النهاردة الحمد لله طلعت الرخصة بس بعد ما روحت لاقيت مكتوب
تاريخ الاصدار 2/10/2014 وتاريخ نهاية الترخيص 1/11/2014 فهل من المعقول ان الرخصة هتتجدد بعد شهر ولا دى غلطة مطبعية واعمل اية افادكم الله
عرض للطباعة
النهاردة الحمد لله طلعت الرخصة بس بعد ما روحت لاقيت مكتوب
تاريخ الاصدار 2/10/2014 وتاريخ نهاية الترخيص 1/11/2014 فهل من المعقول ان الرخصة هتتجدد بعد شهر ولا دى غلطة مطبعية واعمل اية افادكم الله
لا غلطة مطبعية يا باشا و لازم تروح تتغير
غلطه طبعا
المفروض تنتهى 2024
ممكن ترجعلهم يعدلوها
انا بشكركم على ردكم السريع بس لو رحتلهم هيصلحوها على طول ولا هيطلبو ورق وحجات تانى ولا ممكن امشى بيها كدة وخلاص
هو قبل كدة حصل مع اخويا فى مرور الدقهليه غلطه وكانت فى رخصه السيارة ولما اخد باله ( فى نفس اليوم والساعه ) راح لنفس الموظف وبين له الغلطه و صلحهاله بإصدار واحدة تانيه فى ربع ساعه بعد مراجعه الاوراق . انت حاول ولو ما نفعش الموظف ادخل لاى ضابط او مدير المرور نفسه وربنا معاك .
انا بشكركم علي ردكم وكل سنة ؤانتم طيبين
روح نفس المكان اللى طلعتها منه وكلم الموظف حيدفعك 8 جنية مش عارف بتاعة ايه ويعملك واحدة جديدة
وبلاش موضوع ان يحاول يعدله بالقلم لانك أكيد مستلمها متغلفة ولو حاول يفك التغليف ويعدل التاريخ حيبقى شكل الرخصة أكنها مضروبة
متشكر وان شاء الله هروح بعد العيد
يا جماعة النهاردة واحد صاحبى شاف الرخصة قال دى مش رخصة دا تصريح قيادة لمدة شهر انت كده اكنك معملتش حاجة فى اخر الشهر لازم تروح تعمل رخصة من الاول وتعيد كل حاجة تانى بصراحة انا محبط من الصبح ومش عارف اعمل اية وازاى اروح اطلع رخصة يطلع تصريح انا مش فاهم حاجة ياريت اللى فاهم يفهمنى
هاروح ان شاء الله
يا سيدي اللي معاك ده عباره عن تصريح مؤقت ..وده بيكون ليه سبب ..يعني هما أدوك التصريح ده ومدوكش رخصه بسبب ..زي إن الشبكه واقعه بتاعة الكمبيوتر ..زي إن النور قاطع وهما عايزين يمشوا الناس ..زي إن العيد داخل والموظفين مأنتخين ومحدش بيروح الأسبوع اللي قبل العيد فبيقضوها تصاريح مؤقته ..حضرتك هتروح في التاريخ اللي مكتوب في التصريح ..زي الباشا ..هتسلم التصريح اللي معاك ..هتستلم رخصه جديده ..آه ..كل اللي هيطلبوه منك إنك تدخل تتصور
كلامي عن تجربه ..رحت أطلع رخصه في شهر 5 سنة 2011 ..طبعا كانت لسه 25 يناير مبقالهاش كام شهر وكل إدارات المرور بكمبيوتراتهم بحواراتهم محروقه ومفيش حاجه سليمه ..أخدت تصريح عبارة عن ورقه كرتون كده لمدة ثلاثة شهور ..رحت بعد التلات شهور ..إتصورت ..إستلمت ..روحت ..على فكره ..لو اللي معاك ده ملوش قيمه زي صاحبك ما قالك ..مكانش إداك حاجه اصلا ..وكان إكتفى إنه يديك ميعاد شفهي كده ويقوم كاتبه على الملف بتاعك في المرور ..قققققبل ما أنسى ..هتلاقي سبب منح التصريح ده مكتوب على التصريح نفسه ..دور هتلاقيه مكتوب بخط الرجل ..بس هتلاقيه وحاول تقراه ..هتلاقي مكتوب إنقطاع تيار ..عطل بالحاسب ..أهو حاجه شبه كده
انا رحت النهارده والحمد لله اتضح انها غلطه من موظف الكومبيوتر واصلحها واستلمت رخصة جديدة لمدة عشر سنوات وانا باشكركم جدا ودا عشمي فيكم وقولولي مبروك:10D5C8w1107: