حادثه بالنيسان وtotal loss
السلام عليكم ورحمه الله وبركاته
كل سنه والجميع بخير وعيد اضحى سعيد علينا كلنا
من اسبوع عملت حادثه بعربيتى نيسان صنى الشكل الجديد 2013 عربيه نقل دخلت فيه على مطب فى طريق الواحات وعملت تلفيات عنيفه بالعربيه من الخلف الشنطه والكنبه الخلفيه بقوا حته واحدة
عملت محضر ونقلت العربيه لنيسان اوتو ايجيبت ابو رواش
والنهاردة اخدت مقايسه الاصلاح لقيتها رقم عالى جدا
89 الف جنيه مع العلم ان العربيه ماتلمسيتش من النص الامامى وسليمه موتور وكل حاجه ال اتبهدل فيها النص الخلفى
ورحت بالاوراق لمصر للتامين طلعت حرب لقيتهم بيتكلموا حيبعتوا خبير بعد العيد يشوف يكهن العربيه ولا يصلحها
افيدونا افادكم الله حد عنده فكرة حيحصل ايه بعد كدة والدنيا بتمشى ازاى وعادة مصر للتامين بتعمل ايه بعد كدة
وكل سنه وانتم طيبين