يعني برده ابناء عاملين طيب اديك شوفت الاولويه لابناء العاملين والباقي برده ابناء عاملين بالكوسه يعني ابناء العاملين محتلين الوظائف اتاري مفيش شغل في الحكومة لو كل الشعب زيك كنا وفرنا ثورة يناير وكان زمان جمال مبارك الرئيس واحنا.مرحبيناقتباس:
المشاركة الأصلية كتبت بواسطة ladawy
يؤعني الموظف بيورث الوظيف
العيب مش في الحكومة لوحدها العيب فينا كمان
الناس لازم تفهم ولا تنسى الحكومه للشعب كله وليس لمجموعه اعتقدت مع الزمن لها الحق فى مليكتها ومبدء " لا للتوريث " يطبق على الجميع مش مبارك وابنه جمال .. وهو اهم مبادىء اصلاح الفساد فى مصر .. يعنى ايه اجد الكهرباء كلها عبارة عن عائلات وبلديات والمدير من فاقوس اجد القطاع كله من فاقوس وضواحيها وكم واحد وساطه بينهم ونفس الشيىء البترول وشركاته. الطيران المدنى وغيره ... الموضوع دة لازم اعادة هياكل الدوله على الشفافيه المطلقه . وتغيير القيادات وهيكله الشركات كلها بحيث نوجد كيانات جديده نقدر من خلالها اعادة ترتيبها بشكل صحيح
ايها السادة
1- مسألة ابناء العاملين .. غير دستورية وغير قانونية نهائيا ..
2-الواسطة رشوة مقنعة .. سواء فلوس او مقابل خدمات .
3- من حوالي 4 سنين عملت حركة اسمها ( مش تكيه ابوهم ) . وعملنا صفحة على النت وجمعت كتير .. وكانت حركة مضادة لاستغلال بعض الموظفين بقذاره وخسه ظروف مصر والتظاهر والضغط لتعيين ابناءهم ...
وكنت فعلا كمحامي بدأت الاعداد للمواجهه مع كل الشباب والبدء بعدد من المصالح الحكومية
وعايز اي واحد يتخيل كده لما تجيب ابناء العاملين امام القضاء وتقولي على اي اساس اتعينوا من القانون
ولما تثبت ان فيه اكفأ منهم .. وكمان ان بابا او ماما شغال في نفس المكان
وتبطل قرار تعيينه
والعيار اللي ما يصبش زي ما بيقولوا يدوش
@@من حسن حظ الساادة ابناء العاملين في الاسكندريه ان جالي عقد عمل بالخليج كمستشار قانوني في مجموعة كبيره ..
وما بقتش فاضي طبعا لاستكمال المهمه
لكنها تبقى حلم للاخرين ...
بالنسبة لي لا احلم نهائيا بوظيفة حكومية .. لانها كما قال احد الزملاء سابقا في هذا الموضوع
مهام تافهه عادة لا تحتاج الى ذكاء .. اي واحد ما بيفهمش يقدر يعملها
روتين + غباء
مقابل راتب ووظيفة ثابته
@@@@@
ايها السادة مصر فيها 6 مليوووووووون موظف
4 مليووووووووووووووووون ما لهمش لازمة
بيزوغوا او بيناموا لنهاية الدوام
نادرا ما تجد بين موظفي الحكومة مبدع او مفكر
موجود طبعا بس زي ما قلت نادرا
عشان كده فعلا .. الحد الاقصى للاجور كااااااان لازم
يا ناس المصرية للاتصالات رئيس مجلس الادارة كان بياخد شهريا 2 مليون تقريبا
@@@@؟؟؟؟؟؟؟؟؟!!!!!!!
والرئيسي التنفيذي ومش عارف مين بياخدوا فوق المليون
عشان العبقرية السحرية اللي خلت المصرية للاتصالات والانترنت المنيل بنيله في مصر في عنان السماء
انا اعمل حاليا مدير ادارة قانونية في شركة خليجية
بفضل الله وحده
لا واسطه ولا اقارب .. اللي ما نابناش منهم غير الحسد والحقد .. وطلب تشغيل عيالهم
رغم انهم هم نفسهم تخلوا عن الواحد منا لما كانوا في مناصب شغل
عشان يشيلوا الوظيفة لعيالهم وسبحان الله
طلعوا معاش قبل ما يقدروا يعينوا عيالهم
وما لقوش حد يتوسط لهم ....
الله يرزق عيالهم وكل الناس باذن الله
(لا حيلة في الرزق ولا شفاعة في الموت)
(( ما كان لك سيأتيك على ضعف وما ليس لك لن تنالة بقوتك .. وعزتي وجلالي لارزقن من لاحيله له ... حتى يحيل اصحاب الحيل ) ... حديث قدسى
يا جماعة ، بلا تحامل .. انا بعرض حل لمشكلة طرحت قدامى
مش بنتقد و بلوم الظروف .... و مش هابرر الغلط و ابيعه على انه صح
بس دى الفكرة اللى ظهرت قدامى ، و بعرضها عليكم للمناقشة و التطوير
و دى مواضيعى السابقة ، علشان بس اوضح ليكم وجهة نظرى ، أو غرضى من الموضوع
لحد امتى هانفضل عايشين المسرحية المجتمعية الاجتماعية الهزلية دى !!
دعوة لانشاء قسم ( بنك الافكار ) بالمنتدى .... رأي المشرفين و الاعضاء ؟
( و ايه اللى هايخلى واحد طالع معاش السنادى يجرى فى تطويرات و الكلام ده ) موقف و رؤية
علشان نوقف حملة التحامل اللى انا شايفها ...
عجبنى موقف و كلام Hany Adel
الراجل من كلامه كان بيحاول ياخد خطوة و يعمل حاجة فعليا
انا اللى قايل الكلام ده :)اقتباس:
بالنسبة لي لا احلم نهائيا بوظيفة حكومية .. لانها كما قال احد الزملاء سابقا في هذا الموضوع
مهام تافهه عادة لا تحتاج الى ذكاء .. اي واحد ما بيفهمش يقدر يعملها
روتين + غباء
مقابل راتب ووظيفة ثابته
=====================
بالمناسبة ، المنصب اللى انا فيه .. كل اللى معايا فيه من غير ابناء العاملين دبلومات ، و فقط ... فقط ابناء العاملين هما اللى بكالوريوسات ،،
الحكومة مش بتكرمنا أو بتقسملنا التورتة ... لأ ، الحكومة بتحاول تمتص مطالب الموظفين و تثبتهم بأى وظيفة و السلام
لإن على الصعيد الآخر باقى الوظايف التانية بيخلص بالوسايط & الرشاوى
لــــذلـــك بقولها تانى ،، الاكثر اولوية لو انتوا عاوزين تحلوا الموضوع من جذوره هو انكم تشوفوا عوامل مفاضلة اكتر فاعلية للوظائف المعلن عنها فى المسابقات بدل من الامتحانات التحريرية الخاااوية اللى نتيجيتها بتكون انها تترمى فى الزبالة ، و يطلعوا النتائج باللى دفع اكتر أو اللى معاه واسطة اكبر
و مثال من قلب الاحداث ، مسابقة بيتقدم ليها 4500 واحد ، امتحانها 24 نقطة ، 5 صح و غلط ، 15 معلومات عامة من شاكلة : من هو مخترع ... ، و 4 مقالى اسألة قانون تافهة
قولى ازاى يطلعوا من العدد ده و بالامتحان ده اكتر 17 واحد يصلحوا للوظيفة ،/،
مع العلم بإن الـ 4500 ورقة الامتحان تعتبر ورقة واحدة .... كله كان بيحل حل جماعى ،، ماهى صح و غلط و اسماء مخترعين !
=========
و أخيرا ، انا بعرض حل وسط عجبنى ،
و متابع معاكم لسماع كافة الانتقادات او التطويرات .