هل الصنى الجديده موفره للبنزين وماهو معدل الاستهلاك قد ايه ؟ والتانك بيعمل قد ايه وكام لتر
هل الصنى الجديده موفره للبنزين وماهو معدل الاستهلاك قد ايه ؟ والتانك بيعمل قد ايه وكام لتر
المعدل العادى جوا البلد بالتكيف و الشد سعات فحدود 7-- 7.6
على طرق السفر بالتكييف بيعمل فحدود 6.5
إستهلاك الصني في المجمل ٦ لتر بنزين لكل ١٠٠ كيلو وده ممتاز طبعا بس غالبا الواحد مبيوصلش للإستهلاك العالمي إلي في الكتالوج فا غالبا ممكن نقول إنها متوسط إستهلاكها من ٦.٣ - ٦.٦ و ده كدة مازال ممتاز . تانك البنزين ٤١ ليتر يعني فاول ب ١٠٠ جندي
بص هى مع زوجتى تقريبا اليوم متوسطه 9-10 ج بنزين 92
دة بالبلدى والاخوة الاكثر خبرة ممكن لهم راى تانى دة راى مستهلك والعربيه شغل طحن توصيل اولاد للمدرسه كل يوم مطار الى الخليفه المامون رايح جاى
سؤال صغير بعد اذنك انا هاشتريها ...تقييمها بالنسبه لموديل 2015
على فكره انا كنت لسه عامل موضوع مقارنة بين الصنى واﻷكسنت بسأل الاعضاء عن رأيهم
وانت جزاك الله خير افدتنى برده
كنت عايز اعرف اللى مع حضرتك 2015
ولا 2014
و
والعربية اخبارها ايه بشكل عام خاصة فى العيوب اللى الاخوة الاعضاء اتكلموا فيها
علي الطرق السريعه علي 2500 rpm بتستهلك 5.5 لتر لكل 100 كيلو -بدون تكييف-
في المدينه في الزحمه بتستهلك 11 لتر لكل 100 كيلو -بدون تكييف-
استهلاك البنزين معايا عن تجربة:
التنك بيعمل معايا 500 كم وبفول بحط 36 لتر
يعنى 36/500=13.8 كم لكل لتر
يعنى لتر البنزين بيمشينى 13.8 كم
اسلوب قيادة هادى واستخدام التكيف علطول
طبيعة الطريق: هجين ما بين المدينة والسفر
مش محمل السيارة
معلومه: استهلاك البنزين له عوامل كثيره جدا مثل: اسلوب القيادة- ضعط الهواء- محمل ولا لا-طبيعة الطريق- ..............الخ
ملخص: استهلاك البنزين قريب من العربيات ال 1600 سيسي مثل سيارتى القديمة النوبيرا (عن تتجربة)
كنت عملت تقرير عن السياره ودة اللينك بتاعه:
http://www.nilemotors.net/Nile/442620-2015.html
العربيه شاريها شهر يوليو ورخصت 2014 . انا اشتريتها لزوجتى وسافرت السعوديه انا جربتها فى الاجازة حلوة وفيها كل حاجه وجرايه وثابته وسعرها حلو عليها لآن بصراحه مفيش سيارة اتوماتيك لاقيتها بسعر اقل افضل منها
الافيو مش حلوة
الاتراج 3 سلندر يعنى موتوسيكل
الاكسنت افضل منها تقفيل بس سعرها اعلى 13 الف جنيه
فى مصر سيارة كويسه ومفيش داعى ترهق ميزانيتك فى حاجات فوق وفى الاخير كله زى بعضه
انا معی السوبر صالون 2014 منذ فبراير الماضي وعاملة حوالی 6000 كم . وانا شايف ان استهلاكها من البنزين عالى. بتعمل حوالی 220 كم / صفيحة فى السفر الطويل وحوالى 170كم فى الداخلى. وبالتالی فان معدلات الاستهلاك المذكورة اعلاه بعيدة عن الواقع. وعلی كمبيوتر السيارة نفسها معدل الاستهلاك هو 8.8 لتر/100 كم
معايا نيو صنى 2013 انا شايف ان الاستهلاك عالى العربية العداد 9000 كيلو مشيت بيها 307 كيلو ب 35 لتر بنزين بدون تكييف جوه المدينة وقليل على الطرق السريعه يعنى اللتر بيمشينى 8.8 كيلو فشايف ان الاستهلاك عالى خالص هل ده طبيعى
فى الاول اسلوب القياده ومكانها بيفرق
كمان لو السياره لسه بتلين فى اول 5000 ك بيكون الاستهلاك عالى شويه
احسب لها بعد 5000 ك
انا بعد ال 5000 ك الصفيحه عملت معايا على الطريق السريع على سرعه من 90- 120 ال 20 لتر عملوا 280 ك
يعنى انا سافرت بيها من كفرالشيخ الى جامعه حلوان والعوده خدت 20 لتر فى 280 ك مع تششغيل التكييف احيانا مش كل الطريق
ودا استهلاك كويس فى نظرى
جوا البلد فى الزحمه والوقوف المتكرر 170 ك للصفيحه ال 20 لتر
بص اكيد فيه حاجه هى السبب
انا مثلا مش بخلى الار بى ام يعدى عن 3 باى حال يعنى بيكون من 2.5 - 3.0
مثلا اول لما بطلع بالعربيه بديها راحتها بدوس بنزين بس مش بخلى العداد يتخطى ال 3 لان بكده انت بتزود استهلاك البنزين
فيمكن يكون ده سبب
كمان فيه عوامل اخرى ممكن تكون السبب زى ضغط الكاوتش والهواء وحموله العربيه وغيره
لو مفيش اى سبب من ده حاول تراجع التوكيل فى الصيانه
شوف يا باشا ما تقلقش انا هقول لحضرتك ال عندي اولا استهلاك البنزين عالي لو علي طريق سريع كويس جدا
انما جوه البلد وزحمه وكده الصفيحه هتجيب معاك اخرها من 160-180
بالنسبه لاول شرطه هو التانك حوالي 41 لتر الشرطه مش حوالي 5.25 هي حوالي خمسه و غالبا بيبقي
في احتياطي كام لتر كده انا حضرتك اول شرطه بتقعد معايا كويس جدا لو سريع هتوصل 100 ولو جوه البلد ممكن توصل 60
حضرتك جرب تروح تفول بعد اول شرطه بالظبط والكلام دا انا عملته امبارح العربيه خدت حوالي 9 لتر
يعني مش خمسه او حاجه انا كنت قلقان في الاول من الاستهلاك بس بعد كده عشان تريح نفسك
انا عشان معظم حركتي وتنقلاتي جوه البلد 160 و ما تفكرش فيها وربنا يباركلك فيها ويكفيك شرها