نقلات فتيس الريو فيها مشكلة

**mhkorayem** · 03-10-2014 09:48 PM

المشاركة الأصلية كتبت بواسطة smalltoto10

انا فصلت البطارية نص ساعه و جربت العربية تاني ف نفس ظروف التشغيل وع نفس الطريق ونفس دوسة البنزين والحمد لله العربية ناعمه ومفيش اى مشاكل ,, شكلها كانت عين وراحت

عندي استفسار بقا بخصوص التكييف اول ما بشغل مروحة التكييف زرار الـ ac بينور لوحده ولو عاوز اقفله مش يبتقفل يعني مينفعش اشغل مروحه بس وكمان زرار الهوا من برا العربية بيقفل ويقوم ينور زرار الهوا داخل العربية فقط , هل ديه حركة من الوكيل ولا كدا فى حاجه , معلش عاوز اطمن اعذروني

بخصوص مشكله الفتيس اعتقد ان ممكن تكون لسه بس محتاج تتعود على الدواسة الكهربا أنا برضوا مكنتش متقبل الموضوع في الاول مجرد تريح رجلك عن الدواسه ثانيه تلاقي العربيه بتكن معاك
بالنسبة للتكييف لما بتبقى عامل اول بكره على اليمين على الـ Max مبتشتغلش غير تكييف
لو عاوز تشغل مروحه بس من غير التكييف حرك البكره عن الـ Max خليها على البارد ساعتها زرار التكيف لما تدوس عليه هيفصل وتشتغل مروحه بس
ولما تدوس زرار تغير الهوا الداخل من خارج العربيه هيشتغل عادي

ياباشا اتبسط بالعربيه ومبروك عليك وربنا يديك خيرها ويكفيك شرها

**smalltoto10** · 03-10-2014 11:06 PM

ربنا يكرمك يا غالي

**smalltoto10** · 15-10-2014 07:35 PM

يجماعة المشكلة لسه موجوده وحصلت اكتر من مرة مؤخرا

ابقا ماشي ع الd الاقي والعربية اخده تالت ع سرعة 50 وفاجئه الاقي العربية بتنتش جامد أكنها هتنزل للتاني ومتنزلش والاربي ام يفضل يلعب جامد من 2 لـ 3 ورجلي خفيفة ع البنزين اساسا المفروض امشي ع التالت ومتعملش كيك ولو زودت بنزين او خففت بنزين بتنفضل موجوده شوية , بس لما اقلب الفتيس ستيب ترونيك الاقي الشاشة قدامي ع 3 والعربية تمشي مستريح ع ار بي ام 2 من غير تقطيع وارجع للتاني او اطلع للرابع من غير مشاكل

انا حجزت صيانة الف و قلتلهم ف التلفون على مشكلة الفتييس بس لسه الصيانة بعد 11 يوم

لو حد عنده معلومه يا ريت يفديني

**fadymohsen** · 16-10-2014 10:39 AM

المشاركة الأصلية كتبت بواسطة mohab555

بص هى ممكن علشان الدواسه كهرباء وانت بتقل رجلك من غير ما تحس و الدواسه حساسه بيحصل القصه دى .. لو عاوز تطمن افصل كابل البطارية نص ساعه وركبه تانى كل كنترولات العربيه هتعمل ريسيت
واى سؤال تانى تحت امرك

لو سمحت يا استاز مهاب كنت عايز اسال يعني اية كيك داون
وشكرا

**tarek mattouk** · 17-10-2014 12:55 AM

بالنسبة للتكييف .. بسيطة طول م انت عامل شدة البرودة علي AC max . مش هيطفي ..لو قللتها اي درجة هيطفي و يشتغل معاك مروحه عادي ..

ونصيحة اكشف علي السوفت وير عشان الفتيس وانت ف التوكيل ممكن تكون حاجة بسيطة جدا .. و الف مبرووك

**john55** · 17-10-2014 10:00 PM

ممكن من طريقه السواقه انا عربيتي كانت بتعمل كدا اكسنت2012 ورحت التوكيل وكشف عليه بجهاز مطلعش اي ايرور وكانت العربيه لسه مكملتش 500كيلو الحل خلي رجلك تكون تقيله سته علي بدال البنزين وجرب هتفرق كتير وشكرا

**moryomar** · 18-10-2014 11:51 PM

باشا بالنسبة للتكيف لو عاوز تفتح البوابة ممكن بس تقلل درجة البرودة درجة واحدة على الاقل
ده هيسمحلك تقفل وتفتح البوابة وتفصل ال ac كمان
يعنى متخليش بكرة درجة التبريد على max
قللها درجة

**smalltoto10** · 20-10-2014 10:25 AM

المشاركة الأصلية كتبت بواسطة john55

ممكن من طريقه السواقه انا عربيتي كانت بتعمل كدا اكسنت2012 ورحت التوكيل وكشف عليه بجهاز مطلعش اي ايرور وكانت العربيه لسه مكملتش 500كيلو الحل خلي رجلك تكون تقيله سته علي بدال البنزين وجرب هتفرق كتير وشكرا

بس ده مش حل افرض عاوز اسوقها بطريقة اقتصادية

**john55** · 20-10-2014 12:03 PM

المشكله عندي كنت بسند رجلي علي بدال البنزين وانا طالع بلعربيه من الاول للتاني فبحس بنتشه في الفتيتس وتحس انه معلق مابين الاتنين عايز يرجع للاول وعايز يطلع للغيار التاني ولو مشغل التكييف بتبان اكتر فرحت ساعتها التوكيل وكشف علي الفتيس ملقاش اي ايرور فعودت نفسي علي كدا ان تكون رجلي تقيله سنه بسيطه بدل ماكنت بسندها علي البدال ومبقتش تنتش مني ممكان البدال الكهربائي له حساسيه زياده عن العادي وشكرا