مستر فرامل ياجماعه والله تعبت

**MoHaMeD MKM** · 02-10-2014 10:57 AM

السلام عليكم

ياجماعه انا محتاج مستر فرامل عمومى لعربية كيا سيراتو 2009 الشكل القديم ومش لاقيه خالص ولفيت كل مكان تتخيلوه ومش عارف اعمل ايه ؟؟ اركن العربية واستعوض ربنا فيها ولا ايه ؟؟؟ بجد مش عارف اعمل ايه
انا نزلت التوفقية وروحت شارع دمشق واتصل بكل منافذ بيع قطع غيار الكوري ومحدش عنده المستر خالص حتى التوكيل بتصل بيهم ومش بردوا عليا خالص وانا ممكن اروح اجيبه من التوكيل بس خايف اخود يوم اجازه مخصوص علشان اروح اركبه وفى الاخر برضه ملقيهوش فى التوكيل ومش عارف اعمل ؟ ولحد دلؤقتى عملت مرتين طقم اصلاح للمستر وبكتيره شهرين وبيرجع تانى يبوظ والعربية اوتوماتيك يعنى الفرامل روحها

أرجو ياجماعه حد يقولي اعمل ايه ؟ او لو يعرف طريقه يقولي

وعلى فكره نزلت الوكالة علشان اجيبة استيراد وبرضه ملقتهوش .. وياتري لو لقيته هيبقا كويس ولا برضه شويا وهيبوظ ؟؟؟؟

**shiko85** · 02-10-2014 11:16 AM

وعليكم السلام ورحمة الله وبركاته
(مجرد رأى)
بأعتبار ان السيراتو و الألنترا بيتشاركوا فأجزاء كتير, ممكن يكون نفس الماستر بتاع الألنترا
بس مش عارف ازاى حضرتك تقدر تعرف ده

**Fadi Ezzat** · 02-10-2014 11:24 AM

مش هتلاقية فى الوكالة
مية فى مية موجود فى الحرفيين

**Mecha** · 02-10-2014 12:36 PM

لو جبت اخرك و موش لاقيه هتضطر تعمل شغل كاستم
الاول مساطر الفرامل بالبوصه للقطر الداخلي و فتحات المسامير ٢ او ٣ ,هتجمع المعلومات دي وتشوف اي مسطر بنفس المقاسات من محلات قطع الغيار حتي لو هتعدل المواسير او تظبط رباطات
ممكن تشوف مجدي مراد في شارع شبرا وفيه ناس ف شارع غمره
وممكن تجرب تشتري اونلاين زي ebay