مساعده ارجوكوا في سيات ليون ٢٠١١

**Sikapirates86** · 03-10-2014 12:15 AM

ياجدعان انا قدامي سيات ليون ٢٠١١ حاله نضيفه جدا بس الناس بتقلقني من الفتيس بتاعها وقطع غيارها نار مع العلم انا كنت راكب اوبل ٢٠٠٣ يعني الماني فبيقولوا قطع غيارها اغلي من الالماني ومش موجوده والاهم كمان هو حكايه الفتيس دي حد يفدني ارجوكم

**adel1212** · 03-10-2014 01:16 AM

للاسف كلام الناس صحيح
و كان حلمي فى يوم من الايام امتلك ابيزا ام ليون
تحياتي

**Sikapirates86** · 03-10-2014 12:39 PM

يعنى مجبهاش ولا افكر فيها ؟؟؟؟؟؟؟؟؟؟؟؟؟؟؟؟؟؟؟

**adel1212** · 03-10-2014 10:04 PM

بعقلي ااقولك ابعد بعيد بعيد
بقلبى اقولك عربية اكتر من رائعة فعلا
الموضوع محير جدا بس امشي مع التيار و خليك مع المضمون
تحياتي

**عبد الرحمن اسامه** · 04-10-2014 02:30 PM

انا ببيع ليون ٢٠٠٩ مانيوال
مواصفات خليجي
كل الصيانه في التوكيل
حالتها احسن من سيارات ٢٠١١ كتير

القي نظره هنا
https://egypt.dubizzle.com/ar/cairo/...UmcGFnZT0xMg==

**hossamalsadik** · 04-10-2014 07:08 PM

المشاركة الأصلية كتبت بواسطة عبد الرحمن اسامه

انا ببيع ليون ٢٠٠٩ مانيوال
مواصفات خليجي
كل الصيانه في التوكيل
حالتها احسن من سيارات ٢٠١١ كتير

القي نظره هنا
https://egypt.dubizzle.com/ar/cairo/...umcgfnzt0xmg==

بسم الله ماشاء الله
عربيه جميله ، الليون من العربيات الرائعة
ربنا يحسنلك سوقها
بالتوفيق

**Sikapirates86** · 05-10-2014 01:24 AM

مشكوررر بس للاسف انا مش عايز مانيوال

**Sikapirates86** · 05-10-2014 01:26 AM

المشاركة الأصلية كتبت بواسطة sala7

عربيه ممتازه .. انا بعز الليون جدا
لو الفتيس خرب ... تروح تسقط ماكينه جيتا 2000cc بفتيس مايكورترونك او ستبتورونك زي ما بيقولوا
الاقتراح ده بقولهولك لو انت هاوي وركيب عربيات و في نفس الوقت الحاله الماديه تسمح
علشان ماتجيش تدعي عليا .. غير كدا ابعد و ريح بالك

انا من الناس اللي خراب الفتيس ولا بيجي على بالها اساسا .. عربيه زي دي بتسرفس في معادها و نضيفه زي ما الكتاب بيقول هنزل انفذ فيها وش
اهم حاجه اركب و انبسط حتى لو هنبسط لمده ساعه .
ناس كتيره اشتكت .. و ناس عانت و ناس بتقول من الزحمه و ناس بتقول الطرق و ناس بتقول بيسخن و ناس بتقول عندو اسهال ( بهزر طبعا )
موضوع الفتيس على فكره مالوش علاقه بالزحمه ولا له علاقه بالجري و لا له علاقه بالطريق او نوع القياده
الفتيس اساسا متصنع بمشاكله ..... و مع ذلك فيه ناس بتشتري و تركب عادي

النصيحه الوحيده اللي هنصحهالك بعد كل ده ... الصنايعيه في مصر معظمهم مابيفهمش ميكانيكا
و حط تحت ما بيفهمش دي خطين ....
لك حريه الاختيار يا صديقي

يعني اجبها ولا لا انا هصرف الي ورايا والي قدامي عايز سنه مصرفش عليها غير المصاريف العاديه اخوك محتااااااار ؛-)

**mohamed eladawy** · 08-10-2014 04:57 AM

انا الحمد لله معايا ليون 2010 مانيوال من الزيرو و عملت حادث من الخلف تيوتا كورولا خبططها مش هحكيلك ايه اللي حصل في التيوتا ادمرت تماما وايربجات ومكنه وحاجات كتير الحمد لله الليون اكصدام وعلبه الشكمان والمنطقه اللي تحت الاكصدام فقط كله بعد كده ولا اي حاجه وجبت الاكصدام 2600 من الوكيل وهيا عامله 80000 صيانتها في التوكيل مش بتكلفني اي حاجه تيل فرامل 360 في التوكيل وبيعمل 30000 كم ويتغير توكيل سيات القديم فوق الممتاز.... وجبت ابيزا 2013 زيرو نفس النظام قطع غيار اسعارها ممتازه اقتصاديه في البنزين هيا والليون... اوتوماتك ولا اي حاجه عامل بيها الحمد لله 50000كم لو محتاج اي مساعده

-

الموضوع: مساعده ارجوكوا في سيات ليون ٢٠١١

LinkBack

أدوات الموضوع

عرض

-

-

-

-

المواضيع المتشابهه

سيات ليون الفئة التانية ولا سيات توليدو هاي لاين ولا سوبارو امبريزا و كلهم ٢٠١٤

سيات ألتيا ٢٠١١ SEAT Altea XL 2011

طلب مساعده فى تسعير ياريس بسرعه ارجوكوا

سيات ليون!!!!!!!!!!!!!

سيات ليون

الكلمات الدلالية لهذا الموضوع

المفضلات

المفضلات

ضوابط المشاركة