هل يوجد فروق بين باسات 2006 و 2007 و 2008 و 2009 من حيث الموتور و الفتيس ؟؟
بنزين 92 هيعمل مشاكل على المدى القريب و لا البعيد عن 250 الف كيلو مثلا ؟؟
عرض للطباعة
هل يوجد فروق بين باسات 2006 و 2007 و 2008 و 2009 من حيث الموتور و الفتيس ؟؟
بنزين 92 هيعمل مشاكل على المدى القريب و لا البعيد عن 250 الف كيلو مثلا ؟؟
علي حد علمي الموتور الtsi بيقبل بنزين 92 أما الموتور الfsi يعمل ببنزين 95 ... شوف مكتوب ايه علي الشنطه tsi والا fsi
استخدام بنزين 92 مع مواتير الfsi يؤثر عليها و بالأحري يدمرها تماما بعد 40000كم
بص ياباشا الباسات b6 أو الموديل بتاع 2006-2011 نزلت مصر بتلات مواتير ال mpi وده زي بتاع الجيتا والاوكتافيا A5 والجولف 5 وده بيشتغل 92 عادي جدا من غير اي مشاكل لأنه مصمم انه يشتغل على بنزين 91-95 وده موجود في موديل 2006 وفي 2006 نزلت برضه بال fsi وده موتور محترم بس لازم 95 علشان نسبه انضغاطه عاليه 1:12 فلازم 95 ال92 لو شديت على الموتور تلاقيه يسقف منك وطبعا مشكله التسقيف بتقصر عمر الموتور اوى والموتور ال fsi نزل لغايه 2009 اول السنه لأن في 2009 نزل ال Tsi وده موتور معجزه بجد لأنه 1400 وبيطلع 122حصان في الباسات ووصل إلى 160 حصان في الشيروكو والجيتا الأمريكي وبيشتغل 92 لأن نسبه انضغاطه 1:10 فمفيش مشاكل مع البنزين معاه بس المشكله في الباسات ال Tsi أنها كانت أول دفع تنزل بفتيس dsg وكان لعنه ساعتها دلوقتي اتحسن في الموديلات الجديده بس السمعه موجوده بالنسبه أن ازاي تفرق بين المواتير دي هتتفتح الكبوت هتلاقى غطا فبر على الموتور اللي مكتوب عليه 1.6 بس يبقى mpi وهتلاقي شكل الموتور شبه موتور الجيتا والاوكتافيا لو شفتهم ولو لاقيت الغطا الفبر مكتوب عليه 1.6 fsi يبقى ده الموتور ال fsi والموتور ال Tsi هتلاقيه صغير ومكتوب عليه tsi على غطا التاكيهات مباشره مالوش غطا فبر على الموتور وبالنسبه للموتور ال mpi وال fsi دول فتيس القديم ال6 نقلات الاوتو العادي والtsi فتيسها dsg ويارب تكون وصلتك الصوره كامله وأي استفسار انا تحت أمرك