| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 6 من 6

  1. #1

    الصورة الرمزية Superbadr

    رقم العضوية : 137166

    تاريخ التسجيل : 24Mar2013

    المشاركات : 42

    النوع : ذكر

    الاقامة : الجيزة

    السيارة: لايوجد

    السيارة[2]: ibiza 2001

    الحالة : Superbadr غير متواجد حالياً

    Exclamation تجربتي مع ورشه عباد الرحمن (أيمن جولف) الحــرامي والنصــــــاب - Facebook Twitter whatsapp انشر الموضوع فى :

    hasad">

    تجربتي مع ورشه عباد الرحمن (أيمن جولف) الحــرامي والنصــــــاب
    الموضوع ده يخص كل الي عندهم عربيات الماني خاصه السيات والجولف والأسكودا
    في البدايه احب أقول لكل الموجودين كل سنه وانتو طيبين بمناسبة عيد الأضحى المبارك ويعودوا عليكم الأيام بالخير واليمن والبركات
    وأعرفكم بنفسي انا محمد بدر وعندي عربية سيات ابيزا 2001
    من شهرين تقريباً وبالتحديد بعد عيد الفطر المبارك قررت اني أشد عربيتي ...فنزلت عشان اسال عن قطع الغيار وأسعارها سواء جديد او قديم مع العلم ان المطلوب شراؤا كالتالي
    2 رفرف و 2 فانوس و أكصدام امامي بالكامل بشبكته بالعلامه بالفوجات والكسحات و أكصدام خلفي
    متستغربش بقالي سنه محطتش ايدي فيها ولسه التقيل جاي ورا
    المهم بعد اللف والبحث في الجديد والأستيراد وفي نفس الوقت بالمرة البحث عن سمكري ودوكو كويس
    لاقيت أيمن جولف الي فاتح ورشه عباد الرحمن الموجوده الشيشيني في ش اللبيني المريوطية فيصل وهو معروف جداً على فكرة
    وكان اساساً سمكري وعندوا ورشه سمكره ودوكو
    ولأسباب كتير أهمها انوا جنب البيت قررت أشتغل معاه
    المهم لاقيتوا قالي الحاجات دي هتخشلها في 2200 جنيه قولت بيني وبين نفسي "مش معقول " السعر انا شايفوا كويس بالنسبة لأسعار الحرفيين
    وكمان قالي انا عندي ورشه السمكرة بتاعتي والدوكو وكل حاجه من الأبرة للصاروخ وانا الي هسلمك العربية عالمفتاح
    وأتفقت مع الصنايعيه بتوعوا على سعر السمكرة والدوكو 1300 سمكرة و1700 دوكو قولت توكلنا على الله
    اول ما ابتدى شغل قالي الكابوت بتاعك مش نافع _مع اني متأكد انو نافع _بس قولت ماشي قالي وكمان الصدر عايز يتغير قولت مش مشكله عشان نظبط الشغل
    كام كده يا عم أيمن قالي 3000 جنيه قولت ماشي لحد دلوقتي الكلام معقول
    ندخل عالسمكره أولاً السمكري بتاعوا اسموا رضا _مقولوكوش شخصيه متقلعهاش من جزمتك_
    بخلاف المواعيد الي زي الزفت وأنوا خلص العربية في اسبوعين مع العلم انوا في البدايه قالي 4 أيام انوا كمان شغلوا زي الزفت وقليل الذوق جداً
    أول يوم روحت عشان أبص عالعربية لاقيتوا ركب الرفرفين والكابوت والصدر قولت تمام
    ببص عالصدر لاقيتوا مضروب خمسين بنطه لحام والكابوت متني ومتنيل قولت لرضا ايه الكلام ده قالي هما سلمهولي كده روحت لأيمن قوتلوا غيرلي الصدر والكابوت ده وبعد شد وجذب اصريت اني انقي الحاجه بنفسي وأخدتهم للسمكري يركبهم
    وده ان كان يدل على شيء يدل ان مفيش ضمير نهائي يعني لو سلمتلهم رقبتك هيدبحوك ويتسلو عليك _لازم تكون مفتح يا برنس_ طبعاَ رضا طلع ميتين اهلي على بال مخلص شغل السمكرة البسيط الي في العربية بس خلصنا
    تاني خازوق بقه وانا بستلم الفوانيس والفوجات عشان اسلمهم للسمكري رضا لاقيت فانوس فيهم الضوافر بتاعتوا متكسرة ومتركب ضوافر عموله والفوجات مفيهاش ضوافر من اساسوا _الضوافر هي الجزء الي بتربط فيها المسامير _ رجعتلوا قولتلوا ايه ده ياعم الحج قالي متقلقكش الواد رضا هيظبطهملك ومفيش حاجه هتبان نهائي وهيبانوا جدااااد ولو منفعوش هجيبلك غيرهم
    قولت ماشي ايه الكلام يا عم رضا : ياباشا متقلقش نهائي كلوا في السليم .......ماااااااااااااشي
    استلمت العربية كالتالي الرفارف فارقه واحد نازل على واسع والتاني نازل على ضيق و الفوانيس واحد صاحي والتاني نايم و الفوجات مركبتش اساسا و الكارتيرات ضايعه وخبطه في القائم الخارجي للباب متعدلتش٫٫٫ طبعاً ده غير الحاجات الي المفروض هتتظبط بعد الرش زي الكوالين وفرش الأبواب والمرايات وخلافه وقالي كل ده هيتظبط في الفنش بعد الدوكو يا باشا
    قولت ماااااااااااااااااشي
    نخش عالدوكو بصراحه بتاع الدوكو اسموا سيد افضلهم الي حد ما اي نعم هو طلع ميتيني برضوا في المواعيد هو كمان والحساب زود 300 جنيه عالأتفاق لكن شغلوا نضيف الى حد ما
    استلمت العربية من الدوكو روحت لرضا انجزلي بقه الحاجات الناقصه في العربية بقه قالي حاضر بكره وبكره يجيب بعدوا ويسافر البلد ويرجع ويوم يجر التاني
    رجعت لأيمن قالي سيبك منوا ده واد ابن كذا وكذا هو فاضلوا اد في حسابوا قولتلوا 300 جنيه قالي هاتهم وانا هقفلك العربيه واجيبلك كارتيرات بدل الي ضاعت قولتلوا امين يا معلم...راح نده اخوه احمد _الي ميفرقش عن رضا ميتقلعش من جزمتك_ وقالوا قفل العربية والأستاذ هيديك الشاي بتاعك قالوا ماشي وفعلاً اديتوا 100 فوق المبلغ
    يجي احمد بقه يقفل العربية الاقيه يقولي مليش دعوه بالفوانيس والفوجات والكارتيرات مش موجوده عندنا اساسا ده غير انوا كسرلي زرار كهربا المرايات ومركبش المرايات من اساساً
    طب ازاي يا عم الحاج امال انت واخد 400 جنيه ليه قالي ارجع لرضا يظبطهملك
    طبعاَ انا مش هرجع لرضا روحت لأيمن قالي تعالى بكره وبعدوا وهكذا
    المهم عدى اسبوع ورا التاني والراجل بقه بيتهرب مني وميردش عليا ولما يرد يقولي انا مش في الورشه
    زهقت وطبيت عليه وقولتلوا ركبلي الحاجات حالاً قالي بكره قولتلوا مش فاضي قالي خلاص يبقه بعد العيد قولتلوا لأ فوجاتك عندك و الكارتيرات ماخدتهاش والمرايات ركبتها بره وأشتريت الزرار بتاعها ب150 جنيه من بره و الفانوس ميلزمنيش يأما تديني حقهم اجيبهم جديد يأما تديني حاجه مكانهم قالي ولا اعرفك و أعلى ما فخيلك اركبوا
    طب ازاي كده دانت كده ناصب عليا في اكتر من 1000 جنيه تمن 1 فانوس جديد و 2 فوج و 2 كارتيره ده غير مصنعيه تركبهم
    قالي هو ده الي عندي اخدت بعضي ومشيت بعد خناقه وشتيمه وشبه اتطردت من المكان
    حالياَ الموقف واقف لحد كده بس انا اوعدكم اني ان شاء الله هاخد حقي بطريقه او اخرى
    وهقولكم انا عملت معاه ايه بالظبط
    ملخص الحوار الناس دي نصابيين ولازم تبقه حذر جداً معاهم
    بغض النظر عن الي حصل فأني على المستوى الشخصي حاولت اني أكون متعاون ومحترم معاه لدرجه ان أيمن بيه ده الي مبيعرفش يقرا ولا يكتب قالي في مره تعالى معايا هشتري عربية جديده وعايزك تكتبلي العقد فضيت نفسي مخصوص والله عشان خاطروا وكتبت العقد بخط أيديا لكن عشان قله الأصل عالكيف فالناس دي بتاكل وتنكر مع أن المعفن ده مليونير ويملك شارع تقريباً بأسموا
    بعتذر عن الأطاله وبعتذر للناس الي حذرتني من التعامل معاه لكن مسمعتش كلامها

    SEAT Ibiza 2001 1.0


  2. #2

    الصورة الرمزية EngAhmedSayed

    رقم العضوية : 58964

    تاريخ التسجيل : 15Jan2010

    المشاركات : 3,927

    النوع : ذكر

    الاقامة : سـكـــــودا فورمان 1994

    السيارة: سكـودافليشيا 1996

    السيارة[2]: سـكــــودا كومبى 1996

    دراجة بخارية: سكـــودا فابيا 2002

    الحالة : EngAhmedSayed غير متواجد حالياً

    افتراضي -

    ربنا يصبرك


  3. #3

    الصورة الرمزية Superbadr

    رقم العضوية : 137166

    تاريخ التسجيل : 24Mar2013

    المشاركات : 42

    النوع : ذكر

    الاقامة : الجيزة

    السيارة: لايوجد

    السيارة[2]: ibiza 2001

    الحالة : Superbadr غير متواجد حالياً

    افتراضي -

    الحمدلله على كل حال

    SEAT Ibiza 2001 1.0


  4. #4

    الصورة الرمزية Mr.Lawyer

    رقم العضوية : 31197

    تاريخ التسجيل : 26Jan2009

    المشاركات : 379

    النوع : ذكر

    الاقامة : Tanta

    السيارة: ............

    السيارة[2]: Opel Vectra A 2.0 Auto

    دراجة بخارية: .................

    الحالة : Mr.Lawyer غير متواجد حالياً

    افتراضي -

    ربنا يكون فى عونك ويعوضك خير ان شاء الله

    والشخص اللى اسمه ايمن دا واضح جداً انه من النوع اللى لما يمسك قرش يعمل نفسه بيه ويتنطط على الخلق وكل ما يكبر اكتر كل ما ينصب اكتر واكتر

    بس بجد لو روايتك دى صحيحه ،يبقى لازم يتعمل بلاك ليست للميكانيكه والصنايعيه الحراميه عشان نحمى باقي الاعضاء منهم بعد كدا


    [shfaf2]http://im84.gulfup.com/f11yDi.jpg[/shfaf2]
    My Love


  5. #5

    الصورة الرمزية RedBull_30

    رقم العضوية : 31719

    تاريخ التسجيل : 01Feb2009

    المشاركات : 571

    النوع : ذكر

    الاقامة : Alex

    السيارة: MG 5

    السيارة[2]: Gen2

    دراجة بخارية: no

    الحالة : RedBull_30 غير متواجد حالياً

    افتراضي -

    اقتباس المشاركة الأصلية كتبت بواسطة Mr.Lawyer مشاهدة المشاركة
    ربنا يكون فى عونك ويعوضك خير ان شاء الله

    والشخص اللى اسمه ايمن دا واضح جداً انه من النوع اللى لما يمسك قرش يعمل نفسه بيه ويتنطط على الخلق وكل ما يكبر اكتر كل ما ينصب اكتر واكتر

    بس بجد لو روايتك دى صحيحه ،يبقى لازم يتعمل بلاك ليست للميكانيكه والصنايعيه الحراميه عشان نحمى باقي الاعضاء منهم بعد كدا

    كل عام وانتم طيبين

    في البداية عنوان الموضوع هو اللي شدني ليه ولكن بعد قرائتي للموضوع مستغربتش لان ده حال كل الصنايعية في مصر ( نصب وقلة أدب وقلة قيمة ) , بالمناسبة اغلبية توكيلات السيارات في مصر نصابين فمتستغربش من المرتزقة زي اللي صاحب الموضوع بيحكي عنهم و فكرة حضرتك بالنسبة للقائمة الوداء جميلة في حالة انك عارف ناس تانية غيرهم عندها شرف و قناعه .
    في رايي ان صاحب الموضوع غلطان بانه يدخل عربيته تتشد في مكان واحد .
    قدر الله الله وما شاء فعل . وكن على يقين لو اخد منك جنيه زيادة بدون رضاك فهيرجعلك باذن الله .
    الله هو الحكم العدل .


  6. #6

    الصورة الرمزية Superbadr

    رقم العضوية : 137166

    تاريخ التسجيل : 24Mar2013

    المشاركات : 42

    النوع : ذكر

    الاقامة : الجيزة

    السيارة: لايوجد

    السيارة[2]: ibiza 2001

    الحالة : Superbadr غير متواجد حالياً

    افتراضي -

    hasad">

    انا معاك يا بشمهندس اني انا الغلطان
    ولكن
    هو انا الغلطان لأني بتعامل مع الناس بحسن نيه
    ولا انا غلطان لأني مشتغلتش سمكري وميكانيكي وكهربائي قبل ما أشتري العربية

    مفيش كلام بجد انا غلطان لكني مقدرش اتعامل مع كل الصنايعية انهم حراميه ونصابيين من غير معرفهم
    والحمد لله الواحد مبيعلمش ببلاش بس ان شاء الله جاري السعي ورا حقي
    وان شاء الله مش هيروح هدر
    وشكراً لكل واحد ساهم بكلمه أو فكرة أو دعاء

    SEAT Ibiza 2001 1.0



 

المواضيع المتشابهه

  1. مشاركات: 3
    آخر مشاركة: 17-10-2014, 11:13 PM
  2. مشاركات: 19
    آخر مشاركة: 15-10-2014, 10:05 AM
  3. مشاركات: 0
    آخر مشاركة: 02-10-2014, 12:05 PM
  4. مشاركات: 9
    آخر مشاركة: 27-04-2014, 02:27 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2