انا محتارة جده فى الشراء الاتنين تقريبا نفس المواصفات
عرض للطباعة
انا محتارة جده فى الشراء الاتنين تقريبا نفس المواصفات
خليكي في السويفت ياباني وصالون ونشطة أوسع
يعيبها قلة الانتشار
الافضليه للسويفت
انا اقول خليني في المضمون واختار البيكانتو رغم ان السوزوكي ممكن تلاقي فيها كماليات اكتر
لكن انا أحب الحاجة المتجربة كتير والمضمونة وأسم كيا افضل من سوزوكي دلوقتي ده طبعاً غير شكل البيكانتو اللي احلى بكتير من السويفت (ازواق)
وتوكيل كيا وقطع الغيار واعادة البيع .... الخ كل حاجة بتدل على الكيا
ده رأيي الشخصي والله أعلم
توكيل كيا افضل من توكيل سوزوكى
كيا منتشرة
سوزوكى عدد عربيات محدود جدا
المواصفات و الامكانيات سوزوكى افضل ولكن لم يتم تجربتها فى الشارع المصرى و اسالى اى حد مش حيعرفها
ارشح لك الكيا بيكانتو زي ما قال الأعضاء الكرام
أتفق مع 2CODE
بيكانتو أفضل خصوصا من ناحية التوكيل والانتشار وإعادة البيع
البيكانتو زيرو امان
انا هختار السوزوكي حتي لو بتولع
يكفي إن الكيا مفيهاش اي عوامل امان خالص
خليك في المضمون
الكيا ليها سوق و بياعه
لو بتفكرى فى شكل وبرستيج وعوامل امان وابوشن كتير وسياره معمره يبقى سوزوكى
لو بتفكرى فى سعر اعاده البيع مع انه مش هيختلف كتير اوى يعنى فى حدود 4000 او 5000 جنيه يبقى البيكانتو وكمان سرعه بيعها
بس نصيحه منى السوزوكى احسن بكتير وصلون اكبر وفخامه وبرستيج و اوبشن كتير وامان وشكل احلى
ومتفكريش فى مسئله قطع الغيار لليابانى بالذات لانه متوفر والعربيه زيرو فهيبقى كل قطع الغيار اللى انتى هتحتاجيها هتكون العادى زى تيل الفرامل وغيره وده هتغيره اثناء الصيانات الدوريه سواء سوزوكى او بيكانتو والاتنين قريبين من بعض فى الاسعار
اما قطع الغيار الخارجيه مثل الفوانيس والابواب فاعتقد انك كده كده هتامنى على العربيه فما تشليش هم
من الاخر الموضوع ازواق واللى انتى مياله ليه هتيه بدون تردد مدام انتى هتشترى زيرو
وارشحلك السوزوكى
يا باشا أنا معايا البيكانتو و بصراحة زي الفل و عجباني جدا (موديل 2010) و الجديدة بقي أحسن و أقوي و أحلي 100 مرة ... بصراحة أنا ماركبتش السويفت قبل كدة ف ماقدرش أحكم عليها أو أقول رأيي فيها لربما تكون مشاركتي مرجع لأحد الأعضاء و ياخد معلومات خاطئة
جربى سوقى الاتنين لو امكن لان البيكانتو ناشفه سنه بس ممكن التأقلم معاها
الى يميز البيكانتو وسع انتشارها وتوفر قطع غيارها وتوفر مراكز خدمتها على عكس السوزوكى الى انتشارها ضعيف وسوقها ضعيف وتوكيلها مش قوى زى توكيل كيا
ما يميز السوزوكى لا اعرف عنها شيئ لانى مش هفكر فيها
البيكانتو فيها فئات وكماليات كتير والاهم انك تشوفى وسائل الامان فى العربية الى هتركبيها بأذن الله
هي البيكانتو هتكون اعلي فئة ؟؟
سيبي ال2 وفكرى فى اليارس - قريبه منهم حجما وشكلها الجديد الهاتش باك تحفه
انا متشكرة ليكوا جميعا على المشاركة بس فيه حاجة مهمة فى كلامكوا عن عنصر الامان الحقيقة انا مش فاهمة يعنى ايه عنصر الامان فى العربية وانا بشتريها؟؟؟
فعلا البيكانتو سعرها عالى بس اليارس دى اى فئة؟؟؟؟
الرائعه سويفت
السويفت و البيكانتو الاتنين فيهم الحاجات دى
البيكانتو فيها abs؟؟؟؟؟؟
مفيش وجه مقارنة
سوفت فعلا
ركبتها و شفتها -- يعيبها ان الكنبة الخلفية و الشنطة ليست واسعة اوي يعني -- بس حلوة -- و لو هانقارنها ب بيكانتو-- يبقي مفيش وجه مقارنة
انا حجزت السويفت عشان لما ركبت البيكانتو مستريحتش وحسيت انى هظلم اللى قاعد ورا معايا وبصراحة بحس ان البيكانتو اغلى من سعرها الفعلى يعنى مستحقش كل قرش بتدفعه فيها عكس السويفت
سويفت