الزرجينه كيف تستخدم لكبس رولمان البلي

**atpo56a** · 03-10-2014 04:05 PM

السلام عليكم احبائي اعضاء وزوار المنتدي
كل عام وانتم بخير ودمتم في طاعه الله

بصراحه دخلت في نقاش مع صنايعي بخصوص استخدامات
الزرجينه انا عارف انها بتستخدم لسحب وفك رولمان البلي من المكان اللي راكبه فيه بتتركب السنون الثلاثه بتوعها تحت رولمان البلي ويتم الربط علي المسمار للفك اكيد الكل عارف ازاي يتم الفك
السؤال اللي محيرني

ازاي نستخدم الزرجينه لكبس رولمان البلي في مكانها
يعني ليها استخدامين فك وتركيب رولمان البلي
يا ريت السؤال ده يكون له اجابه عندكم وبخاصه المتخصصين اللي دايما بيستخدموا الزرجينه في شغلهم
الف الف الف الف شكر مقدما لتقديركم في المشاركه
منتظر الردود ولكم جزيل الشكر

**abohend** · 03-10-2014 04:27 PM

متابع

**غزلة** · 03-10-2014 05:35 PM

شوف يا باشا. الزجينة ام سنون تستخدم في الصحب فقط ولايمكن استخدمه في الكبس
90 في المية من رولمان البلي لازم استخدم الشاكوش في الكبس او استخدام مجبس الا في حالات معينة مع استعمال زرجين خاصة

**Mecha** · 04-10-2014 07:26 AM

الزرجينه دي للفك بس. عاوز تركب تجيب جويط مقلوظ وصواميل وورد
او بالدق او للشغل الاحسن مكبس
وفيه زراجين ببستم هيدروليك وبورتا باك للكبس والتركيب

**Eng . megoo** · 04-10-2014 02:40 PM

طبعا تستخدم للكبس و شحط البلي اقولك ازاي تركب السنون الثلاثه تحت الشغله نفسها و كل شغله ليها مقاس زرجينه و لو الشغله مفيهاش مكان يتلحم 3 قواعد و بعد كده يتشالوا و يتنضف مكانهم و بعد ما تركب سنون الزرجينه تجيب بليته حديد ليها سنتر و يكون قطرها اقل من قطر الظرف الخارجي للبليه و تحطها تحت قلاوظ الزرجينه و فوق البليه و تربط بالزرجينه البليه هتدخل مكانها

**طارق _عبد السلام** · 04-10-2014 02:48 PM

هو ممكن فى حاله واحده انك هتركب الرولمان بلى فى مكان مثلا زى دائره بتوصل لها الثلاث ارجل للزرجينه بتضع البليه فى مكانها وبتجيب قطعه حديد بتضعها على البليه وبتثبت عليها مسمار النص وفى نفس الوقت الثلاث رجول شابكين فى الدائره من تحت وبتربط والرباط بيضغط البليه لتحت... لكن استخدامها الدائم لفك البلى والطنابير

وفيه طريقه تانيه لو هتركب البليه فى عامود .. بس دى تفضل مع البلى المفتوح او 1z.. وليس 2 z

انك بتسخن البليه على سخان كهرباء مثلا وتمسكلها بجوانتى حرارى او بنزه وتركبها على العمود هتلاقى البليه بتجرى فى مكانها ومش محتاجه اى دق وبعد مابتبرد الحديد هينكمش وهتكلبش فى مكانها وبعد كده بتشحم البلى

وعلى فكره اغلب الناس بتشحم البلى باى شحم او بشحم اسو.. وده غير مخصص للبلى يوجد انواع كثيره للشحم مخصوص للرولمان بلى وده بيخلى البليه تعيش