رجه شديدة وصوت عالي جدا من الماتور عند بداية الغيار الاول والثاني
بِسْم الله الرحمن الرحيم
السلام عليكم ورحمة الله وبركاته
يا جماعه انا بصراحه كنت مخضوض من اللي حصل لعربيتي ( لانوس شيفروليه ) فقولت اشاركم التجربة علشان المبتدئ زيي ياخد باله لأن ممكن يكون عنده نفس السبب اللي كان عندي
المهم انا سافرت من الأقصر للقصير ورجعت في نفس الوقت تقريبا والعربيه ما شاء الله كانت زي الفل
ولكن لما رجعت جوه البلد حسّيت بصوت عالي جدا من الماتور + رجه شديدة وكأن ألعربيه بتشنق مني علي بداية الغيار الاول والتاني، انا كنت خايف يكون حاجه حصلت للماتور لأني ابيض في العربيات لسه بتعلم.
روحت اكشف عليها فالراجل اول مع سمع الصوت قالي دا صوت شوكمان ونزل تحت ألعربيه قالي الشكمان مكسور وهو السبب، فالحمد لله الراجل لحمه اخد فيه نص ساعه وبعد ما ركبه الحمد لله ألعربيه رجعت زي الاول بالضبط اختفت الرجه والصوت بقي هادي طبيعي.
انا حبيت الجو هنا في المنتدي واستفدت منكم كتير جزاكم الله خيرا فقولت أقول اللي عندي علشان اللي يبحث في جوجل ميتخضش زيي علي الماتور :no4:
في آمان الله وربنا يحفظ عربياتكم من اي سوء إن شاء الله
