-
نور صالون السيراتو 2015
موضوع محيرني من ساعه ماجبت العربيه
نور الصالون عندي مافيهوش زرار لفصله ...يعني اي عربيه بيبقي فيها زرار ب 3 اتجاهات..تشغل النور مع الابواب..تشغيل النور بصوره دائمه وفصل النور تماما انما عندي النور بيبقي شغال اوتو علي طول مع اﻻبواب والريموت ومافيش غير زرار واحد ممكن تدوس عليه علشان يشتغل دائم..انما لو حبيت افصله اعمل ايه؟؟؟؟
الهاي ﻻين او الفئه اللي بفتحه سقف دي اللي بيبقي فيها وحده التحكم ودي مش عندي ومكانها فاضي
الحل ايه
-
-
السلام عليكم ورحمة الله وبركاتة
عيد اضحى سعيد علينا وعليكما يا رب
بخصوص موضوع نور الصالون فعلا انا عندى يوجد وحدة التحكم علشان انا عندى فتحة سقف ممكن اخلية اوتوا او مغلق على طول او مفتوح على طول
اعتقد عندك يا اما يكون اوتوا او مفتوح على طول
او ممكن تشوف كدة فى شاشة التحكم اللى فى التابلوة دى فيها اوبش للتحكم فى نور الصالون لو ملقتش يبقى لا اعتقد انة يوجد سوى الاختياران السابقان وشكرا
ممكن بقى لو انت مش عاوز نور الصالون خالص شيل اللمبة وريح دماغك
-
هو تقريبا يا اما اوتو او مفتوح علي طول
انا مش عايز اشيل النور خالص بس بصراحه اول مره اشوف عربيه بدون الحكايه دي...
-
فعلا النور يا اما اوتو مع الباب او مفتوح على طوول ، و خد بالك لو عامله مفتوح على طوول و طفيت العربية هايفضل منور على طوول ، مش زي الانوار الخارجية بتطفي بعد دقيقة
لو مش عايزه خالص شيل اللمبة و خلاص لأن مافيش في الزرار اغلاق
-
مافتكرش حد يستغني عن نور الصالون.. الأفضل تخليه على الاوتو ووقت ماتحتاجه شغله يدوي وبعدين رجعه تاني أوتو
-
انا مستغرب جدا و معرفش ازاي ده ممكن يكون بيحصل
انا عندي الثلاث اختيارات: مقفول على طول او مفتوح على طول او اوتو
وعربيتي تاني فئة وكيل
هل ممكن تصور الزرار بتاع النور؟؟
Content Relevant URLs by
vBSEO 3.6.0 PL2