مشكلة عجيبة حيرتني في فتيس اوبترا اتوماتيك ..

السلام عليكم اصدقائي رجالة المنتدى ووحوش الشيفورليه
كل عام وانتم بخير اعاد الله عليكم هذه الايام بالخير واليمن والبركات

امبارح حصلت مشكلة غريبة وعجيبة للعربية ..
كنت خارج من الشغل ومكملتش 2 او 3 كيلو على طريق الواحات واخدت يوتيرن ولسة هطلع منه لقيت العربية دربكت زي مايكون مشيت على ارض فيها زلط او بتترصف رغم ان الطريق ناعم جدا وكويس وفجأة العربية عزمها راح ووقفت !!!

اجيب الفتيس على d او r مفيش اى حركة والعربية دايرة عادى .. طيب اجيب الفتيس على 1 او 2 مفيش اى حركة خالص .. وبعدين حسيت ان عصاية الفتيس بقت خفيفة شوية في ايدي ..
بطلت العربية واستنيت دقيقتين ودورت تانى .. وجبت الفتيس على d .. اتحركت مترين وجت تاخد التانى .. راح العزم وضاع واحاول انقل على d او r او 1 او 2 مفيش حركة خالص المهم قطرت العربية وسبيتها في باركينج الشغل عندي .. ومش عارف المشكلة ايه ؟؟


يارت اى حد حصله الموقف ده او عارف ايه اللى ممكن يكون حصل عندي يفيدنى في المشكلة

شكرا مقدما لكل واحد هيعلق ويشاركنى برأيه

ممكن يبقي كوبلن داخلي

اقتباس:

---

المشاركة الأصلية كتبت بواسطة moratoz

ممكن يبقي كوبلن داخلي

---

انا فعلا عندى كوبلن داخلي عايز يتغير من فترة كدة بس المهندس هاني قالى عادى ممكن تمشي عليه عادي لغاية لما تغيره ..

تعتقد ان الكوبلن فلت ولا اتكسر ولا ايه بالظبط ؟؟

اعتقادي انها مشكلة مشكلة كبالن ان شاء الله. و كل عام و انت بخير

اقتباس:

---

المشاركة الأصلية كتبت بواسطة engboy

انا فعلا عندى كوبلن داخلي عايز يتغير من فترة كدة بس المهندس هاني قالى عادى ممكن تمشي عليه عادي لغاية لما تغيره ..

تعتقد ان الكوبلن فلت ولا اتكسر ولا ايه بالظبط ؟؟

---

ممكن يكون ملص ولا حاجة

اقتباس:

---

المشاركة الأصلية كتبت بواسطة ahmed.zahra

اعتقادي انها مشكلة مشكلة كبالن ان شاء الله. و كل عام و انت بخير

---

وانت بخير وصحة وسعادة يا احمد .. اخبارك ايه يا حميل ؟؟

بص يا باشا انا حاسس انها مشكلة في الفتيس .. لانى بحس بصوت تحت رجلى الشمال اول لما ادور العربية زي ما يكون في حاجة بتلف على الفاضى عملو نة كدة .. من الاخر احساسي بيقول ان في حاجة فاصلة
ايه هى الله اعلم
هل فتيس فاصل ؟؟ ممكن
هل كوبلن طلع من مكانه ؟؟ ربما

هل هلبس في مبلغ محترم ؟؟ ده اكيد .. وربنا يسترها :)

:b4_556: