انضممت الى عائلة ملاك ديهاتسو فهل من مساعدة ونصائح ؟؟؟

اخوانى ..... اشتريت شاريد 1990 هاتشباك اوتوماتيك منذ عدة ايام اعتمادا على ما فرأته فى هذا المنتدى الرائع عن توفر قطع غيارها (فى عدة اماكن) وانها معمرة رغم ارتفاع ثمنها. ولكن يبقى السؤال الخالد هل توجد قطع غيار لهذا السيارة يمكن استعارتها من ماركات اخرى من السيارات اكثر توفيرا وتوفرا، يعنى مثلا قرأت فى هذا المنتدى المفيد كيف استطاع احدهم توليف وتطويع مساحة الفيات 128 لتصلح لزجاج السيريون الخلفى:


http://www.nilemotors.net/Nile/435138-a.html

بصراحة راجل 100%

طيب ايه رأيكم تكتبوا ابداعاتكم فى هذا المجال لتعم الفائدة على الجميع

وهذا شخص اخر سعودى يعطى النصيحة التالية:

"جيب ديهاتسو روكي موديل 91 او 92 ما كينته نفس ماكينه هايلوكس 84

رحت لمحل يبيع قطع غيار ديهاتسو ابي اشتري اصلاح كبليتر قالي 200 ريال اصلي

رحت لعبداللطيف جميل لانه هو وكيل ديهاتسو الان قال 250 ريال

بس الصراحه طحت بواحد اجودي ابن حلال من حقين عبداللطيف

قال يابو الشباب لا تتعب حالك رح الى اقرب محل يبيع قطع غيار تايوتا

وقله يعطيك اصلاح كبليتر هايلوكس 84 وعطاني رقم الماكينه وقالي اسكت لاتقوله جيب ديهاتسو

وبالفعل رحت واشتريته ب 50 ريال وركب مثل العسل"

قطع غيار سيارات تركب على سيارات ثانية ، تبادل خبرات - منتدى مستعمل - مستعمل

في حاجات بتركب عليها من الكيا برايد زي الردياتير و صباع الحرارة

ذكر البعض ان جنوط هوندا سيفيك ومازدا 2، ياريس، سوزوكي سويفت تناسب شارد


أما مسامير تثبيت الجنوط فهى 4 فى 100 للموديلات من جى 100 الى ج200 (يعنى من 89 الى 2006) و 4 فى 110 لموديلات جى 10 وجى 11 (موديلات الثمانينيات)


نرجو تأكيد هذه المعلومات التى احاول ان اعثر عليها بين مجاهل الانترنت وساوافيكم بكا ما اعثر عليه فى هذا المجال ربما استفاد احد الاخوة من معلومة او اكثر

ثرموستات مروحة الاكسل بتركب علي الشاريد 90 بكل اريحية و باربعين جنيه
http://www.nilemotors.net/Nile/430279-90.html

بص بقى ياريس انا ركبت جوز مساعدين خلفى بتوع هيونداى اكسنت خليجى ووسعتهم شوية بساط من عند الشمعدان وهما هما بتوع الشاريد 1990 ويمكن افضل

حد عنده الكتالوج بتاع شاريد 90

اقتباس:

---

المشاركة الأصلية كتبت بواسطة moh_dunes

بص بقى ياريس انا ركبت جوز مساعدين خلفى بتوع هيونداى اكسنت خليجى ووسعتهم شوية بساط من عند الشمعدان وهما هما بتوع الشاريد 1990 ويمكن افضل

---

الله عليك هيا دى الافكار والا بلاش بارك الله فيك بس يعنى ايه وسعتهم شويه علشان لو حد حب يعمل زيك يفهم اللى ها يركيهم ...على فكرة مساعدبن الشاريد الخلفى الكويسين ب 750 والامامى الصينى الزياله ب 350 مساعدين الاكسنت يقى يكام ؟؟ ولازم خليجى ...تحية اخرى لك

اقتباس:

---

المشاركة الأصلية كتبت بواسطة moh_dunes

حد عنده الكتالوج بتاع شاريد 90

---

راجع الايميل

طب مافيش حد عنده افكار عن المساعدين امامى
سعرهم غالى اوى و عايزين صرفه فيهم

مساعدين الشاريد فيه kyb الياباني عند عبد الله في محل الوليد في الحرفيين وسعرهم زي سعر اي مساعدين عربيه ياباني بس اتصل اعرف بكام حاليا ً بس الراجل ده عنده حاجات ليها كتير وسعرها ممتاز واصليه

الله ينور ياشباب تسلم ايديكم على المجهود والمعلومات
فعلا بكده نقدر نحل كل مشاكل العربيه دى وبسعر قليل

محتاج كاتالوج الشاريد . لو موجود يا جماعه

اقتباس:

---

المشاركة الأصلية كتبت بواسطة geo_yacoub

مساعدين الشاريد فيه kyb الياباني عند عبد الله في محل الوليد في الحرفيين وسعرهم زي سعر اي مساعدين عربيه ياباني بس اتصل اعرف بكام حاليا ً بس الراجل ده عنده حاجات ليها كتير وسعرها ممتاز واصليه

---

طب كام رقم عبد الله ؟

اقتباس:

---

المشاركة الأصلية كتبت بواسطة upaupa

راجع الايميل

---

يا ريت ممكن المانويل بتاعه

عن تجربه

الكوبلن الخارجي للكيا برايد بيركب علي الشاريد 1992 مع تعديل بصيط لتركيب التيله اللي في في اول الكوبلن

اقتباس:

---

المشاركة الأصلية كتبت بواسطة sica_1

يا ريت ممكن المانويل بتاعه

---

هو ده الأتوماتيكي ؟؟؟؟

موضوع ممتاز ومتابع لاني بفكر اجيب شاريد مانيوال 92 ولو حد قدامو واحده كويسه جدا ياريت يقولي وشكرا
متابع

هي الشاريد 92 هاتشباك 3 سلندر تكيفها قوي ؟؟ و سعرها في حدود كام لو سمحتوا

Sent from my Nexus 5 using Forum Runner