السلام عليكم
يا جماعه عاوز نصايحكوا ضروري محتار بين مرسيدس C180 افنجارد و BMW 316 LUXUY الاتنين زيرو و 2015، انا بس كنت سامع مشكله المرسيدس انها 95 و ان شاء الله مش مشكله بالنسبالي عشان لو برضوا جبت الbmw هاحتلها ٩٥.
عرض للطباعة
السلام عليكم
يا جماعه عاوز نصايحكوا ضروري محتار بين مرسيدس C180 افنجارد و BMW 316 LUXUY الاتنين زيرو و 2015، انا بس كنت سامع مشكله المرسيدس انها 95 و ان شاء الله مش مشكله بالنسبالي عشان لو برضوا جبت الbmw هاحتلها ٩٥.
بص يا باشا أنا لسة مجرب الاتنين الأسبوع اللي فات و بصراحة حاسس إن بي ام أحسن و لكن لأني شاب و بحب الشد و الجري ... بصراحة كدة لو عايز حاجة تخرب بيها الدنيا سرعة و شد و جري يبقي بي ام و لو عايز حاجة تبقي مرتاح فيها و انت سايقها يبقي c180
C180 وش ياباشا مع أحترامنا الشديد لل bm
المشكلة أن الأتنين حلوين بس أنا عن نفسي أخترت c180 علي أساس أنها شكل جديد ورفاهية وتكنولوجيا عاليه ،
ومن الأخر عربيه بجد
بالتوفيق إن شاء الله
شوف متطلباتك شكل شبابي وشد وسرعة وثبات عالي جداً بس بكماليات قليله (كماليات 316 فقيرة بعض الشئ) يبقى BMW
انما مش بتاع جري وعايز تمشي على الطريق مش حاسس بأي حاجة يعني تبقى مرتاح اكتر يبقى المرسيدس ومعرفش اي كماليات المرسيدس للاسف :)
لكن الاتنين فخامة وشكل وتقفيل وكلام من ده اللي بيفرق مابينهم سرعة وثبات واداء رياضي هتبقى BMW انما عايز متحسش بالطريق وتبقى قاعد مرتاح مع المطبات يبقى مرسيدس
التكنولوجي في الأتنين عاليين وفي BMW أعلى عارف ليه ؟؟؟؟
هقولك حاجة بسيطة الفتيس !!! عندك في C180 فتيس 7 سرعات G-Tronic تمام ؟؟؟
تعالا في 316 هتلاقي فتيس 8 سرعات ZF !!! وكفاية حتى شكل الفتيس ده :b04:
وده طبعاً هيديلك استهلاك بنزين اقل .... الخ وكل الكلام اللي عارفينه لكن التكنولوجي في الأتنين تكاد تكون واحدة لان الفروق بينهم مش كبيرة اوي ولو هنتكلم في الفروق البسيطة دي هتطلع BMW
لكن بجد عايز تركب عربية اركبها 2000 سي سي من مرسيدس او BMW وخصوصاً BMW 320i واتفرج على السرعة والثبات بجد :evil::evil:
طالما البنزين ٩٥ مش مشكله لك كما تقول يبقى السى الجديده ١٨٠ افانجارد كأختيار افضل من ال ٣١٦/ f30 ...
لو عايز تحط البى ام فى المفاضله يبقى ال 320 luxury/sport هى الى تنافس بقوه بحكم موتورها الاقوى .... و ايضا فى نفس رنج السعر ...
تحياتى ...
يا فندم ممكن تشرحلي عربية ايه اللي اربع سرعات دي ؟؟؟؟
ولا عربية ايه اللي ٦ سرعات
حضرتك موضوعنا شركتين من المانيا
احنا مش بنتكلم عن عربيات منذ القدم
الاربع سرعات ده كان في مرسيدس التمساحة حضرتك محتاج تجدد معلوماتك يا فندم
بالنسبة للفتيس البي ام ال ٨ سرعات مش مش احسن من المرسيدس ال ٧ سرعات
لان ببساطة في حاجات بتقيم الامر ده و معدلات كتير
مش عشان ٨ يبقى احلى من السبعة
واصلاً حضرتك برده مشفتش فتيس المرسيدس
لو شكل يبقى احلى بمراحل
لو امكانيات اتفضل راجع موضوعات فيتيس مرسيدس الجديد و شوف التكنولوجيا الرهيبة
مش مين اكتر في السرعات :)
C180 عجباني بصراحة
ده Standard الفتيس عدد سرعاته قبل ما نشوف التكنولوجي اللي فيه :b04:
هو ايه الفتيس اصلا الا عدد نقلات !!!!!!! :duh::duh::duh:
وبعد كده التكنولوجي بتكون في كيفية النقل والتغيير بينهم !!!!!
طيب لو كان التكنولوجي اهم كنت لقيت الشركات بتطور في الفتيس الـ6 سرعات وبلاش الـ7 او الـ8 في الـcompact و الـsub-compact !!!!!!!
لان لمعلومات حضرتك ان الفتيس كل ما كبرت عدد نقلاته كل ما اخد مساحة اكبر في العربية وده مشكلة في العربيات الـmid-size و الـcompact عموماً :camera:
علشان كده فكروا في الفتيس الـCVT علشان ياخد عدد نقلات كبير ويكون مساحة صغيرة للعربيات الـCOMPACT و الـSUB-COMPACT لكن معجبش الناس وعلشان كده فكروا في عمل فتيس بنقلات أكبر ويدي التحكم للناس !!!!!!!!!
اقولك ايه بس ....... ده كلام طووووووووووووووووووويل
لكن نصيحة مني كل ما زادت نقلات الفتيس هتكون افضل واريح للموتور من استهلاك البنزين وعدد لفات الموتور وتسارع وكل حاجة وده ارجع واقول (أ ب) Transmission !!!!!!!!
واستنى الفتيس الـ10 نقلات جاي في الطريق !!!! :)