هل ينفع مع بنزين 92 ؟؟
هل ينفع مع بنزين 92 ؟؟
انا مش مستوعب ياريت التوضيح علشان انا مش فاهم لما هو هيدوب في البنزين هيعمل اية ولو كدة دا بياثر على البنزين يعني الواحد يحط بنزين 92 بقى وانا جربت كدة الواحد يغير الفلتر بتاع البنزين ابو 5 جنية ويفول 92 بعد اول تفويلة هيلاقي تحسن في عزم العربية وسحبها بس الكلام دة في 128
ايه الاخبار لسة بتحطو نافتلين..........
الموضوع جيه على بالى فقلت ابص اشوف ايه الاخبار والناس كاتبة ايه..........
انا هاجرب الموضوع النهاردة وهارد عليكم ..........
كان فيه موضوعات تانية هنا كتير
اتكلمت عن خطورته وخطورته تكمن في حاجتين
العادم بيكون مسرطن للرئة وبيضر الناس و البيئة جدا
بيتلف الموتور ، وحصل مع اخ هنا واتكلم انه جربها في عربيتين والعربيتين عملوا عمرة و فك الموتورين لقاهم مخرمين من جوة بمعنى الكلمة
شكرا ليييييييييييييييييك
اتكلمت عن خطورته وخطورته تكمن في حاجتين
العادم بيكون مسرطن للرئة وبيضر الناس و البيئة جدا
بيتلف الموتور ، وحصل مع اخ هنا واتكلم انه جربها في عربيتين والعربيتين عملوا عمرة و فك الموتورين لقاهم مخرمين من جوة بمعنى الكلمة[/quote]
انا جربته لمدة سنتين بصراحة
بس لما عرفت انه بيضر الناس فى الشارع عن طريق العادم بطلت استخدمه نهائى
لا ضرر ولا ضرار
معلش كلام غير مقنع تماما وليس له اى سند و اوهام و الله اوهام
في ناس بتحط اسيتون نقي
مش عارف بس مش مقتنع بالتجربة ده وحاسس ان على المدى البعيد بتنهي عمر الماتور والله اعلم.......
تحذير
هذة التجربة خطيرة وبشدة على الماتور وتجعل اجزاء الماتور كانها مصفاه لما يحتوى التفاعل على مواد خطيرة وبشدة على اجزاء الماتور سواء اكان قديما ام جديدا
وهذا للعلم
طب ما هما بيقولو فى نوعين :)
المستورد و دة الوحش عشان داخل فى تركيبة مية نار
و المصرى الى هوا نفتلين نقى!
حتى الان لم اجرب :)
أنا مسمعتش عنه الصراحه ولا قريت عنه فى أى مراجعاقتباس:
بعدها بقى محتاجين نعرف من مهندسين الميكا نيكا تأثير هذا المركب أو المكون الجديد على غرفة الإحتراق بالمحرك ...
هو بس اللى أفتكره
أن جدتى كانت قالتلى
أن النفتالين لعلاج عتة الملابس ( اللى حتخزنها )
فجايز كده
يكون النفتالين بيحافظ على المكنه من العته
زى مابيحافظ على الملابس من العته
والصراحه أنا بأصدق جدتى
فى كل اللى قالتهولى عن الملابس والنفتالين والعته
بس طبعا هى مجبتش سيرة المكنه والنفتالين والعته
متابع ______-
حد عمره شاف نفتالين سائل؟؟؟؟
اكيد لا
ليه
لان النفتالين عمره ما بيمر بمرحله السيوله
النفتالين كيميائيا بيتسامي
يعني بيتحول من الحاله الصلبه للحاله الغازيه بدون المرور بمرحله السيوله
يعني مش بيدوب اصلا
فاكيد ان الي بيتفاعل مع البنزين هو حاجه تانيه داخله في تركيب الكوره بتاعه النفتالين
وفي كل الاحوال زي ما كريم قال
التجربه دي خطره جدا
كفاية الغازات السامة على الناس والاطفال اللى فى الشارع
انا حطيته في تانك مكنه توليد كهربا عندي في المحل واتوصيت شويه للتجربه .طبعا المكنه كربراتير وسنجل سيلندر ..ماحصلش اي حاجه لافي صوت المكنه ولا في شده التيار الخارج منها ,اعتقد ان اضافته مجرد اشتغاله .
والله انا احترت نحط نفتالين ولا منحطش
اللى جرب لفتره طويله ياريت يقولنا نتيجه التجربه ايه
حط لا ماتحطش......ياناس لوعند السيد العضو صاحب الاقتراح انه يضحى بشوية من وقتة ويجلب سيارتة لأحد الجهابذة هنا ويجرى التجربة امامه لخلعنا جميعنا القبعات له وسجل باسمه كبراءة احتراع هنا بالمنتدى.....ياه بطنى وجعتنى من كتر النفتالين
هى بقت كدة
خلاص انسوا الموضوع
انا بقالى حوالى سنتين انا استعمل الطريقة دى وهى شغالة زى الفل معى
الى عاوز يجربها يجربها والى مش عاوز يرحمنى بقى من تعليقاتة البايخة
__________________
العضو الفاضل والساده الأعضاء
المتابعين لهذا الموضوع
يرجى التحلى بالهدوء وعدم التعصب
أثناء تصفح هذا الموضوع
فلقد وضحت جميع وجهات النظر
وللقارىء أتباع مايراه منطقيا
مشرف القسم التعليمى
انا شايف ان فى ناس متحاملة على صاحب الموضوع وماسكينة تريقة ودة مايصحش يعنى مش لو الموضوع طلع صح كان زمانة..ولا ايه
انا اللى اعرفة ان "البينة على من ادعى"...
انا لما بعمل حاجة و حد يسالنى "هى فرقت كتير" او "حسيت بتغيير" مبرغيش كتير.... بديلة مفتاح عربيتى و اقولة "جرب"
اعتقد هى دى الطريقة الصح لاثبات فاعلية اى تعديل او منتج او اضافة... غير كدة يبقى الموضوع تضييع وقت
MMamdouh
طيب لو جربتاقتباس:
انا لما بعمل حاجة و حد يسالنى "هى فرقت كتير" او "حسيت بتغيير" مبرغيش كتير.... بديلة مفتاح عربيتى و اقولة "جرب"
موضوع النفتالين ده
أبقى قوللى .....
علشان أبقى أخد منك المفتاح وأجرب
قبل ما أنفذ عندى
انا جربت الموضوع ده يا جماعة وكنت بحط بنزين 80 على النفتالين وكنت بحط 2 كورة على التنك وساعات 3 كور نفتالين وفضلت على كده سنة ونص وكان الموتور و السحب اكنى حاطط 90 ده حقيقى وكنت بحس بالفرق لما احط 80 بس من غير نفتالين.
بس لما عرفت انه بيخرج غازات سامة بتضر الناس فى الشارع بطلت استخدمه
لكن بيفرق اه
بيضر الموتور لاء
وكنت بحط 80 لانى كانت مشاويرى كتير وبلف كتير يعنى بعدى 100 كم فى اليوم الواحد والموتور ولا الهوا
حلواقتباس:
انا جربت الموضوع ده يا جماعة وكنت بحط بنزين 80 على النفتالين وكنت بحط 2 كورة على التنك وساعات 3 كور نفتالين وفضلت على كده سنة ونص وكان الموتور و السحب اكنى حاطط 90 ده حقيقى وكنت بحس بالفرق لما احط 80 بس من غير نفتالين.
وكنت بتنفذ الطريقه أزاى
الحبيتن مع بعض ...وقبل التموين ولا بعد التموين
زى نظام الدكاتره كده
يعنى الحبوب قبل الأكل ولا بعده
على أساس الحبوب ( هى النفتالين )
والأكل .......هو تموين البنزين
والله كتر خيرك ....أنك خفت على الناس من الغازات السامهاقتباس:
بس لما عرفت انه بيخرج غازات سامة بتضر الناس فى الشارع بطلت استخدمه
علما بأن الجو كله مليان غازات سامه
وبنشوف عربيات مفوته كتير وغير مطابقه للمواصفات البيئيه
أنا بأشوف عربيات كتير
بطلع دخان وهى ماشيه
ولا كأنها عربيات بطاطا
بتهيالي دي كدا خلاصة الموضوع
Effects of Adding Moth Balls to Fuel | eHow.com
_____________________________
انا جربت الموضوع ده فعلى بيخلى صوت العربية انعم تجميعها اسرع عزمها حلو بس موش بيحسن استهلاك البنزين فى حاجة
وبالنسبة لاخونا اللى بيقول ان موتوره باظ على حسب ما اتذكر انو كان بيحط كميه وكمان لاما بيحب يشد كان بينزل يحط فى التنك وينطط العربية جامد علشان يضمن انو داب واسف لو كانت الذاكرة بتخونى بس تخيلو واحد راح مفول 80 وبعدين عمل نفس العملية دى بس مع الاوكتان بوستر يعنى جاب 3 او 4 ازايز وراح مفضيهم على التفويله متهيألى هيبقى فى ضرر حتى على المدى البعيد
يعنى كل شئ زاد عن حده اتقلب لضده
ده غير ان فى عربيات كتيره من القديمه اساسا الاوكتان بتاعها 85 موش 80 زى السيات الاسبانى مثلا يعنى العربيات دى لو فولت 80 موش هاتبقى مطلعه قدرتها بالكامل وبالتالي بيحس بفرق ونعومه لما يحط 90 او اضافات
والله اعلم
الموقع بيقول (على فكرة الموقع ده ثقة) بيقول تستخدم من خمسه لثمانية كور شرط انها تكون نفثالين لان لو زودت العدد كثير هيعمل كربون يترسب في المحرك ويقلل كفائته بس مذكرش الخمس كور لثمانية على التفويله ولا ايه
ويقول ان ده من المقويات الطبيعية
والغريب ان الشركات اللي تصنع محسنات الاداء وبتبيعه بالثمن الغالي معمول في الاصل من النفتالين ههههههههه
لكن بعض الدراسات اظهرت انه مبحسنش الاداء وممكن يضعفه
بيتهيألأي الفكرة لو اتجربت وجابت نتايج كويسة يبقى اكيد مش ضاره
ومعرفش سموم ايه اللي يطلعها النفثالين مع العادم
هاجربها ان شاء الله
بس منين اشتري كور النفتالين ؟؟؟؟
موقع eHow كاتب ان فيه نوع تاني للحماية من حشرة البق غير النفتالين لو اتحط على تفويلة البنزين يحولها لمصفاه زي ما بتقولوا
المركب ده اسمه paradichlorobenzene لانه بيطلع مادة الكلور اللي هي بتدمر الموتور
لكن النفتالين النقي ما بيعملش كده يعني النفتالين مظلوم في قصة انه يدمر الموتور ويخرمه
يعني لو جربت لمل تسأل على دوا العته تقرا اللي مكتوب عليه تأكد ان المركب نفتالين وليس المركب الكلوريدي الاخر
الشركات اللي بتصنع مركبات لتحسين الاوكتان وبترفع درجته بتصنعه اساسا من النفتالين
وادي اللي كتبه الموقع
Corrosion
Certain types of mothballs will boost octane performance simply because they burn. Using any type of mothball other than naphthalene, such as paradichlorobenzene, actually does quite a bit of damage to an motor. Paradichlorobenzene breaks down into chloride which, according to Argonne National Laboratory, corrodes the inside of an engine. Naphthalene mothballs have also become much less prevalent in the last few decades, which can lead to a greater risk of accidentally using the wrong mothball.
eHow.com
معلومة تانية من البحث عن الموضوع
النفتالين اخره يوصل الرقم الاوكتاني ل 90
يعني ينفع مع ال 80 بس