استلمت نيو سيراتو 2015 الحمد لله

الحمدلله بعد تجربة السيراتو 2014 خليجي لمدة 20 يوم ولظروف خلاف ومشكلة مع المعرض رجعتها وكنت زعلان عليها جداً.. ربنا كرمني واستلمت السيراتو ex-dag-abs وكيل 2015 اللون الرمادي الميتالك بسعر 165000.. العربية بصراحة جميلة جداً والجنط ال 16 حاسس انه أفضل من ال15 وال 17 ثبات واتزان أحسن عن تجربة.. إن شاء الله اظبط المسائل وأعمل تقرير بالصور ودعواتكم.. ولله الحمد العربية خدت العين وانا في شارع جامعة الدول بعد مااستلمتها من المعرض على طول سواق تاكسي بيتكلم في الموبايل وسرح بس لحقت نفسي ولميت وش العربية بسرعة والنتيجة خربوش صغير حوالي 5 سم في جنب الاكصدام اليمين وقدر الله وماشاء فعل

الف مبروك و عقبال المرسيدس

الف مبروك وربنا يكفيك شرها
ممكن بعض الاسئلة
1- اخبار ثبات العربية؟
2- اخبار العزل وصوت احتكاك الاطارات بالارض؟
3- هل يوجد هواء ساخن ناحية دواسه البنزين؟
4-ممكن تقولنا ايه المواصفات الي في العربية بالكامل؟
شكرا

ألف مبروك
ربنا يديك خيرها و يكفيك شرها

الف مبروك ياباشا ربنا يكفيك شرها يارب

الف مبروك
بس حضرتك 2014 كانت جنط 17 ولا أيه علشان نقدر نقول يفرق اد ايه عن الجنط ال16

الف مبروك ياباشا ربنا يكفيك شرها يارب

اقتباس:

---

المشاركة الأصلية كتبت بواسطة heart_sugar

الف مبروك وربنا يماطلعت رها
ممكن بعض الاسئلة
1- اخبار ثبات العربية؟
2- اخبار العزل وصوت احتكاك الاطارات بالارض؟
3- هل يوجد هواء ساخن ناحية دواسه البنزين؟
4-ممكن تقولنا ايه المواصفات الي في العربية بالكامل؟
شكرا

---

الله يبارك فيكم جميعا.. بالنسبة للثبات للأمانة كنت حاسس أنها ثابتة جداً في الملفات لاني طبعاً ماجربتهاش على سرعة عالية.. العزل ممتاز ومافيش أي سخونة ناحية دواسة البنزين وانا سمعت عن المشكلة دي وعارفها علشان كده ركزت معاها والحمد لله مش موجودة ولا حصلت معايا في موديل 2014.. المواصفات رابع موديل على صفحة توكيل كيا :

Kia Cerato | Kia Motors Egypt Official Website

انا جربت الجنط 15 في الموديل اللي فات وجربت جنط 16 في الموديل ده 2015 وطبعاً مشاكل الجنط 17 معروفة للأمانة احسن مقاس للطرق في مصر هو 16 حقق معادلة صعبة في نعومة العفشة والثبات وعدم احتكاك العربية في المطبات.. بصراحة روعة وطبعاً اول حاجة فرغت الهوا ومليته نيتروجين اول ماطلعت من المعرض

الف مبروك وربنا يحفظهالك

مش كان معاك نيو سيراتو قبلها ولا متهيألى ..

الف مبرووووووك و ربنا يبارلك فيها ويحميها من عيون الحاسدين والحاقدين
مره انا وماشي بالالنترا2010 بتاعتي وكنت لسه مجمركها وطبعا العربيه نضيفه جدا مفهاش خربوش زي العربيات الزيرو واي حد يبص عليها من نضافتها و ناس تقولي تبيع لما انزل من العربيه ..
المهم انا وماشي في حته شارع اسمه صلاح الدين قي الاسكندريه المهم انا وماشي بالعربيه كان قدامي شاب شايل ربع عربيه نص نقل وبعد ما عديته بربع متر وهوب ايده فلتت و ربع العربيه النقل وقع ع الباب الشمال اللي ورا .. انا من صوت الهبده فكرت الباب بقي عجينه نزلت ظبطت الشاب ولقيت خربوش طويل من الباب الشمال لحد تانك البنزين ولحد الان الخربوش ده مزعلني جدا لانه باين اوي
والحمدلله ع كل حال ومتنساش تدبح لعربيتك وتقعد جواها تقرأ قرأن بالاخص صوره البقره مش تشغل الكاسيت لا ... اقراها انت بنفسك
تحياتي

مبرووووووووووووووووك
ربنا يعطيك خيرها و يكفيك شرها

ألف مبروك يا أحمد باشا ربنا يباركلك فيها

اقتباس:

---

المشاركة الأصلية كتبت بواسطة saint2011

ألف مبروك يا أحمد باشا ربنا يباركلك فيها

---

واحشني والله ياهندسة وكل سنة وحضرتك طيب

اقتباس:

---

المشاركة الأصلية كتبت بواسطة j a g u a r

الف مبروك وربنا يحفظهالك

مش كان معاك نيو سيراتو قبلها ولا متهيألى ..

---

تمام بس لو لاحظت انا كاتب في أول الموضوع اني كان معايا سيراتو 2014 خليجي بس حصل مشكلة واختلفت مع المعرض ورجعتها بعد مارخصت وخسرت 10000 جنيه المهم ماكانش ليا نصيب فيها والحمدلله على كل حال

طيب أنا عايز افهم ... إنت ليه رجعت الخليجي
... انا كنت امبارح في اوتو سمير ريان ... واتعرضت عليا واحدة خليجي 2014 أو 2015 ب 139 ألف لون أبيض
أنا بصراحة قولت قبل أي حاجة أسيرش شوية على الموضوع واشوف الدنيا فيها أيه

أستأذنك تقولنا ايه المشكلة اللي واجهتك في الخليجي وايه الأحسن وايه المضمون
وايه الفروقات اللي ممكن بسببها تغير وتجيب الوكيل

الف مبروك وربنا يكفيك شرها ويسترها عليك من الحسد

انا لسه شارى سعودى توب لاين جنط 17 و الكاوتش مليه نيتروجين على 32 بس حاسس كأن العربية فيها زوايا حد حس نفس المشكلة

ألف مبروك و ربنا يبارك لك فيها.

Sent from my SM-N9005 using Forum Runner

اقتباس:

---

المشاركة الأصلية كتبت بواسطة hamada_elsh3er

طيب أنا عايز افهم ... إنت ليه رجعت الخليجي
... انا كنت امبارح في اوتو سمير ريان ... واتعرضت عليا واحدة خليجي 2014 أو 2015 ب 139 ألف لون أبيض
أنا بصراحة قولت قبل أي حاجة أسيرش شوية على الموضوع واشوف الدنيا فيها أيه

أستأذنك تقولنا ايه المشكلة اللي واجهتك في الخليجي وايه الأحسن وايه المضمون
وايه الفروقات اللي ممكن بسببها تغير وتجيب الوكيل

---

المشكلة مش خليجي أو وكيل.. الموضوع اني فقدت الثقة في المعرض اللي اخدتها منه لاني أخذت منه لانسر وطلعت مقلوبة ومحتاجة 30000 تصليح وعلشان ارجعها اخدت السيراتو الخليجي ونفسيا كنت حاسس اني واخدها غصب عني وماكنتش طايقها ولاطايق أتعامل مع المعرض ده تاني.. كل أصحابي قالولي خلاص رجعها احسن ماتفضل راكنها وده اللى حصل فعلاً.. والسيراتو الجديدة جبتها من معرض تاني خالص وناس في قمة الاحترام والحمد لله

معلش يا فندم ممكن توضيح أكتر عن العربية المقلوبة دي , عشان دي ممكن تفيد ناس كتير

اقتباس:

---

المشاركة الأصلية كتبت بواسطة m.elhamy

معلش يا فندم ممكن توضيح أكتر عن العربية المقلوبة دي , عشان دي ممكن تفيد ناس كتير

---

كان في شهر رمضان اللي فات واتصل بي واحد من المعرض وقاللي عندي عربية كسر زيرو لانسر شارك 2014 رحت بعد الإفطار قاللي استني معايا صاحب المعرض هاييجي بيها لغاية لما وصل الساعة تقريبا واحدة شفتها وعجبتني وروحت بيها يادوب قبل السحور وتاني يوم قلت اشيك عليها لقيت لمبة الايرباج والتشك انجن منورة والحزام مش شغال والكبوت مرحل شوية.. طبعاً رحت رميتهاله في المعرض قالي مش هاينفع نرجعها ودي حاجة بسيطة وعربية كانت مريحة عليها وهي واقفة.. ولو على اللمض المنورة اطفيها لك في التوكيل.. رحنا التوكيل والحمد لله المهندسين هناك كان ضميرهم صاحي وقالوا العربية كانت جاية على ونش وسيستم الايرباج عايز يتغير ب 30000 جنيه.. طبعاً فقد النطق.. المهم قالي هاتاخد حاجة غيرها وبعد مناهدة وخناق اخدت السيراتو أول فئة خليجي.. وطبعاً أنا كنت غلطان لأني كان المفروض قبل مااشتري افحص العربية واجيب تقرير من التوكيل بس بتاع المبيعات في المعرض كان عامل نفسه صاحبي وخلاني أثق فيه للأسف..

الف الف مبـــروووك يا باشا
ربنا يجعلها خير عليك
فرحتنا وكل سنة وانت طيب

اقتباس:

---

المشاركة الأصلية كتبت بواسطة s o p h o s

الف الف مبـــروووك يا باشا
ربنا يجعلها خير عليك
فرحتنا وكل سنة وانت طيب

---

ألف شكر وكل سنة وحضرتك طيب

ممكن اعرف حضرتك رجعت الخلجيى لية واية المشاكل اللى كانت فبها؟؟

الف مبروك عليك وانت عشان نيتك حلوة ربنا انقذك وعوضك , وان شاء الله تكون سيارة وشها حلو عليك , ونتمنى تقرير تانى فيه صور والمميزات والعيوب ( ان وجدت) من وجهة نظرك لان السيراتو 2015 ملفتة للنظر جدا والواحد عايز يغير الكارينز 2011 ومش قادر اوصل لقرار , والف مبروك مرة اخرى

الف مبروك ..وربنا يبعد عنك العين
ومستنين التقرير ..بس يبقي تقرير وافي
عن كل حاجه
لاني مقبل علي شراء نفس الفئه
ومستني اعرف اخبرها ايه

اقتباس:

---

المشاركة الأصلية كتبت بواسطة محمد العرايشى

ممكن اعرف حضرتك رجعت الخلجيى لية واية المشاكل اللى كانت فبها؟؟

---

http://www.nilemotors.net/Nile/3875773557-post19.html

اقتباس:

---

المشاركة الأصلية كتبت بواسطة mazharsafwat

الف مبروك عليك وانت عشان نيتك حلوة ربنا انقذك وعوضك , وان شاء الله تكون سيارة وشها حلو عليك , ونتمنى تقرير تانى فيه صور والمميزات والعيوب ( ان وجدت) من وجهة نظرك لان السيراتو 2015 ملفتة للنظر جدا والواحد عايز يغير الكارينز 2011 ومش قادر اوصل لقرار , والف مبروك مرة اخرى

---

اقتباس:

---

المشاركة الأصلية كتبت بواسطة aymn6666

الف مبروك ..وربنا يبعد عنك العين
ومستنين التقرير ..بس يبقي تقرير وافي
عن كل حاجه
لاني مقبل علي شراء نفس الفئه
ومستني اعرف اخبرها ايه

---

بإذن الله بعد ماارخص لأني استلمتها قبل إجازة العيد مباشرة بس مبدئياً وعن تجربة سابقة العربية زي الفل عفشة ناعمة ومافيش احتكاك بالمطبات امبارح رحت بيها من العجوزة لجسر السويس وكنا خمسة كبار والله ولا مطب حكت فيه ماشاء الله ربنا يكرمكوا بيها أن شاء الله