وجهة نظري للاخ Mohamed.Ramah في جرند I10 في رسالة خاصة
دي رسالة من الاستاذ Mohamed.Ramah طلب مني وجهة نظري في اختياري لجرند I10 تم شرح وجهة نظري للاختيار واتفقنا ان نعرضها علي الاعضاء للافاده اتمني ان تنال اعجبكم ومرةاخري دي وجهة نظري الشحصية قد اصيب و قد اخطئ واتمني انا اكون اصبت في الاختيار اليكم الموضوع
[Q اقتباس:
المشاركة الأصلية كتبت بواسطة Mohamed.Ramah
اولاً كل سنة وحضرتك طيب وعيد سعيد على حضرتك
كان لى استفسار خاص بالجراند i10 بصراحة الواحد دماغة تعبت من المقارنات فى الفئة دة فا كنت عاوز اعرف من حضرتك اية سبب اختيارك للعربية مقابل الباقى الفى نفس سعرها ومنتشر من فترة مثل بريليانس لوجان فيرنا بيكانتو سوذوكى سويفت ديزاير - اتراج وتعتبر منافس قوى وطبعاً نيسان صنى الشكل القديم معلش انا محتار جداً وهل العربية واسعة ولا ديقة وغير مريحة فى الجلوس فى الامام ؟ وشكراً
صباح الخير و كل سنة و انت طيب وعيد سعيد علينا جميعا دا اولا
اما بالنسبة للاستفسارك بص اكون صريح معاك انا كنت بقارن بين العربيات الي في الفئة السعرية دي بس عشان اكون صريع معاك كنت مستبعد الـ بريليانس عشان اولا قطع غيار غالية نار و توكيل معقد و الاخر صيني و انا مركبش صيني حاولت كذا مرة اقنع نفسي بية بس معرفتش بعد ما جربت الA113 الخاصة باحد اقاربي و الصراحة قولت اركب عجلة و مركبش صيني اما الفيرنا خلاص شبعنا منها ومشاكلها كتير بالاضافه الي ان التقفيل النصري واضح جدا فيها بعد تجربتها مرتين في العمل و انت عارف اقصي تجربة بتبقي في العمل و نقطة التقفيل المصري دي من النقط الي بتضعة العربية لسوء التقفيل كنت اتمني تلاشي عيوب التقفيل المصري و سوء الخامات المستخدمة اما البيكانتو عربية حلو بلا شك بس المساحة الداخلية اهم اسباب عدم اعجابي لها عربية ديقة جدا من الداخل و في نفس السعر دا يخليني اجيب عربية تانية اكبر و المساحة الداخلية افضل بكتير بالنسبة للبيكانتو اما السوذوكى سويفت ديزاير عربية حلوة بس نيجي بقي نقارنها بالجرند نجد انهم واحد في كل حاجة بس الديزاير تتفوق عن الجرند انها فيها اير باج و ABS اما الجرند يتتفوق عنها بالوسع الداخلي و الموتور Dwell cctv دا مختلف عن الديزاير و مش هنتكلم عن التوكيلال انا غبور بكل الي الناس بتقول علية افضل من توكيل سوزوكي الي فاكر نفسة انة بيتعامل مع عربية الاماني في الاسعار يعني لك ان تتخيل اما اروح اغير ابلاتين و كندنسر لمروتي لعدم توافي الاصلي في السوق و كنت مجبر علي ذالك لعدم بيعهم قطع غيار فقط ادفع 250 جنية ولك التعليق ونهيك عن توقير قطع الغيار من الاخر تلاقي حد تكلمة و لو قطعة غيار من متوفرة يجبهالك خلال 48 ساعة لو موجوده في اي فرع داخل مصر و لو استيراد بيقي خلال 4:6 شهور فدا كويس فبتالي دي نقطة في صالح الجرند انا طولت شوية بين الاتنين دول عشان نفس العربية و الكلام الي عليهم اما النيسان صنى الشكل القديم عربية محترمة بس عربية جدي واي ههه يعني عندما يتحدث التاريخ عربية قاديمة اوي في كل شئ من حيث الصالون و الشكل و الموتور ودا اهم نقطة لما تركب عربية 2014 تعمل 160 كيلو في الصفيحة دي تبقي كارثة بشرية في ظل ارتفاع اسعار البنزين وما يصل اليه الي المستقبل القريب و علي فكرة كل ما سبق عن مشاهده و تقييم من ارض الواقع .
كده يتبقي الوجان - الاتراج
ناخذ كل واحده علي حدى الوجان عربية محترمه جدا من غير كلا بس كل ما ياخذ عليها ان الموتور 8 صباب فدا من اهم عيوبها و دا بيؤثر في استهلاك البنزين عيني تقريبا بتعمل 210 الي 240 في الصفيحه و طبعا النقطة دي مهما جدا لائن العربية بيدفع ثمنها ماره واحده اما البنزين دا بيدفع كل يوم و نقطة الثبات دي مش بينلها حل او كلام نهائي يعني لما تلاقي ناس تقلك ان مفهاش استبلايزر و ناس تقلك لا دي فيها و يرفقو صور و لما اروح التوكيل 3 مراة في اوقات مختلفة في ابو رواش الاقي من 2 الي 3 عربيات مقلوبة و العجل الامامي مكسور للداخل فدا يقلقو لا ؟؟؟؟ بسفس ناس تقلك بس فسها عوامل امان كذاو كذا اكيد انت عارفها اقل لهم يعني هما يعملو عربية مش ثابتة و يحطلي فيها وسائل امان ؟؟؟؟ اية يعني بيجربها فيا مثلا و الموتور كما ذكرت 8 صباب و دا من الحاجات الي تقلق الواحد منها لائن لما تيجي تتابع مالكيها عن تجميع السياره يقلك انت يعني هتقفل العداد والعربية دي عربية عائلية مش بتاعت جري فلك انت تفهم ما بين السطور و مع سؤال الحد الاصدقاء في العمل عنها قال لي عربية حلوة بس بطة بلدي فكدة خلاص الواحد عرف الي عايزو و الاتو ماتيك فيها 110 حصان و 16 صباب بس استهلاك البنزين عالي ولسة منزلتش اما توكيل محترم و كماليات كتير بس السحب برضو مهم لراكب العربية
اما الاتراج عربية كويسة فعلا انا رحت و عملتلها تست دريف الصراحة الواحد متكيفش منها الموتور صوتة عالي بس سحبة كويس جدا يعني لما توصل لسرعة 110 :120 كم /الساعة تلاقي عدد لفات الموتور 2.5 فدا كويس بس متحسش ان الموتور حي تحت رجلك و من الداخل فقيره طبعا مقارنة بالجرند و في حاجة معجبتنيش وهي اني بتفرج علي عربية لونها نبيتي و الدواخل من غير دهان يعني ابيض فالك ان تتخيل عربية دوخلها مش مرشوشة و الدهان الخارجي تحس انها مرشوشة بمسدس مش فرن فالصراحة حسيت اني هركب عربية و الخلاص يعني مش هبقي مكيف منها وهيا طبعا بنزيد في وسائل الامان ( واحدة اير باج +ABS) عن الجرند
اما الجرند نتكلم عن الموتور 1248 سي سي 16 صباب Dwell cctv تكنولجيا جديدة موفره في البنزين يعني مكتوب في الكتالوج 5 لتر في الطوالي و 6.5 تقريبا لتر في المدينة و طبعا دا الكلام القياسي لما ناخد متوسط للمعطيات الي عرفنها نقول 7 لتر و ممكن اقل بس نحسب علي كده يعني تعمل 380 الي 400 كيلو في الصفيحة و دا كويس طبعا اما نقطة الوسع فدي ما يميزها بين كلما سبق ما عدى الوجان الجرند واسعة من الداخل في الامام و الخلف و مريحة جدا في الامام مع العلم اني راكب في الوقت الحالي جيتز بعد سيراتو 2010 في دا تقييمي لها من الداخل انها واسعة و نحس انك قاعد مش مزنوق جوا العربية و انك قاعد وتفلو عليك العربية لا انت قاعد و مستريح جدا و درج الطبلوة بيتفتح و حد قعد جنبك من غير ما يتحرك فدا كويس بالنسبة لعربية في الحجم دا و مساحة الشنطة كويسة جدا لها في دا الي مخليني اني افضلها عن الباقي و اتمني انك تشفها الاول و نتكلم او مراجعة موضوعي الموضح بالصور في الينك ده http://www.nilemotors.net/Nile/441394-i10.html اتمني اكون وضحتلك كل ما تريد
ومن واجهة نظري الشخصية ان الجرند افضل من حيث الحجم و الكماليات و التقفيل و الموتور و استهلاك البنزين و التوكيل اما بالنسبة لوسائل الامان مقدرش اقول انها مش مهمة بس لو نزلت بيها سعرها هيزيد او يشيل من الكماليات الي فيها زي بلوتوث و المريات الضم و ينزل بدلهم واحده اير باج او ABS و يرفه سعرها بس انا شايف ما كنا بنركب عربيات من غير اير باج و ABS بس انا عارف هتقلي احنا في 2014 مينفعش نركب عربية من غير وسائل امان بس هرجع و اقلك افضل الي موجود
اتمني اكون وضحتلك كل ما تريد و اي استفسار متتردتش انك تسئل
و علي فركة انا بفكر اخد الحوار دا و انشره لو ماضيئكش ياريت تقلي عشان انشرة لائني كنت هعمل مقارنة بين عربيتين او تلاتة من الي ذكرتهم
و في انتظار ردك اني انشره[/QUOTE]
