي دي اعتبرها هي الخلاصه او الزتونه زي ما بنقول
هقسم المشاركه لكذا جزء
مبدايا كده انا حالي بشكل كبير زيك... انا طبيب حديث التخرج 24 سنه وفي بدايه المشوار في البحث عن زوجه

اولا.... انت عايز تتجوز ليه؟؟؟؟

اكيد علشان تكون اسره.. ولما ولادك يكبروا يبقي في تفاهم بينك وبينهم .. وتقدر كمان تعيش لما تشوف
احفادك .. وعلشان تعف نفسك من البلاوي اللي بنشوفها في الشارع والتلفزيون
عن عبد الله بن مسعود قال : قال لنا رسول الله صلى الله عليه وسلم { يا معشر الشباب ، من استطاع منكم الباءة فليتزوج فإنه أغض للبصر ، وأحصن للفرج ، ومن لم يستطع فعليه بالصوم فإنه له وجاء }

في كمان نقطه مهمه بحكم دراستي .. الراجل بيبقي بخصوص قدرته الجنسيه في قمه الفحوله والرغبه
من سن ال 20 الي سن ال 30 ثم تستمر قدرته الجنسيه بس اقل شويه بالضافه الي ان رغبته الجنسيه تقل تدريجيا حتي سن ال 40
يعني من الاخر كده ده عز الشباب واحسن وقت للزواج والانجاب

وكمان المراه تقدر تتزوج وتنجب ويبقي عندها رغبه جنسيه عاليه من 20 ال 35 ثم تظهر بعد زلك مشاكل عدم الرغبه ومشاكل في الخلفه كتييييييييييييييييير زي تكيس المبايض والاورام الليفيه وبطانه الرحم المهاجره

يعني من الاخر الواحد افضله ان يتجوز بدري علشان برده يتجوز واحده سنها مناسب له وصغيره 22 الي 26



ثانيا .. ايه مقاييس اختيار شريكه حياتك؟؟؟

مبدايا انا عن نفسي اهم شيئ التدين.. تعرف ربنا ... مستواها الثقافي والاجتماعي والمادي متقارب...
اهلها يكونا ناس محترمين مش بتوع مشاكل ... وكمان الجمال

بس بقولك ايه حط تحت كلمه الجمال دي مليووووووووووووووون خط ... ايوه انا لو هتكلم عن نفسي فانا شايف ان الجمال مهم جدا
قال النبي صلى الله عليه وسلم: "تنكح المرأة لأربع لمالها ولحسبها ولجمالها ولدينها فاظفر بذات الدين تربت يداك". يرجى بيان شرح الحديث وبيان معنى تربت يداك؟

يعني زي مالرسول قالنا اظفر بذات الدين .. فهو برده بدا الحديث بان المراه تنكح لجمالها

ارجوووووك فكك من كل الكلام بتاع انك تاخد عروسه والسلام .. ولا اللي يقولك خدها دي بنت محترمه وكزا

ايه المانع انك تاخد بنت جميله متدينه وبنت ناس ... موجودين والمصحف .. بس تتعب نفسك وتتدور
مش معني ان البنت جميله تبقي عطت مع كذا شاب قبل كده

لاحظ برده انك طول عمره ماشي بطولك وبتنام لوحدك علي سرير لوحدك لمده 26 سنه ... فمش معقول ابدا انك لما تيجي تتجوز تصحي الصبح تبص جنبك تروح ترجع او تقرف او تدور وشك او ترح تنام في غرفه الاطفال... في ايه اجمل من انك تصحي الصبح بدري تتصبح بوش مراتك البشوش وتحمد ربنا علي نعمه وتبدا يومك بالابتسامه . ايه المانع؟

وكمان لاحظ ان جمال اولادك بنسبه كبيره هيبقي من جمال امهم

ويا سلام بقي لو اخدت بنت جميله وروحها خفيفه

وعلي فكره مش لازم تاخد ملكه جمال يعني .. ممكن تقابل واحده علي قدر كويس من الجمال وتعجب بيها وبروحها وبشخصيتها

ومقاييس الجمال بتختلف من واحد للاخر..


انا والله بشوف بنات في قمه الجمال والاحترام والمستوي العلمي والثقافي

هتقولي وما روحتش تطلبها ليه ؟؟ هقولك السن .. ايوه فرق السن

مثال.... عندنا كان في معيده في قسم النسا .. دكتوره... جميله جدا .... مش مخطوبه... لبسها شيك ومحترم... تعاملها مع الناس محترم .. وشها بشوش.. ددايما بتدحك وتبتسم ... شاطره في مجالها

بس للاسف سنها الان 28 ومازالت لم تتزوج ... كله الدفعه مندهشه ازاي دكتوره بالجمال والخفه والاحترام ده ولم تتزوج حتي الان ... بس السبب غالبا انها مستواها المادي عالي شويه ومش هتقبل اي حد لسه بيبدا حياته

وفي من ده امثله اعرفها كتيييييير

كمان لازم اللي تتجوزها تتاكد كويس انها مش بخيله او نكديه... حط تحت نكديه مليووووون خط

كمان انا افضل انها تكون بتشتغل ويكون شغل خفيف.. مش علشان الفلوس ... الحمد لله الحال ماشي
بس علشان لو قعدت في البيت فهي بنسبه 99 في الميه خلال بالكتير 5 او 7 سنين وزنها هينضرب في 2 او 3

مش هتهتم بشكلها .. وهتقلب الي انها تبقي مربيه اطفال فقط لا غير.. بلاضافه انك اول ما ترجع من الشغل هتشبط فيك وتديك جرعه النكد المكثفه


المراه العامله دايما تلاقيها شيك.. بتحافظ علي نفسها ومظهرها الاجتماعي . مش معني كده انها تتبرج بس علي الاقل مش ينسي نفسها وكمان مش هتنكد عليك ليل نهار


ثالثا واخيرا ودي اهم نقطه ؟؟؟ هتلاقي البنت دي ازاي؟؟؟؟

ممكن في محيط العائله
في محيط عملك
وممكن تكلف الوالده او الاخت او اي بنت تثق فيها من العائله انها تدورلك علي عروسه مناسبه بس يا ريت يا ريت يا ريت تاكد عليه ميت مليون مره بالمواصفات اللي انت عايزها

يعني مثلا انت بتقول جميله .. يبقي تكتب انها تكون متدينه .. من عائله محترمه.. تكون بيضاء .. طولها مناسب ... جسمها مناسب(لا هي مسلوعه ولا قلبوظه)

وحجات من دي

وقلتلك تاكد كذا مره علي المواصفات اللي انت عايزها لاني مره قولت لاختي ماتشوفيلي عروسه

قالتلي عندي واحده اخت زميلتها.. علي كلمها بتقول(مهندسه في 3 هندسه.. متدينه ومحترمه وعسوله جدا.. قمرايه.. صغنونه .. بتدحك وتبتسم دايما.. عسوووووووله..)

قولتلها هاتيلي صورتها.. وافاجء ان البنت مستوي جمالها اقل من المتوسط بكتييييييييييير
بصراحه قولت كفايه لحد كده.. ادور انا

ممكن كمان لو انت ساكن في منطقه كويسه تروح النادي ويمكن تعجب بحد

ممكن تروح البنوك زي الاهلي وهتلاقي بنات في قمه الجمال وحديثي التخرج وفي منهم محجبات ومحترمين

ممكن تخلي الوالده تدورلك علي عروسه في المسجد وافضل ايام هي رمضان وصلاه التراوييح

ممكن تروح كليتك او الكليه اللي انت عايز مراتك تكون خريجه منها وتشوف وتدور وتبحث

ممكن تشترك مع جمعيه زي جمعيه رساله وتنزل معاهم في حملاتهم الخيريه زي شنط رمضان

ممكن تنزل المولات الكبيره والهايبر زي كارفور... احنا عندنا في كارفور التجمع الخامس هتلاقي بنات قمر قمر قمر وعلي فكره بيبقوا برده محجبات ولبسهم محترم جدا بس غالبا بلاقيهم معاهم بيبي صغير(متجوزين)
او ماشيه ومعاها زوجها

ممكن توسع دايره معارفك بجيرانك

ممكن تروح تاخد كورس انجليزي بس في مكان كويس مستواه عالي .. وهتلاقي هناك طلبك يا معلم

من الاخر كده اسعي وهيجيلك نصيبك ...

الجواز ليه مشاكله ومسؤلياته ... بس بردك هتبقي في غايه السعاده مع مراتك اللي بتحبها واولادك في المستقبل


ربنا معاك... بس حاول تراعي ربنا وترضيه وتدعيه بصدق .. وان شاء الله يرزقق بالزوجه الصلحه

الاول بشكرك جدا علي تعبك في المشاركه الدسمه الجميله بجد
بخصوص السن انا فعلا حزين اني ضيعت سنين شبابي مع ان ماليا كنت قادر اتجوز مش عارف دا فشل ولا ايه بس سعيت كتير فعلا
حته اروح كليه وموب ادور دي صعبه ازاي بس وفرضا عجبتني واحده هو انا اعرف حاجه عنها ةلا اصلها وكدا
وزي ما انت قلت دايما متجوزين انا عملتها مره ووقفت بنت عجبتني وطلعت مانتمه
انا حاسس اني عاجز مستني حد يجي يقلي واحده ذوقك اهي مع اني بسعي مفيش مره اتوفقت ولا بنت حواليا اعجبت بيها

عايز تتجوز واحده زى ما انت عايز يبقى انت محتاج يكون سنك صغير + علاقاتك كتير+ فلوس اهلك اكتر
غير كده مالكش غير شر ما خلق بقى و انت يا تقبل بيه يا تترهبن يا تلحد

أولا عليك بتوسعه دائرة معارفك و زيادة الآختلاط بين الآقارب والجيران و أن تجعل الجميع من حولك يبحث معك عن الزوجه مش أنت لواحدك و أنت تختار بينهم فى الآخر .

ثانيا : فى حاجات صغيرة ذى ما أنت قلت مثل العصبيه أو عايزة تستمر فى شغلها بعد الزواج دى مشاكل لو هى الحاجه الوحيدة مثلا اللى هتعرقل الزواج فبالعكس ممكن جدا تتحل بعد الزواج وتبطل عصبيه أو مشاغل البيت تخليها تبطل شغل .

بالنسبه للى عايزة تشتغل ممكن تضع شويه شروط لازم تلتزم بيها منها مكان محترم للعمل مواعيد عمل مناسبه ومدة لا تزيد عن 8 ساعات وتشترط لو بعد الزواج بقى فى أولاد محتاجين رعايه منك لازم ساعتها تتركى الشغل حتى لا يتم التقصير معهم ومعاك أيضا . وكل شىء بالتفاهم بيتحل بعد الجواز بس يكون فى القاعدة بتاعت الحوار والتفاهم موجودة بينكم .

فلا تصعب المواضيع ولا تقلق من طول الآنتظار فكلما صبرت كثيرا نلت الآفضل ولا تتسرع ولكن كن لينا سهلا ولا تكن معقدا و تساهل فى الصغائر وأبحث عن الجوهر أهم شىء فهو الباقى معك طول حياتك وهى الآخلاق الحسنه ومن جد وجد وأصبر ولا تيأس من البحث المتواصل وأستعن بالله وأعمل دائما الآستخارة ليكون الخير يأتيك من عند الله بالزوجه الصالحه وبالتوفيق

المشاركة الأصلية كتبت بواسطة abdm

أولا عليك بتوسعه دائرة معارفك و زيادة الآختلاط بين الآقارب والجيران و أن تجعل الجميع من حولك يبحث معك عن الزوجه مش أنت لواحدك و أنت تختار بينهم فى الآخر .

ثانيا : فى حاجات صغيرة ذى ما أنت قلت مثل العصبيه أو عايزة تستمر فى شغلها بعد الزواج دى مشاكل لو هى الحاجه الوحيدة مثلا اللى هتعرقل الزواج فبالعكس ممكن جدا تتحل بعد الزواج وتبطل عصبيه أو مشاغل البيت تخليها تبطل شغل .

بالنسبه للى عايزة تشتغل ممكن تضع شويه شروط لازم تلتزم بيها منها مكان محترم للعمل مواعيد عمل مناسبه ومدة لا تزيد عن 8 ساعات وتشترط لو بعد الزواج بقى فى أولاد محتاجين رعايه منك لازم ساعتها تتركى الشغل حتى لا يتم التقصير معهم ومعاك أيضا . وكل شىء بالتفاهم بيتحل بعد الجواز بس يكون فى القاعدة بتاعت الحوار والتفاهم موجودة بينكم .

فلا تصعب المواضيع ولا تقلق من طول الآنتظار فكلما صبرت كثيرا نلت الآفضل ولا تتسرع ولكن كن لينا سهلا ولا تكن معقدا و تساهل فى الصغائر وأبحث عن الجوهر أهم شىء فهو الباقى معك طول حياتك وهى الآخلاق الحسنه ومن جد وجد وأصبر ولا تيأس من البحث المتواصل وأستعن بالله وأعمل دائما الآستخارة ليكون الخير يأتيك من عند الله بالزوجه الصالحه وبالتوفيق

معاك حق هحاول مصعبش الامور علي نفسي ان شاء الله